ءتىلشىمىز ليۋ ۋي، ەرىكتى ءتىلشى كى جيڭ حابارلايدى. جۋىقتا داشۋە وقۋشىسى ليۋ يىڭ شيحۋ قالاسىنىڭ “كوكتەم سامالى قيمىلى جانە جۇمىستانۋعا كومەكتەسۋ ايى” جۇمىسكەر قابىلداۋ جينالىسىنا قاتىناسقاندا: “جۇمىسقا قابىلداۋ جينالىسىندا جۇمىس ورنى ءبىرشاما كوپ ەكەن، وسى ورايدا كوڭىلدەگىدەي قىزمەت تاپسام دەيمىن”دەدى.
بيىل شيحۋ قالاسى جۇمىسقا قابىلداۋ جينالىسىنىڭ قىزمەت وتەۋ تەرەزەسىن الدىعا جىلجىتىپ، كاسىپتىك جاقتان جەتەكشىلىك ەتۋ، جۇمىستاندىرۋ ساياساتى، شەبەرلىككە باۋلۋ سياقتى ساياسات جاعىنان كەڭەس بەرۋ قىزمەت وتەۋىن جۇمىسقا قابىلداۋ مايدانىنا جوتكەپ، جۇمىس ىزدەۋشىلەرگە نولدىك ارالىقتان قىزمەت وتەدى.
بيىل جىل باسىنان بەرى ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ساياساتتىق قامتاماسىزداندىرۋدى ۇزدىكسىز كۇشەيتىپ، جوعارى مەكتەپ بىتىرگەن وقۋشىلاردىڭ جۇمىستانۋ ورتاسىن كۇش سالا ساپالىلاندىرىپ، مەحانيزمدى كەمەلدەندىرىپ، جوعارى مەكتەپ بىتىرگەن وقۋشىلاردىڭ جۇمىستانۋ نەگىزىن كۇش سالا بەكەمدەپ، ءتۇيىندى كاسىپ سالاسىنا، ءتۇيىندى نىسان، ءتۇيىندى كاسىپورىندارعا بارىپ جاعداي يەلەپ، باسقا اۋدانداعى كاسىپورىنداردان مەرزىم بويىنشا تەلەفون ارقىلى قايتالاي جاعداي ۇعىسىپ، كاسىپورىنداردىڭ مەكتەپ بىتىرگەن وقۋشىلارعا بولعان سۇرانىسىنىڭ جالپى مولشەرىن، قاجەتتى كاسىبىن جانە سۇرانىس بەتالىسىن انىقتادى.
ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى وڭىرلىك ەكونوميكانىڭ دامۋى، قالا قۇرىلىسى، اۋىل -قىستاقتى گۇلدەندىرۋ سياقتىلاردىڭ ءىس جۇزىندىك جاعدايىمەن ۇشتاستىرا وتىرىپ، قىزمەت ورنىمەن جەدەل قامداۋ، جۇمىستانۋعا جەتەكشىلىك ەتۋ، جۇمىستانۋدى تىزىمگە الۋ سياقتى قىزمەت وتەۋمەن قامداپ، جۇمىس ورنى ينفورماتسياسى، جۇمىستانۋعا ساياساتتىق جاقتان جەتەكشىلىك ەتۋ، جۇمىستانۋعا قىزمەت وتەۋ جانە ۇگىتتەۋ، جەتەكشىلىك ەتۋ سياقتىلار ءبىر تۇلعالاندىرىلعان دارىندىلاردىڭ جۇمىستانۋىنا قىزمەت وتەۋ تۇعىرىن قۇرىپ، جىل باسىنان بەرى 24 مىڭ 371 جۇمىس ورنىن ازىرلەدى.
ساۋان قالاسى ليۋماۋۋان قالاشىعىنىڭ تۇرعىنى لي ميڭشياڭ داشۋە بىتىرگەننەن كەيىن، اۋىلىنا قايتىپ شارۋاشىلىق قۇرۋ جولىنا ءتۇسىپ، قالاشىقتا اشىلعان ماقتا تەرۋ ماشيناسى شوفەرلىگىنە باۋلۋ كۋرسىنا قاتىناستى. قازىر لي ميڭشياڭ كورلا قالاسىندا ماقتا تەرۋ ماشيناسىن رەمونتتاۋ تەحنيكاسىن ۇيرەنۋدە، قايتىپ كەلگەننەن كەيىن ماقتا تەرۋ ماشيناسىن رەمونتتاۋ دۇكەنىن اشپاقشى ەكەن.
“ماڭىمداعى ماقتا تەرۋ ماشيناسى يەلەرىنىڭ ءىس جۇزىندىك ماسەلەلەردى شەشۋىنە كومەكتەسۋمەن بىرگە، ءتىپتى دە كوپ قىستاق تۇرعىندارىنىڭ تەحنيكا يگەرۋ ارقىلى كىرىستەرىن ارتتىرىپ، بايۋ جولىنا تۇسۋىنە جەتەكشىلىك ەتۋ ويىندامىن” دەدى لي ميڭشياڭ.
بيىل ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جوعارى مەكتەپ بىتىرگەن وقۋشىلاردى ارناۋلى جۇمىسقا قابىلداۋ جينالىسى، جۇمىستاندىرۋ، شارۋاشىلىق قۇرۋ ساياساتىن مەكتەپ اۋلاسىنا جەتكىزۋ سياقتى قيمىلداردى بەلسەنە ورىستەتىپ، ايماق كولەمىندەگى مەكتەپ بىتىرگەن وقۋشىلاردى كاسىپورىندارعا بارىپ پراكتيكا جاساۋعا، جۇمىستانۋعا جەتەكتەپ، كاسىپورىنداردىڭ سۇرانىسى مەن مەكتەپ بىتىرگەن وقۋشىلاردىڭ جۇمىستانۋ تىلەگىن ءونىمدى ۇشتاستىردى. 2022 -جىلى مەكتەپتەن قول ۇزگەننەن كەيىن جۇمىستانباعان جوعارى مەكتەپ بىتىرگەن وقۋشىلار مەن جۇمىسسىزدىقتى تىزىمگە الدىرعان 35 جاستان تومەنگى جاستاردىڭ جۇمىستانۋىنا كومەكتەسىپ، 19 رەت ناق مايداندا جۇمىسقا قابىلداۋ جينالىسىن، 11 رەت جەلىدە جۇمىسقا قابىلداۋ قيمىلىن ورىستەتىپ، 2717 جۇمىس ورنىن ازىرلەدى.
قازىرگە دەيىن ايماق 37 رەت جوعارى مەكتەپ بىتىرگەن وقۋشىلاردى جۇمىسقا قابىلداۋ جينالىسىن ورىستەتتى، مۇنىڭ ىشىندە، 6 رەت الەۋمەتتىك جۇمىستانۋعا قىزمەت وتەۋدى مەكتەپ اۋلاسىنا جەتكىزۋ قيمىلى وتكىزىلىپ، ادام ىستەتەتىن 1161 ورىن قاتىناسىپ، 7051 جۇمىس ورنىن ازىرلەپ، جۇمىس ىزدەۋشىلەر 4106 ادامعا جەتسە، 9 رەت ساياساتتىق ۇگىت لەكسيا ورىستەتىلدى.
“جوعارى مەكتەپ بىتىرگەن وقۋشىلاردىڭ جۇمىستانۋ، شارۋاشىلىق قۇرۋ قىزمەتىن كورنەكتى ورىنعا قويىپ، جۇمىستانۋدى جەبەۋ قيمىلىن بار كۇشپەن اتقارىپ، قىزمەت شارالارىن اشالاپ، ناقتىلاندىرىپ، ‘كاسىپ سالاسىن كوزدەۋ، تاراۋلارعا نازار اۋدارۋ، كاسىپورىندى قاداعالاۋ’ قىزمەت وي جەلىسى بويىنشا، بازاردىڭ دارىندىلارعا بولعان سۇرانىسىنا قاتىستى ينفورماتسيالاردى ءدال يگەرىپ، مەكتەپ بىتىرگەن وقۋشىلارعا جەتكىلىكتى جۇمىس ورنىن دايىنداپ، كاسىپورىن مەن وقۋشىلار سىندى ەكى جاقتىڭ سۇرانىسىن دالمە ـ ءدال يگەرىپ، دالمە ـءدال سايكەستىرەمىز” دەدى ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى، ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى شيا جيانجۇن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى