تىلشىلەرىمىز جاڭ ياڭ، ەرتاي حابارلايدى.”تارباعاتاي ايماعىنا كەلىپ، ۇيرەنۋ، تاجىريبە الماستىرۋ، دوستاسۋ ساپارىن باستاعانىما ەرەكشە قۋانىشتامىن. ءبىز، ءسوزسىز، تارباعاتاي ايماعىنىڭ وقۋ -اعارتۋ ءىس جۇزىندىگىنە تىعىز ۇشتاستىرىپ، لياۋنيڭنىڭ ەرەكشەلىگىن ايگىلەپ، ارتىقشىلىعىمىزدى تولىق ساۋلەلەندىرىپ، تارباعاتاي ايماعىنداعى وقىتۋشىلارمەن پىكىر الماستىرىپ، وزىق وقۋ-وقىتۋ ۇستانىمىن بولىسەمىز“دەدى 5-ايدىڭ 22-كۇنى لياۋنيڭ ولكەسىنىڭ 2023 -جىلعى”وقۋ-وقىتۋدى شينجياڭعا جەتكىزۋ“قيمىلىنىڭ باستالۋ سالتىنا قاتىناسقان لياۋنيڭ وقۋ-اعارتۋ شۋەيۋانىنىڭ زەرتتەرمەنى، «وسى زامانعى وقۋ -اعارتۋدى باسقارۋ» جۋرنالىنىڭ ورىنباسار باس رەداكتورى ياڭ يۇي.
سول كۇنى لياۋنيڭ ولكەسىنىڭ”وقۋ-وقىتۋدى شينجياڭعا جەتكىزۋ“قيمىلىنىڭ باستالۋ سالتى بەينە ەكران ءماجىلىسى مەن جەلىدەن تىس ءماجىلىستى ۇشتاستىرۋ فورماسىندا شاۋەشەك قالالىق پارتكوم پارتيا مەكتەبىندە وتكىزىلىپ، لياۋنيڭ ولكەسىنىڭ 55 وقۋ -اعارتۋ مامانى ۇيىرمە ۇلگىسىندە”وقۋ-وقىتۋدى شينجياڭعا جەتكىزۋ“ قيمىلىن ورىستەتتى. وسى رەتكى قيمىل”عىلمي باسقارۋ، ساباقحاناعا نازار اۋدارۋ، وقىتۋشىلاردى باۋلىپ، ساپاسىن جوعارىلاتۋدى“ نەگىزگى تاقىرىپ ەتىپ، تارباعاتاي ايماعىنداعى باعىتتامالى كومەكتەسەتىن اۋدان-قالالاردا، ۇلگى ساباق ءوتۋ، ساباق تىڭداۋ -باعالاۋ، جەتەكشىلىك ەتۋ، ارناۋلى تاقىرىپتا تالقى ورىستەتۋ، ماماندار لەكسيا سويلەۋ سياقتى مازمۇنداردى قامتىعان وقۋ -وقىتۋدى جەتكىزۋ قيمىلىن ورىستەتەدى.
ۇعىسۋعا قاراعاندا، وسى رەتكى وقۋ-وقىتۋ جەتكىزۋ قيمىلى لياۋنيڭ مەن تارباعاتايدىڭ وقۋ-اعارتۋ سالاسىنىڭ كەڭ كولەمدى ارالاسۋىن، جان-جاقتى ىشتەسۋىن، تەرەڭدەي توعىسۋىن جەبەپ، لياۋنيڭ سىندى وقۋ-اعارتۋدا قۋاتتى ولكەنىڭ ادام كۇشى بايلىعى باسىمدىعىن، اقىل -پاراسات شوعىرلانعان باسىمدىعىن، الدىمەن اتقارىپ، الدىمەن سىناق ەتۋ باسىمدىعىن تولىق ساۋلەلەندىرىپ، تارباعاتاي ايماعىنىڭ وقۋ-اعارتۋ ساپاسىنىڭ جوعارىلاۋىنا دەم بەرۋدى ماقسات ەتەدى ەكەن.
شاۋەشەك قالالىق وقۋ -اعارتۋ جانە عىلىم -تەحنيكا مەكەمەسى وقىتۋدى زەرتتەۋ كەڭسەسىنىڭ ورىنباسار مەڭگەرۋشىسى جاڭ سۇيلان: “وسى رەتكى قيمىل شاۋەشەك قالاسىنداعى ءبىرىنشى شەپتەگى وقىتۋشىلاردىڭ ساباقحانا وقىتۋىن زەرتتەۋ قابىلەتىن جوعارىلاتىپ، وقىتۋشىلاردىڭ ماماندانۋىن جەبەپ، وقىتۋشىلاردىڭ ساباقحانا باسقارۋ ورەسىن جوعارىلاتاتىنىنا كامىل سەنىمدەمىز” دەدى.
سول كۇنى شاۋەشەك قالالىق 1-باستاۋىش مەكتەپتىڭ وقىتۋشىسى ليۋ شيڭ لياۋنيڭدىق وقۋ -اعارتۋ مامانىنىڭ ۇلگى ساباعىن تىڭدادى. ول:”وقىتۋشى رەتىندە، وزىق وقۋ-وقىتۋ ۇستانىمىن قابىلداپ، ۇيرەنگەن بىلىمدەرىمدى كۇندەلىكتى وقىتۋ قىزمەتىندە قولدانىپ، ۇيرەنگەنىمدى كادەگە جاراتامىن. ءسوزسىز، بەلسەندى پوزيتسيامەن، بەرىك سەنىممەن، جەكە مۇددەنى كۇيىتتەمەيتىن رۋحپەن وقۋ-وقىتۋ قىزمەتىنە كىرىسىپ، وقىتۋ مىنبەسىندە وقىتۋشىلىق كەلبەتىمدى ايگىلەيمىن“دەدى.