ءتىلشىمىز داي جياۋمەي حابارلايدى. 5-ايدىڭ 15-كۇنى شاۋەشەك قالاسى قاراقاباق اۋىلى شانبەي قىستاعىنىڭ مادەنيەت ۇيىندە قىزىل بۇرىش، پاميدور، قيار، ءسان قاباق سياقتى كوكونىس كوشەتتەرى رەت-رەتىمەن ءتىزىلىپ قويىلدى. كوكونىس كوشەتىن الۋعا كەلگەن قىستاق تۇرعىندارىنىڭ جۇزدەرىنەن باقىت كۇلكىسى ەسىپ، ءبىر جاعىنان، تىزىمدەلىپ، ەندى ءبىر جاعىنان، وزدىكتەرىنەن قاتارعا تۇرىپ جاتتى.
قىستاق تۇرعىنى لي چۇن -ي 200 ءتۇپ قىزىل بۇرىش كوشەتىن، 100 ءتۇپ پاميدور كوشەتىن، 30 ءتۇپ قيار كوشەتىن الدى. لي چۇن -ي:”بىلتىر قىزمەت اترەتى ورگانيكالى كوكونىس كوشەتىن تاپسىرىس ارقىلى الدىرىپ اقىسىز تاراتقان. كوشەت جاقسى ءوسىپ، جوعارى ءونىم الدىق. شاۋەشەك قالاسىنىڭ كوپتەگەن شاعىن اۋماقتارىنداعى ەرەن بازارلار مەن كوكونىس دۇكەندەرى ءبىزدىڭ كوكونىستەرىمىزدى جاقسى قارسى الدى. بيىل دا كوبىرەك ەكپەكشىمىن“ دەدى.
كوكونىس كوشەتىن تاراتىپ بولعاننان كەيىن قىزمەت اترەتىنىڭ مۇشەلەرى مەن قىستاق كادرلارى قىستاق تۇرعىنى ما يۇيچيڭنىڭ ۇيىنە بارىپ، كوشەت وتىرعىزۋىنا كومەكتەستى. ما يۇيچيڭنىڭ جۇبايى شاۋەشەك قالاسىندا نەمەرەسىن قارايدى، ۇلى مەن كەلىنى جۇمىستا، ەكى مۋدان اساتىن اۋلانى ما يۇيچيڭ شىپ -شىرعاسىن شىعارماي ۇستاپ وتىر ەكەن.
ما يۇيچيڭ: ”بۇرىن كوشەتتى قىستاق تۇرعىندارى ءوزى جەتىلدىرەتىن نەمەسە قالادان ساتىپ الاتىن، ساپاسىنا كەپىلدىك ەتىلمەيتىن. 2022 -جىلى قىزمەت اترەتى قىستاق تۇرعىندارىنا ساپالى كوكونىس كوشەتىن الىپ بەردى. مەن 200 تۇپتەن استام قىزىل بۇرىش، باكلاجان، پاميدور كوشەتىن ەككەم، 4000 يۋانعا جۋىق پايدا ءتۇستى. بيىل تاعى ءتۇرلى كوكونىس كوشەتىنەن 300 نەشە ءتۇپ وتىرعىزدىم، بيىل ءتىپتى دە كوپ كىرىس كىرگىزسەم دەيمىن“ دەدى.
شانبەي قىستاعىندا قازىر قونىستانعان 60 وتباسى بار، ءار وتباسىنىڭ اۋلاسى 2 مۋدىڭ ۇستىندە، قىستاقتاعى جالپى اۋلانىڭ جەر كولەمى 150 مۋدان اسادى. قىستاق تۇرعىندارىنىڭ اۋلاسى قۇنارلى، كوكونىس ەگۋگە ەرەكشە ۇيلەسەدى. شاۋەشەك قالالىق اۋىل شارۋاشىلىعى، اۋىل-قىستاق مەكەمەسىنىڭ، قالالىق پارتكوم پارتيا مەكتەبىنىڭ قىستاقتا تۇراتىن بىرلەسكەن قىزمەت اترەتى قىستاقتا تۇرعاننان بەرى قىستاقتىڭ ءىس جۇزىندىگىنە ۇشتاستىرا وتىرىپ، قىستاق تۇرعىندارىن اۋلا شارۋاشىلىعىن دامىتۋعا بەلسەنە جەتەلەدى.
”2022-جىلى تەحنيكالىق دەڭگەيى جوعارى كوشەت جەتىلدىرەتىن سەلبەستىك كووپەراتيۆتەرىمەن قىستاق تۇرعىندارىنا ساپالى كوكونىس كوشەتىن جەتىلدىرىپ بەرۋ جونىندە كەلىسكەن سوڭ، 10 مىڭ ءتۇپ كوكونىس كوشەتىن قىستاق تۇرعىندارىنا اقىسىز تاراتتىق. سول جىلى ونىمدىلىگى تاماشا بولىپ، ءار وتباسىنىڭ كىرىسى ورتاشا ەسەپپەن 4500 يۋان اينالاسىندا ارتىپ، قىستاق تۇرعىندارىنىڭ كوكونىس ەگۋ بەلسەندىلىگىن بارىنشا جوعارىلاتتى. بيىل 20 مىڭ تۇپتەن استام كوكونىس كوشەتىنە تاپسىرىس بەردىك. كەلەسى قادامدا جالعاستى مىندەت -جاۋاپكەرشىلىگىمىزدى ادا ەتىپ، ءىس جۇزىندىك ارەكەتىمىز ارقىلى قىستاق تۇرعىندارىن اۋلا شارۋاشىلىعىن دامىتۋعا جەتەلەپ، اۋىل-قىستاقتى گۇلدەندىرۋگە كۇش ۇستەيمىز“دەدى قىزمەت اترەتىنىڭ باستىعى، قىستاقتىڭ ءبىرىنشى شۋجيى گو جۇڭدۇڭ.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى