باسىحۋ اۋىلىنىڭ باقاي قىستاعى:
ەرىكتى ءتىلشى جاڭ جۇن، لي يانرۇڭ حابارلايدى. شيحۋ قالاسى باسىحۋ اۋىلى باقاي قىستاعىنىڭ تۇرعىنى مىڭ شيمەي: 3”-ايدىڭ باسىندا ەككەن ءسۇت جاپىراعىمىز قازىر بازارعا سالىندى. ءبىر مۋ جەردەن مولشەرمەن 10 مىڭ يۋانعا جۋىق كىرىس كىرەدى“ دەدى.
5 -ايدىڭ 15 -كۇنى باسىحۋ اۋىلى باقاي قىستاعىنىڭ كوكونىس ەگۋ بازاسىنداعى ءسۇت جاپىراق، قيار، كاپۋستا سياقتى ءتۇرلى كوكونىستەر ىلگەرىندى -كەيىندى پىسا باستاعان. شيحۋ قالالىق جاراتىلىستىق بايلىق مەكەمەسىنىڭ باقاي قىستاعىندا تۇراتىن قىزمەت اترەتىنىڭ مۇشەلەرى مەن قىستاق كادرلارى مىڭ شيمەيدىڭ ءسۇت جاپىراقتى جيناۋىنا بەلسەنە كومەكتەستى. بيىل مىڭ شيمەي 10 نەشە مۋ جەرگە ماۋسىمدىق كوكونىس ەككەن. جاقسى ءوسىپ، وسى كوكونىستىڭ باعاسى دا جوعارى بولدى.
باقاي قىستاعى ەككەن كوكونىس توڭىرەكتەگى اۋدان-قالالارداعى كوكونىس ساۋداگەرلەرىنىڭ ەرەكشە قارسى الۋىنا يە بولدى. جاقىنعى كۇندەردەن بەرى ءۇرىمجى قالاسى جيۋديڭ كوكونىس تولايىم ساتۋ بازارىنىڭ ساۋداگەرى ياڭ جۇن ءار كۇنى تۇستەن كەيىن باقاي قىستاعىنىڭ كوكونىس ەگۋ بازاسىنا بارىپ، جاڭا ءسۇت جاپىراق ساتىپ الادى. ياڭ جۇننىڭ باقاي قىستاعىنان كوكونىس الىپ جۇرگەنىنە 10 نەشە جىلدىڭ ءجۇزى بولعان. بۇل اراداعى كوكونىستەر جاسىل، زالالسىز، ساپاسى جاقسى بولىپ، ءۇرىمجى قالاسىنداعى تۇرعىنداردىڭ كوڭىلىنەن شىعىپ كەلەدى ەكەن.
ياڭجۇن: “باقاي قىستاعىنىڭ كوكونىستەرى جىل سايىن قاجەتتى قامداي الماي كەلەدى، ءۇرىمجى بازارىندا ەرەكشە ءوتىمدى. جارىم ايدان كەيىن قيار، پاميدور، كوك بۇرشاق، باكلاجان دا ارت -ارتىنان بازارعا شىعادى، نەگىزىنەن، كۇنىنە ءبىر اۆتوموبيل كوكونىس اكەتەمىز” دەدى.
باقاي قىستاعى شيحۋ قالاسىنىڭ 10” مىڭ مۋلىق زالالسىز كوكونىس بازاسىنىڭ“ وزەكتى وڭىرىنە ورنالاسقان. جاقىنعى جىلدارى قىستاق پارتيا ياچەيكاسىنىڭ جەتەكشىلىگىندە”پارتيا ياچەيكاسى + سەلبەستىك كووپەراتيۆى + بازا + شارۋالار وتباسى“ ۇلگىسى ارقىلى باقاي قىستاعى 2 كوكونىس ەگىمشىلىگى شارۋالار كاسىپتىك سەلبەستىك كووپەراتيۆىن قۇرىپ،”باقاي“ ماركاسىن تىزىمگە الدىرعان. بۇكىل قىستاقتاعى 168 وتباسى قىستاق پارتيا ياچەيكاسىنىڭ جەتەكشىلىگىندە وڭىرلىك ورىن باسىمدىعىمەن ۇشتاستىرا وتىرىپ ەگىمشىلىك قۇرىلىمىن رەتتەپ، كوكونىس ءتۇرىن ”اسىلگى 3 تۇردەن“ 10 نەشە تۇرگە كوبەيتىپ، كولەمىن 2500 مۋعا جەتكىزگەن. بۇل بۇكىل قىستاقتىڭ ەگىس اۋدانىنىڭ ％85 ىن يەلەيدى ەكەن.
قىزمەت اترەتىنىڭ باستىعى، قىستاقتىڭ ءبىرىنشى شۋجيى ليۋ چاڭۋي:“قىستاعىمىزدىڭ ءسۇت جاپىراق، قيار، قىزىل لوبى سياقتى كوكونىستەرى ىركەس -تىركەس بازارعا شىعارىلدى.قىزمەت اترەتى قىستاق تۇرعىندارىنىڭ جيناۋىنا كومەكتەسۋمەن بىرگە، كوكونىس ساتۋ جولىن بەلسەنە قاراستىرىپ وتىر. الداعى جەردە كوللەكتيۆتىڭ ەكونوميكالىق كىرىس ارناسىن ۇزدىكسىز كەڭەيتىپ، كوللەكتيۆ قورىن مولايتۋمەن بىرگە، قىستاق تۇرعىندارىنىڭ ‘قالتاسىن’ قامپايتىپ، اۋىل -قىستاقتى گۇلدەندىرۋگە اناعۇرلىم جاقسى نەگىز قالايمىز” دەدى.