2023 -جىلعى شينجياڭ تارباعاتاي ايماعىنىڭ مادەنيەت -ساياحاتىن تانىستىرۋ جينالىسى چىڭدۋدا وتكىزىلدى
ءتىلشىمىز لي شيا چىڭدۋدان حابارلايدى. 5-ايدىڭ 22 -كۇنى”ماي بوياۋلى سۋرەتتەي تارباعاتايدا جۇزدەسىپ، قۇت ۇيىعان چىڭدۋدا باس قوسايىق“ــ 2023 -جىلعى شينجياڭ تارباعاتاي ايماعىنىڭ مادەنيەت -ساياحاتىن تانىستىرۋ جينالىسى چىڭدۋدا وتكىزىلدى.
تانىستىرۋ جينالىسىن ايماقتىق مادەنيەت-دەنە تاربيە، راديو-تەلەۆيزيا جانە ساياحات مەكەمەسى ۇيىمداستىرىپ، چۇڭچيڭ بۋبۋجيا جارناما مەديا شەكتى سەرىكتەستىگى جاۋاپتى بولىپ وتكىزدى، مۇندا تارباعاتاي ايماعىنىڭ تانىمالىعى مەن داڭقىن اسىرىپ، ايماعىمىز بەن چىڭدۋ قالاسىنىڭ ساياحات كاسىپ سالاسى جاعىنداعى اۋىس -كۇيىسى مەن سەلبەستىگىن جەبەۋ ماقسات ەتىلدى.
تانىستىرۋ جينالىسى ”ساياحات +“توعىسا دامۋ، ساياحاتقا قىزمەت وتەۋ دەڭگەيىن جوعارىلاتۋ سياقتى جاقتاردى ارقاۋ ەتىپ، 30 دان استام ەرەكشەلىككە يە ساياحات تاۋارلارىن كورمەگە قويىپ، 11سارا ساياحات لەنياسىن تانىستىردى. سونىمەن بىرگە، كۋايشان قيمىلى، جەتىستىكتەر كورمەسى، ءونىم كورمەسى، ساياحات ۇگىت كەسكىنىن كورسەتۋ، سۇحباتتاسۋ سياقتى ءتۇرلى فورمالارمەن چىڭدۋ قالاسىنىڭ تۇرعىندارىنا تارباعاتايدىڭ ەرەكشەلىككە يە ساياحات بايلىعىن، ءدامدى تاعامدارىن، ەرەكشەلىككە يە ونىمدەرىن جانە ”ماي بوياۋلى سۋرەتتەي تارباعاتاي، مادەنيەتى وركەندەگەن جەر، تىنىعۋ -كۇتىنۋگە جايلى مەكەن“سىندى وزگەشە تارتىمدىلىعىن كورسەتتى.
قازىر ايماعىمىزدا مەملەكەتتىك A دارەجەلى كورىنىس رايونىنان 68 ى، مەملەكەتتىك ەكولوگيالىق ساياحاتتان ۇلگى كورسەتۋ رايونىنان بىرەۋى، مەملەكەتتىك سەيىل -سەرۋەن اۋىل شارۋاشىلىعى جانە اۋىل -قىستاق ساياحاتىنان ۇلگى كورسەتەتىن اۋداننان بىرەۋى، مەملەكەتتىك اۋىل -قىستاق ساياحاتىنداعى ءتۇيىندى قىستاقتان بىرەۋى بار بولىپ، ”اس -سۋ، قونالقى، جولاۋشىلاۋ، ساياحاتتاۋ، زات ساتىپ الۋ، كوڭىل اشۋ“ جالپى بەتتىك دامىعان ساياحاتشى قابىلداۋ -قىزمەت وتەۋ جۇيەسى نەگىزىنەن قالىپتاسقان. سونىمەن بىرگە، مەملەكەت جولى 219 -لەنياسى، ولكە جولى 101 -لەنياسى، ولكە جولى 318 لەنياسى سياقتى ساياحات اينالمالى جەلىلەرىنە سۇيەنىپ، شەكارا اتتاعان ساياحات، قىزىل ساياحات، ەكولوگيالىق ساياحات، تاۋ گۇلى ساياحاتى، تىنىعۋ -كۇتىنۋ ساياحاتى، جاڭگىر مادەنيەتى ساياحاتى سياقتى كوپتەگەن ساياحات جەلىلەرىن تۇلعالاپ، تۇتاس وڭىرلىك ساياحاتتى بەتالىس، كاسىپ كۇيىن مولايتۋدى ءتۇيىن، توعىسا دامۋدى ارنا ەتىپ، بىرەگەي ىرىستى ساياحات مەكەنىن كۇش سالا قۇردى.
جۋىق جىلداردان بەرى، ايماعىمىز ەرەكشەلىككە يە ساياحات بايلىعىن اشۋعا كۇش سالىپ، “ماي بوياۋلى سۋرەتتەي تارباعاتاي” ماركاسىن تىعىز ارقاۋ ەتىپ، كاسىپكە، قونىستانۋعا جايلى بولۋ، سالقىنداپ دەمالۋ جانە سەيىل -سەرۋەن ساياحاتىن ەرەكشەلىك ەتىپ، ەگىن، مال شارۋاشىلىق ەكولوگياسى، تىنىعۋ -كۇتىنۋ، ۇلتتىق سالت -سانا، مەرەكە -مەيرام، شەكارا وتكەلى جانە قىزىل مادەنيەت سياقتى جەرگىلىكتى ەرەكشەلىككە يە ساياحات ونىمدەرىن ىشكەرىلەي اشىپ، تارباعاتاي ايماعىنىڭ تۇتاس وڭىرلىك ساياحاتىنىڭ وزەكتى باسەكەلىك قۋاتىن ۇزدىكسىز كۇشەيتىپ، قالانىڭ ىقپال كۇشىن ارتتىردى.
ايماعىمىز تاماشا ەكولوگيالىق باسىمدىعى مەن مول مادەنيەت -ساياحات بايلىعىنا سۇيەنىپ، ساياحاتتىڭ كوپ سالالى كاسىپ كۇيىمەن توعىسۋىن بەلسەنە ىلگەرىلەتىپ، تارباعاتاي ايماعىنىڭ ساياحات ماركاسىنىڭ تانىمالىلىعىن اناعۇرلىم ارتتىرىپ، “ماي بوياۋلى سۋرەتتەي تارباعاتاي، مادەنيەتى وركەندەگەن جەر، تىنىعۋ -كۇتىنۋگە جايلى مەكەن” مادەنيەت + ساياحات نەگىزگى اۋەنىن اسقاقتاتىپ، تارباعاتاي ساياحات كاسىبىنىڭ جوعارى ساپالى دامۋىنىڭ جاڭا جاعدايىن اشتى.
ايماقتىق مادەنيەت -دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى چاي حۇڭحۋا:”وسى رەتكى تانىستىرۋ ءماجىلىسىن وتكىزۋدەگى ماقساتىمىز ــ’ساياحات ارقىلى شينجياڭدى گۇلدەندىرۋ‘ستراتەگياسىن جەدەل ىلگەرىلەتىپ، چىڭدۋ قالاسىنىڭ مادەنيەت پەن ساياحاتتى توعىستىرا دامىتۋ، تۇنگى ەكونوميكانى گۇلدەندىرۋ، ەرەكشەلىككە يە ايگىلى ماركا تۇلعالاۋ جاعىنداعى وزىق تاجىريبەسىن ۇيرەنۋ. شاۋەشەكتەن چىڭدۋعا توتە قاتىنايتىن اۋە لەنياسىنىڭ ءساتتى اشىلۋ ورايىنان پايدالانىپ، چىڭدۋ قالاسىنىڭ مادەنيەت -ساياحات جۇيەسىمەن جانە قاتىستى ساياحات كاسىپورىندارىمەن اڭگىمە ءماجىلىسىن وتكىزىپ، سەلبەستىك نيەتىنە كەلىپ، ساياحاتشىلاردى ءوزارا جەتكىزۋ ىستەرىن اقىلداستىق. ايماعىمىزدىڭ ساياحات كووپەراتيۆتەرى چىڭدۋ قالا تۇرعىندارىنىڭ ەرەكشەلىگىنە نەگىزدەلە وتىرىپ ءبىر كۇندىك ساياحات، 2 كۇندىك ساياحات جانە 3 كۇندىك ساياحات سياقتى ساياحات ونىمدەرىن شىعارىپ، ’قۇت ۇيىعان چىڭدۋ‘ مەن ’ماي بوياۋلى سۋرەتتەي تارباعاتايدىڭ‘مادەنيەت جانە ساياحات سالاسىنىڭ ىشكەرىلەي ارالاسۋىن، ىشتەسۋىن جەبەپ، ەكى جەردىڭ مادەنيەت - ساياحات جاعىنداعى سەلبەستىگىنىڭ جاڭا جاعدايىن قالىپتاستىرماقشى“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى