ءتىلشىمىز جاڭ گوحۇي، ەرىكتى تىلشىلەر لو لييان، ۋي سۇي حابارلايدى.”كۇرىش مايساسى وتىرعىزىلا باستادى، 4 ايدان سوڭ جاڭا كۇرىش داستارقانىمىزعا شىعاتىن بولادى“دەدى 5-ايدىڭ 16-كۇنى شيحۋ قالاسى شەگىشور قالاشىعى يۇيشۋچۋان قىستاعىنىڭ تۇرعىنى چىن حاۋ.
جاز باسى ءدال كۇرىش مايساسىن وتىرعىزاتىن مەزگىل. ەگىس ۋاقىتىن مىقتى يگەرۋ ءۇشىن، شيحۋ قالالىق 1-ورتا مەكتەپتىڭ يۇيشۋچۋان قىستاعىندا تۇراتىن قىزمەت اترەتىنىڭ مۇشەلەرى مەن قىستاق”ەكى كوميتەتىنىڭ“كادرلارى اتىز باسىنا بارىپ، كۇرىش مايساسىن وتىرعىزىپ، شارۋالارعا كومەكتەسۋ ەرىكتى قىزمەت وتەۋ قيمىلىن ورىستەتتى.
”بيىل 100 مۋ جەرگە كۇرىش ەكپەكشىمىن، قازىر اۋا رايى تۇراقتى، كۇرىش مايساسىن وتىرعىزۋعا ابدەن ۇيلەسەدى. 5 -ايدىڭ 12 -كۇنىنەن باستاپ كۇرىش مايساسى وتىرعىزىلا باستادى. بيىل جاقسى ءونىم الاتىنىمىزعا سەنىمدىمىز“دەدى چىن حاۋ.
شەگىشور قالاشىعىندا كۇرىش ەگىمشىلىگىنىڭ تاريحى ۇزاق، بۇل ارادا وندىرىلگەن كۇرىشتىڭ ءدانى تولىق، ءدامدى كەلەدى، بازاردا وزىندىك تانىمالدىلىققا يە، 2022 -جىلى”ەلىمىزدەگى ايتۋلى، ەرەكشەلىككە يە، تاڭداۋلى، جاڭا اۋىل شارۋاشىلىق ءونىمى“ بولىپ باعالانعان.
يۇيشۋچۋان قىستاعىنداعى كۇرىش ەگىمشىلىگىمەن شۇعىلداناتىن تۇرعىن يۇي چيڭچىڭ:”بيىل 100 نەشە مۋ جەرگە لياڭشياڭ 3-ءنومىرلى كۇرىشتى ەكپەكشىمىن، بۇل كۇرىشتىڭ ءدانى ۇزىنشاق، ەرەكشە ءدامدى، بورتتىرگەندە جىلتىراپ، ءبىر-بىرىنە جابىسپاي ءىرى كۇيىندە پىسادى، ىشكى ولكەلەردە مۇنداي سورت وتە از كەزدەسەدى. قىزمەت اترەتىنىڭ، قىستاق’ەكى كوميتەتىنىڭ‘كومەگىندە جانە ەگىنشى وتباسىلارىنىڭ ءوزارا كومەكتەسۋىندە تاماشا اۋا رايىنان پايدالانىپ، ۋاقىتتى قولدان بەرمەي كۇرىش مايساسىن وتىرعىزىپ، بيىلعى مول ءونىم ءۇشىن تاماشا نەگىز قالاۋدامىز“ دەدى.
وسى قالاشىقتىڭ اۋىل شارۋاشىلىعىن (مال شارۋاشىلىعى) دامىتۋعا قىزمەت وتەۋ ورتالىعىنىڭ ورىنباسار مەڭگەرۋشىسى ۋاڭ شيانىڭ تانىستىرۋىنشا، كۇرىش ەگىمشىلىگىندە توپىراقتىڭ قۇنارلىلىعى، سۋ ساپاسى، كليمات جانە تەحنيكا سياقتى جاقتارعا ءبىرشاما جوعارى تالاپ قويىلىپ، كۇرىشتىڭ ءوسىپ -جەتىلۋىنىڭ بۇكىل بارىسى جەتكىلىكتى سۋ بايلىعىنان ايرىلا المايدى ەكەن. شەگىشور قالاشىعىنىڭ تاماشا سۋ، توپىراق، جارىق، جىلۋ بايلىعىنىڭ جانە دەن قويا باپتاپ - باسقارۋدىڭ ارقاسىندا كۇرىشتىڭ ساپاسىنا كەپىلدىك ەتىلگەن ەكەن.
قىزمەت اترەتىنىڭ باستىعى، قىستاقتىڭ ءبىرىنشى شۋجيى جاڭ جۇن: “ءبىز ورىستەتكەن شارۋالارعا كومەكتەسىپ، ەرىكتى قىزمەت وتەۋ قيمىلى ەگىس جۇمىستارىنىڭ بارلىق باسقىشىن قامتيدى. وسىلاي بولعاندا، شارۋالاردىڭ ەڭبەككۇش جاعىنداعى قاجەتىن شەشىپ قالماستان، كۇرىشتىڭ ءوسىپ-جەتىلۋ بارىسىن قاداعالاپ، اناعۇرلىم حاۋىپسىز، ساپالى، قورەكتىگى جوعارى، زالالسىز شەگىشور كۇرىشىن تۇتىنۋشىلارعا ۇسىنۋعا كەپىلدىك ەتىلەدى” دەدى.
ۇعىسۋعا قاراعاندا، بيىل شەگىشور قالاشىعى 400 مۋ جەرگە كۇرىش ەگۋدى جوسپارلاپتى، 5-ايدىڭ ورتا شەنىندە باستالعان كۇرىش مايساسىن وتىرعىزۋ جۇمىسى 5 -ايدىڭ اياعىندا اقىرلاسادى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى