شي جينپيڭ رەسەيدىڭ زۇڭليى ميشۋستينمەن كەزدەستى

　5 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارمەن كەلگەن رەسەيدىڭ زۇڭليى ميشۋستينمەن كەزدەستى.

 

　　□ سۋرەتتى شينحۋا اگەنتتىگىنىڭ ءتىلشىسى حۋاڭ جينۋىن تۇسىرگەن

 

　　شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى (ءتىلشى جىڭ ميڭدا). 5 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا رەسمي ساپارمەن كەلگەن رەسەيدىڭ زۇڭليى ميشۋستينمەن كەزدەستى.
 

　　شي جينپيڭ ميشۋستينگە پۋتين زۇڭتۇڭعا ىقىلاستى سالەمىن جەتكىزۋدى تاپسىردى. شي جينپيڭ بىلاي دەپ اتاپ كورسەتتى: بيىل 3 - ايدا مەن رەسەيدە ءساتتى تۇردە مەملەكەتتىك ساپاردا بولىپ، پۋتين زۇڭتۇڭمەن بىرگە الداعى ءبىر مەزگىلدەگى جۇڭگو − رەسەي قارىم - قاتىناسى دامۋىنىڭ جانە ءار سالاداعى سەلبەستىگىنىڭ جوباسىن جاسادىق. جۇڭگو − رەسەي قارىم - قاتىناسىن ويداعىداي بەكەمدەۋ، ويداعىداي دامىتۋ − ءارى حالىقتىڭ تىلەگى، ءارى ۇلكەن اۋقىم. ەكى جاقتىڭ جۇڭگو − رەسەي سەلبەستىگىنىڭ ءورىسى كەڭ، بولاشاعى زور، قوزعاۋشى كۇشى جەتكىلىكتى بولۋ باسىمدىعىن ۇزدىكسىز ساۋلەلەندىرىپ، ءار سالاداعى سەلبەستىكتى اناعۇرلىم جوعارى دەڭگەيگە كوتەرىپ، ەكى ەلدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ مازمۇنىن ۇزدىكسىز بايىتۋىن ءۇمىت ەتەمىن.
 

　　شي جينپيڭ بىلاي دەپ باسا دارىپتەدى: جۇڭگو جاق رەسەي جاقپەن ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءوزارا باتىل قولداۋ كورسەتۋدى، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى، 20 ەل توبى سياقتى كوپ جاقتى ساحنادا ىستەستىكتى كۇشەيتۋدى قالايدى. ەكى جاق كومەسكى كۇشتى ۇزدىكسىز ىشكەرىلەي اشىپ، ەكونوميكا - ساۋدا، قارجى قوسۋ سەلبەستىگىنىڭ دەڭگەيىن جوعارىلاتىپ، ەكى جاقتى سەلبەستىك ءتۇزىلىس - مەحانيزمىن اقاۋسىزداندىرىپ، ەنەرگيا، ۇلاستىرۋ - تۇتاستىرۋ سياقتى سەلبەستىكتىڭ نەگىزگى تاعانىن بەكەمدەپ جانە كەڭەيتىپ، اناعۇرلىم كوپ جاڭا ارتۋ تۇيىندەرىن تۇلعالاۋى كەرەك. گۋمانيتارلىق اۋىس - كۇيىستى ۇزدىكسىز كەڭەيتىپ، حالىق تىلەگىن توعىستىرۋدىڭ جاڭا جاعدايىن اشۋ كەرەك. جۇڭگو جاق رەسەي جاقپەن جانە ەۆروپا − ازيا ەكونوميكالىق وداعىنداعى ەلدەرمەن بىرگە ”ءبىر بەلدەۋ، ءبىر جولدى“ بىرگە قۇرۋدى ەۆروپا − ازيا ەكونوميكالىق وداعىمەن ءتۇيىلىستىرۋ سەلبەستىگىن جەبەپ، اناعۇرلىم اشىق وڭىرلىك ءىرى بازاردىڭ قالىپتاسۋىن ىلگەرىلەتىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىنا شىنايى كەپىلدىك ەتىپ، وڭىردەگى ەلدەرگە ناقتى پايدا جەتكىزۋدى قالايدى.
 

　　ميشۋستين پۋتيننىڭ شي جينپيڭگە جولداعان ىقىلاستى سالەمىن جانە ىزگى تىلەگىن جەتكىزدى، ول مىنالاردى ءبىلدىردى: بيىل 3 - ايدا ءتوراعا شي جينپيڭنىڭ رەسەيدەگى تاريحي سيپاتتى مەملەكەتتىك ساپارى توتەنشە ءساتتى بولىپ، رەسەي مەن جۇڭگونىڭ جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ جاڭا ءداۋىرىن اشتى. رەسەي جاق جۇڭگو جاقپەن ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى مۇقيات تياناقتاندىرىپ، ەكى ەل زۇڭليلەرىنىڭ مەرزىمدى ديدارلاسۋىنان جانە قاتىستى سەلبەستىك مەحانيزمدەرىنەن تولىق پايدالانىپ، ءار سالاداعى ناقتى سەلبەستىكتى تەرەڭدەتۋدى قالايدى. رەسەي جاق جۇڭگو جاقپەن بىرگە دۇنيە ءجۇزىنىڭ كوپ ۇيەكتەنۋ ءۇردىسىن ىلگەرىلەتىپ، حالىقارالىق زاڭدى نەگىز ەتكەن حالىقارالىق ءتارتىپتى بەكەمدەۋدى قالايدى. رەسەي جاق جۇڭگو جاقپەن گۋمانيتارلىق اۋىس - كۇيىستى ونان ارى كۇشەيتىپ، رەسەي − جۇڭگو دوستىعىن ۇرپاقتان - ۇرپاققا جالعاستىرۋدى ءۇمىت ەتەدى.
 

　　ۋاڭ ي، حى ليفىڭ، چين گاڭ قاتارلىلار كەزدەسۋگە قاتىناستى.

 

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.