ءتىلشىمىز جاڭ گوحۇي، ەرىكتى ءتىلشى چىن لي حابارلايدى. جۋىقتان بەرى شيحۋ قالاسىنىڭ ءارقايسى اۋىل ـ قالاشىقتارىنداعى ماقتا اتىزدارىندا جاپ ـ جاسىل بالعىن ماقتا مايسالارى قىلتيا باس كوتەرىپ، تىرشىلىك تىنىسى جالىنداي ءتۇسىپ، ءبىر ميلليون 800 مىڭ مۋ جەردەگى ماقتا كوكتەۋ مەزگىلىندەگى باپتاۋ ساتىسىنا ءوتتى.
بيىلعى قاتتى بوران، اۋا تەمپەراتۋراسىنىڭ تومەن بولۋى سياقتى اۋا رايى فاكتورلارى ماقتانىڭ وسۋىنە ءتيىمسىز بولدى. شيحۋ قالاسى قالا -اۋىل دارەجەلى اگروتەحنيكتەردەن 60 نەشە ادامدى اتىز باسىنا بارىپ ۇتىمدى شارا قولدانۋعا بەلسەنە ۇيىمداستىرىپ، ماقتادان مول ءونىم الۋعا كەپىلدىك ەتتى.
شيحۋ قالالىق 2 -باستاۋىش مەكتەپتىڭ تالدى قالاشىعى قىزىلجار قىستاعىندا تۇراتىن قىزمەت اترەتى ەرىكتى قىزمەت وتەۋ قيمىلىن ورىستەتىپ، پارتيا مۇشەلەرى مەن كادرلار بەلسەنە ءۇن قوسىپ، ماقتا اتىزىنا بارىپ، ەڭبەككۇش جەتىسپەيتىن قىستاق تۇرعىندارىنىڭ مايسانىڭ شىعار اۋزىن شۇقىپ اشۋ، تۇپتەۋ جانە مايسانى كوشىرىپ ەگۋىنە كومەكتەسىپ، قىستاق تۇرعىندارىنىڭ مۇڭ-مۇقتاجىن شەشىپ، اۋىل شارۋاشىلىق ءوندىرىسىنىڭ ءساتتى جۇرگىزىلۋىنە دەم بەردى.
بيىل قىزىلجار قىستاعىنىڭ تۇرعىنى يان گۇيلين 132 مۋ جەرگە ماقتا ەككەن، ول:”قازىر ماقتا ەگۋ جۇمىسى دەرلىكتەي ماشينالاندى، اۋىل شارۋاشىلىق تەحنيكتەرى ەگىنجاي باسقارۋ -باپتاۋ تەحنيكاسىن ۇيرەتسە؛ قىزمەت اترەتىنىڭ مۇشەلەرى مەن قىستاق كادرلارى ۇنەمى كەلىپ، تيىمدىلىك جاساۋ ساياساتىن ۇگىتتەيدى. بىرنەشە كۇننىڭ الدىندا عانا 2022 -جىلعى ماقتا ەگۋگە بەرىلەتىن قوسىمشا قاراجاتتى تاپسىرىپ الىپ، قولىمىز ۇزارىپ قالدى“ دەدى.
جۋىقتا شيحۋ قالاسىنىڭ 2022 ـ جىلعى ءبىرىنشى توپتاعى ماقتانىڭ نىسانالى باعا قوسىمشا قاراجاتى تاراتىلىپ بولعان، قوسىمشا قاراجات بەرۋ ولشەمى ءار كيلوگرامىنا 0.80 يۋان بولىپ، بەرىلگەن قوسىمشا قاراجات سوماسى 720 ميلليون يۋانعا جەتىپ، 11 مىڭ 234 ەگىنشى وتباسى يگىلىگىن كورگەن.
شيحۋ قالاسى بۇكىل ەل بويىنشا ساپالى ماقتا ەگەتىن نەگىزگى اۋدان– قالالاردىڭ ءبىرى. 2022 -جىلى ماقتا ەگىلگەن جەر كولەمى ءبىر ميلليون 820 مىڭ مۋعا، تازا ماقتانىڭ بىرلىك ءونىمى 150.3 كيلوگرامعا، تازا ماقتانىڭ جالپى ءونىم مولشەرى 273 مىڭ تونناعا جەتكەن. 2020 ـ جىلدان باستاپ شيحۋ قالاسىنىڭ شيحۋ ماقتا مانەرلەۋ مولشەرى ءبىر ميلليون توننادان اسىپ، بۇكىل شينجياڭداعى ماقتا ەگەتىن اۋدان ـ قالالاردىڭ الدىڭعى قاتارىنا ءوتىپ، ماقتا شيحۋ قالاسىنىڭ اۋىل شارۋاشىلىق ءوندىرىسىن دامىتۋداعى جەتەكشى كاسىبىنە جانە ەگىنشىلەردىڭ كىرىسىن ارتتىرۋىنداعى نەگىزگى ارناعا اينالعان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى