تارباعاتاي: سىرتقا ەسىك اشۋدىڭ جوعارى ساپالى دامۋ سيمفونياسىن شارىقتاتتى

جولدانعان ۋاقىتى : 2023/5/25 12:31:37

 

 □ سان -ي (تارباعاتاي) جەل ەلەكتر جابدىقتارىن ءوندىرۋ شەكتى سەرىكتەستىگىنىڭ گەنەراتور جابدىقتارى باقتى وتكەلى ارقىلى قازاقستانعا ەكسپورت ەتىلۋدە.   
                                                                                                
سۋرەتتى گازەتىمىزدىڭ ءتىلشىسى داي جياۋمەي تۇسىرگەن
 

ءتىلشىمىز داي جياۋمەي، ەرىكتىءتىلشى  لي كى،  ما جيڭيا، چىن يۇيجى حابارلايدى.  5 -ايدىڭ 22 -كۇنى باقتى شەكارا وتكەلىنەن   قالىڭ اۆتوكولىك  تارتىپپەن وتسە، جىبەك جولى مادەنيەت تاۋارلارى بازارىنان زات ساتىپ الۋشىلار قايشالىسىپ، ايماعىمىزدىڭ سىرتقى ساۋدا يمپورت-ەكسپورتىنىڭ جاندانا تۇسكەندىگىن ايعاقتادى. شاۋەشەك كەدەنىنىڭ ساناعىنا قاراعاندا، بيىل ءبىرىنشى توقساندا ايماعىمىزدىڭ سىرتقى ساۋدا يمپورت -ەكسپورت جالپى قۇنى 3 ميلليارد 350 ميلليون يۋان بولعان. مۇنىڭ ىشىندە، ەكسپورت سوماسى 3 ميلليارد 270 ميلليون يۋان بولىپ، سايكەس مەزگىلدەگىدەن ％181.9 ارتسا؛ يمپورت سوماسى 80 ميلليون يۋان بولىپ، سايكەس مەزگىلدەگىدەن ％278.2 ارتقان.

 2020 -جىلى 12 -ايدا مەملەكەتتىك كەڭەس شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىن قۇرۋدى بەكىتتى، سونىمەن شينجياڭداعى تۇڭعىش جانە مەملەكەت بويىنشا شەكارا وڭىردە قۇرىلعان 9 -ءتۇيىندى دامىتۋ، ەسىك اشۋ  سىناق رايونىنا اينالدى. بەكىتىلگەننەن بەرى، ايماعىمىز نازاردى ”نەنى سىناق ەتۋ      كەرەك“، ”قالاي سىناق ەتۋ كەرەك“ سىندى شەشۋشى سۇراقتارعا شوعىرلاندىرىپ، كەلەلى  نىسان مىندەتتەرى، كەلەلى تۇزىمدەردە جاڭالىق اشۋ، كەلەلى ساياسات -شارالار سىندى  ءۇش   تىزىمدىكتى تۇتقا ەتىپ، الدىمەن اتقارىپ،   الدىمەن سىناق ەتىپ، سىناق رايونى الدىمەن    دامىتىلاتىن رايونىنىڭ جوقتان بارلىققا كەلۋىن   ىلگەرىلەتتى. 

دامۋ ورايىن كوزدەپ، 2021-جىلى ايماعىمىز  ساۋداگەر شاقىرىپ، قارجى ەنگىزۋ بويىنشا سان-ي چۇڭنىڭ شەكتى جارنا سەرىكتەستىگىن ەنگىزىپ، سان -ي چۇڭنىڭ جەل ەلەكتر گەنەراتورى مەن گەنەراتور قالاقشاسىن ءوندىرۋ نىسانى  بازاسىن سىناق رايونىنىڭ الدىمەن دامىتىلاتىن رايونىنا ىرگە تەپتىردى ءارى سان -ي (تارباعاتاي) جەل ەلەكتر جابدىقتارىن ءوندىرۋ شەكتى سەرىكتەستىگىن قۇردى. قازىرگە دەيىن  باقتى شەكارا وتكەلى مەن شاۋەشەك قالالىق شەكارا ەكونوميكالىق سەلبەستىك رايونىن  نەگىزگى دانەكەر ەتكەن سىناق رايونىنىڭ الدىمەن دامىتىلاتىن رايونىنا جيىنى 63 كاسىپورىن ىرگە تەپتى. 

 بيىل 4-ايدىڭ 25 -كۇنى سان-ي (تارباعاتاي) جەل ەلەكتر جابدىقتارىن ءوندىرۋ شەكتى سەرىكتەستىگى وندىرىسكە كىرىسىپ،  5-ايدىڭ 11 -كۇنىنەن بەرى سەرىكتەستىك وندىرگەن جەل ەلەكتر گەنەراتورى قالاقشالارى باقتى وتكەلى ارقىلى قازاقستانعا ىركەس -تىركەس ەكسپورت ەتىلدى. 

جۇڭگو سىرتقى تاسىمال سولتۇستىك جۇڭگو دوستىق جەل ەلەكتر نىسانى گرۋپپاسىنىڭ  شەكارا وتكەلى جۇمىسىنا جاۋاپتىسى بەكبولات البەك: “قازىر سان-ي (تارباعاتاي) جەل ەلەكتر جابدىقتارىن ءوندىرۋ شەكتى سەرىكتەستىگى  وندىرگەن گەنەراتور جابدىقتارىنان ءۇش پارى باقتى شەكارا وتكەلى ارقىلى ەكسپورت ەتىلدى.  الداعى جەردە قاريدارلاردىڭ تاپسىرىسى بويىنشا باقتى وتكەلى ارقىلى قازاقستانعا  جالعاستى   ەكسپورت ەتەمىز” دەدى.

ايماقتىق پارتكومنىڭ ورىنباسار باس حاتشىسى، شاۋەشەك قالالىق شەكارا ەكونوميكالىق سەلبەستىك رايونى پارتيا قىزمەت كوميتەتىنىڭ شۋجيى شياۋ زۋۋىن: “ايماعىمىز كاسىپورىنداردىڭ دامۋىن ارقاۋ ەتە وتىرىپ، شارۋاشىلىق -ساۋدا ورتاسىن كۇش سالا ساپالىلاندىرىپ، كاسىپورىنداردىڭ ىرگە تەبۋىنە، تۇراقتاپ تۇرۋىنا مۇمكىندىك جاسادى. قاتىستى تاراۋلار تىزە قوسا سەلبەسىپ، ساۋداگەر شاقىرۋ بويىنشا ىرگە تەپكەن كاسىپورىندارعا كۇتۋشى فورماسىندا قىزمەت وتەدى. مۇندا، بىرىنشىدەن، تەكسەرىپ بەكىتۋ بارىسىن ساپالىلاندىرسا، ەكىنشىدەن،  ۋاكىلاتان ءبىتىرۋ،  كومەكتەسىپ ءبىتىرۋ  جاعىندا ەڭ ساپالى قىزمەت وتەپ، ناق مايدانعا بارىپ كاسىپورىنداردا ورىن تەۋىپ وتىرعان ءىس جۇزىندىك  قيىنشىلىقتار مەن ماسەلەلەردى شەشىپ، كاسىپورىنداردى راسميات ءبىتىرۋ ءۇشىن شاپقىلاتپاي، كاسىپورىندارعا ەڭ زور دارەجەدە قولايلىلىق  تۋدىرىپ، كاسىپورىنداردىڭ تەز ارادا ىرگە   تەۋىپ، تەز ارادا وندىرىسكە كىرىسۋىنە مۇمكىندىك جاسادى” دەدى.

 شينجياڭ بويىنشا قالاعا ەڭ جاقىن، ساۋدا شارت -جاعدايى ەڭ جاقسى قۇرلىق جولى وتكەلدەرىنىڭ ءبىرى بولعان باقتى وتكەلى”جوڭعار قاقپاسى“، ”ورتا ازيا ساۋدا ءدالىزى“ دەپ تە اتالادى. قازىر ايماعىمىزدا 500 دەن استام سىرتقى ساۋدا كاسىپورنى بار. سىرتقى ساۋدا كاسىپورىندارىنىڭ كەدەننەن وتكىزۋ ونىمدىلىگىن جوعارىلاتۋ ءۇشىن، شاۋەشەك كەدەنى قازاقستان جاقتىڭ كەدەنىمەن سايكەستىرۋدى كۇشەيتىپ، اۆتوكولىكتەردىڭ شەكارادان شىعۋ ۋاقىتى مەن كەزەگىن الدىن الا ۇشتاستىرىپ، تەكسەرۋ-كارانتيندەۋ بارىسىن ساپالىلاندىرىپ، تەكسەرۋ -كارانتيندەۋ ونىمدىلىگىن جوعارىلاتىپ، كەدەننەن وتكىزۋ يقۋاتىن ۇزدىكسىز جوعارىلاتىپ،”ساپالى قىزمەت وتەيتىن، كەدەننەن وتكىزۋ ونىمدىلىگى جوعارى“ كەدەننەن وتكىزۋ ورتاسىن كۇش سالا قالىپتاستىردى.

يمپورت -ەكسپورت كاسىپورىندارى جۇڭگو حالىقارالىق ساۋدا جالاڭ تەرەزەسى نەمەسە “ينتەرنەت + كەدەن” جۇيەسى  ارقىلى كەدەننەن ەكسپورت ەتەتىن زاتتاردى قاراستى جەردە تەكسەرۋدى “الدىن الا كەلىسىپ كەدەننەن وتكىزۋ” راسمياتىن ءبىتىرىپ، ەكسپورت  ەتەتىن زاتتارعا الدىن الا كەلىسىپ كەدەندىك تەكسەرۋ  جۇرگىزۋدى ءوتىنىش ەتە الاتىن بولدى. سونىمەن بىرگە، يمپورت -ەكسپورت  كاسىپورىندارى “بۇلتتا قول قويۋ” ارقىلى كۋالىك الۋ  ءوتىنىشىن تاپسىرىپ، ناق مايداندا الۋ نەمەسە كەدەن قول قويعان كۋالىكتەردى ءوزى  باسىپ شىعارۋ ارقىلى ۇيدەن شىقپاي -اق، الىس ارالىقتى جەلىدە كۋالىك الۋ راسمياتىن بىتىرە الاتىن بولىپ، ارلى -بەرلى شاپقىلاۋدىڭ الدىن الىپ،  تيجاراتتىڭ وزىندىك قۇنىن ۇنەمدەدى.

تارباعاتاي ايماقتىق سانباۋ  شەكتى سەرىكتەستىگىنىڭ كاسىپكە جاۋاپتى ديرەكتورى   كاڭ حىشين:”كەدەننەن وتكىزۋ بارىسى ساپالىلانعاننان كەيىن، قىزمەتكەرلەرىمىز ەكسپورت ەتىلەتىن زاتتاردى الدىن الا  ءوتىنىش ەتۋ، كۋالىككە قول قويىپ باسىپ شىعارۋ سياقتى قىزمەتتەردى كەڭسەدە وتىرىپ -اق  بۇرىنعىدان 3 تە 4 كۇن بۇرىن بىتىرە الاتىن بولدى. كاسىپورىننىڭ كەدەننەن وتكىزۋ ونىمدىلىگى جوعارىلاپ، قاريدارلار دا رازى بولدى، بيىل سەرىكتەستىكتىڭ  قابىلداعان تاپسىرىس مولشەرى ورنىقتى ارتتى. قازىر 5 تە 6 مەملەكەتكە ەكسپورت  ەتەمىز،  ەكسپورت ەتىلەتىن  زات ءتۇرى 30 عا تايادى“ دەدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى