ءوبىسىن قىستاعى تۇيە شارۋاشىلىعىن دامىتىپ، شارۋالاردى اۋقاتتانۋعا باستادى
ءتىلشىمىز جاڭ ياڭ، ەرىكتى ءتىلشى لي ران حابارلايدى. 5 ـ ايدىڭ 15 -كۇنى شاۋەشەك قالاسى ەمىل اۋىلىنىڭ ءوبىسىن قىستاعىنداعى ەلالقار باعىمشىلىق كاسىپتىك سەلبەستىك كووپەراتيۆىنىڭ جاۋاپتىسى ەرمۇرات بەلگىباي بيىل جاڭا تۋىلعان 26 بوتانىڭ ىنگەندەردى اينالسوقتاعان قىلىعىنا قاراپ، جۇزىنەن شاتتىق كۇلكىسى ەستى.
ءوبىسىن قىستاعى قۇلىستاي جايىلىمىنىڭ قويناۋىنا ورنالاسقان، مول جەم-ءشوپ بايلىعى بار، تۇيە باعىمشىلىعىن دامىتۋعا ەرەكشە قولايلى. تۇيە شۇباتى قۇرامىندا ميكرو ەلەمەنتتەر كوپ، قورەكتىك قۋاتى جوعارى بولعاندىقتان، تۇتىنۋشىلاردىڭ قارسى الۋىنا يە بولىپ، بازارى ەرەكشە ءوتىمدى.
2013 -جىلى ەرمۇرات ساۋدا ورايىن مىقتى ۇستاپ، ەمىل اۋىلدىق ۇكىمەتتىڭ كومەگىندە سەلبەستىك كووپەراتيۆىن قۇرىپ، ساپالى تۇيە ءناسىلىن ەنگىزىپ، ءبىر تۇتاس باعۋ، ءبىر تۇتاس باسقارۋ، ءبىر تۇتاس ساتۋ سىندى تيجارات ۇلگىسىن قولدانىپ، قىستاق تۇرعىندارىن سەلبەستىك كووپەراتيۆىنە جارنا قوسىپ، تۇيە باعىمشىلىعىن دامىتۋعا جەتەكتەدى. قازىر سەلبەستىك كووپەراتيۆىندە 5 مۇشە بار.
ەمىل اۋىلدىق ۇكىمەت پەن ايماقتىق توعىسپالى مەديا ورتالىعىنىڭ قىستاقتا تۇراتىن قىزمەت اترەتىنىڭ كومەگىندە ەرمۇرات تۇيە باعىمشىلىعى تەحنيكاسىنا باۋلۋ كۋرسىنا قاتىناسىپ، باعىمشىلىق بارىسىنداعى تەحنيكالىق قيىن ماسەلەنى شەشتى.
ەرمۇرات: ”سەلبەستىك كووپەراتيۆىمىزدە وندىرىلگەن شۇباتتىڭ تانىمالىلىعى ارتىپ، توڭىرەكتىڭ ءتورت بۇرىشىنان داڭقىن ەستىپ، ارنايى كەلەتىن قوناقتاردىڭ اياعى ۇزىلمەيدى. قازىر سەلبەستىك كووپەراتيۆىمىزدە 120 تۇيە بار، ءار ايدا 500 كيلوگرام شۇبات ساتىپ، ءار وتباسىنىڭ ورتاشا كىرىسى 5000 يۋاننان استى“ دەدى.
جۋىق جىلداردان بەرى شاۋەشەك قالاسى ەمىل اۋىلى تۇيە باعىمشىلىعىنىڭ بىرتىندەپ كولەمدەنۋىن، كاسىپ سالالانۋىن، كوپ نەگىزدەنىپ دامۋىن ىلگەرىلەتۋ ءۇشىن، بايلىق باسىمدىعىنا سۇيەنىپ، بازاردى باعدار ەتۋگە تاباندى بولىپ، ەگىنشى ـ مالشىلاردىڭ باعىمشىلىق كوزقاراسىنا ونان ارى بۇرىلىس جاساپ، ەرەكشەلىككە يە باعىمشىلىقتى دامىتۋعا جالعاستى كۇش سالىپ، ءوبىسىن قىستاعىن ۇلگى ءتۇيىنى ەتىپ، تۇيە باعىمشىلىعىن جالپىلاستىرىپ، باعىمشىلىق كولەمىن ۇزدىكسىز كەڭەيتىپ، اۋىل -قىستاقتى گۇلدەندىرۋ ستراتەگياسىنىڭ تياناقتانىپ، ءونىم بەرۋىن بار كۇشپەن ىلگەرىلەتتى.
ءوبىسىن قىستاعىنداعى باعىمشىلىقپەن شۇعىلداناتىن تيان گو قىستاقتاعى اۋقاتتانۋ شەبەرى. 2022 ـ جىلدىڭ سوڭىندا، قىستاقتا تۇراتىن قىزمەت اترەتىنىڭ كومەگىندە وتباسىلىق فەرماسىنىڭ كولەمىن ارتتىرىپ، تۇيە ونىمدەرىنىڭ ساتىلۋ جولىن دا بارعان سايىن كەڭەيتتى. تيان گو:” 130 تۇيەمىز بار،قازىر ادامداردىڭ تۇرمىس ساپاسى جوعارىلادى. شۇبات، تۇيە ءتۇبىتى، تۇيە ەتى، تۇيە ىرىمشىگىنىڭ ساتىلۋ مولشەرى ەرەكشە جاقسى بولىپ، جىلىنا 200 مىڭ يۋان اينالاسىندا كىرىس كىرگىزەمىن“ دەدى.
ۇعىسۋعا قاراعاندا، قازىر ەمىل اۋىلىندا تۇيە باعىمشىلىعىمەن شۇعىلداناتىن 40 تان استام وتباسى بار بولىپ، تۇيە باعىمشىلىعى سەلبەستىك كووپەراتيۆىنەن ۇشەۋى قۇرىلىپ، مىڭعا جۋىق تۇيە باعىلىپ، كۇنىنە 200 كيلوگرام شۇبات ساتىلادى ەكەن. تۇيە باعىمشىلىعى كوپتەگەن باعىمشىلىقپەن شۇعىلداناتىن وتباسىلارىنىڭ كىرىسىن ارتتىرىپ، اۋقاتتانۋىنا سارا جول اشتى. قازىر ەمىل اۋىلىنىڭ ”شۇبات ءيىسى اڭقىعان جەر“ماركاسىنىڭ داڭقى كۇننەن-كۇنگە ارتۋدا.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى