جۇڭگو حالىق بانكەسى تارباعاتاي ايماقتىق ورتالىق تارماق بانكەسى:
ءتىلشىمىز ۋاڭ تيڭ، ەرىكتى ءتىلشى جاڭ تيان حابارلايدى.”بۇرىن كۇردەلى قارىز اقشا ءبىتىرۋ راسمياتىنىڭ قازىر ءبىر جولدا بىتەتىنىن ويلاماعان ەكەنمىن، شىنىندا، ءونىمى جوعارى، قولايلى ەكەن“دەدى شاۋەشەك قالاسىنداعى ساۋداگەر ۋاڭ مىرزا. 5-ايدىڭ 13-كۇنى ۋاڭ مىرزا قۇرىلىس بانكەسى تارباعاتاي بولىمشە بانكەسىنىڭ”حۇيدۇڭني “APP ى ارقىلى جەلىدەن شاعىن، ۇساق كاسىپورىنداردىڭ جالپىعا ءتيىمدى سەنىمدى قارىز اقشا الۋ راسمياتىن ءبىتىردى ءارى ءوزىنىڭ ساۋدا مولشەرى جانە سالىق تاپسىرۋ جاعدايىنا نەگىزدەلە وتىرىپ، ءبىرشاما تومەن وسىمنەن يگىلىكتەندى.
جۇڭگو حالىق بانكەسى تارباعاتاي ايماقتىق ورتالىق تارماق بانكەسى بانكە سالاسىنداعى فينانس قۇرىلىمدارىنىڭ شاعىن، ۇساق كاسىپورىندارعا جالپىعا ءتيىمدى فينانستىق قىزمەت وتەۋ قابىلەتى مەن دەڭگەيىن اناعۇرلىم جوعارىلاتۋ ءۇشىن، قاراستى رايوندا شاعىن، ۇساق كاسىپورىندار جالپىعا ءتيىمدى قارىز اقشا العاندا “كوپ بولعاندا ءبىر رەت شاپقىلاۋ” ارناۋلى رەفورماسىن جۇرگىزىپ، ىرىقتىلىقپەن “ءبىر تەرەزەدە قابىلداۋ، شوعىرلى قىزمەت وتەۋ، ءبىر جولدا ءبىتىرۋ” قىزمەت وتەۋ ۇلگىسىن قاراستىرىپ، “قاريدار ديرەكتورى + حاۋىپ-قاتەر ديرەكتورى” ارناۋلى ۇجىمىن بىرىكتىرىپ، قارىز اقشا ءبىتىرۋ باسقىشىن ۇيلەسىمدى ىقشامداپ، قىزمەت وتەۋ ساپاسى مەن ونىمدىلىگىن جوعارىلاتتى.
ساناققا نەگىزدەلگەندە، 3 -ايدىڭ اياعىنا دەيىن تۇتاس ايماقتىڭ فينانس قۇرىلىمدارىنداعى 8 ميلليارد 862 ميلليون يۋان شاعىن، ۇساق جالپىعا ءتيىمدى قارىز اقشا قالدىق سوماسىنىڭ 5 ميلليارد 302 ميلليون يۋانى ءبىر جولدا بىتىرىلگەن قارىز اقشا قالدىق سوماسى بولىپ، ％59.83 ىن يەلەيدى ەكەن.
قازىرگە دەيىن ايماقتاعى 17 فينانس قۇرىلىمى تۇگەلدەي شاعىن، ۇساق كاسىپورىنداردىڭ جالپىعا ءتيىمدى قارىز اقشاعا ءوتىنىش بەرۋ جاسىل ءدالىزى مەن مىندەتىن ادا ەتكەندەر جاۋاپكەرشىلىك ارقالاماۋ تىزىمدىگىن قۇرىپ، ەكى جاقتان كۇش سالىپ، بازار نەگىزگى تۇلعاسىنىڭ قىزمەت وتەۋدەن يگىلىكتەنۋ ونىمدىلىگىن جوعارىلاتتى.
“‘سەنىمدى قارىزدى تىكە جەتكىزۋ’، ‘قارىز اقشا ءبىتىرۋ قىزمەتىن اۋىل-قىستاققا جەتكىزۋ’ سياقتى فورمالارمەن بانكە ءوزى ىزدەپ باراتىن، قاريدار از شاپقىلايتىن نىسانانى جۇزەگە اسىرىپ، فينانس قۇرىلىمدارىنىڭ قاريدار باۋراۋ قابىلەتى مەن سايكەستى قىزمەتى وتەۋىنىڭ ۇشتاسۋىن جانە بايلانىسۋىن جەبەدىك. الدا وسى رەتكى رەفورمانى وراي ەتىپ، بازار نەگىزگى تۇلعاسىنا قولداۋ تەبىنىن ۇزدىكسىز ارتتىرىپ، فينانس قۇرىلىمدارىنىڭ شاعىن، ۇساق كاسىپورىندارعا قىزمەت وتەۋ ساپاسى مەن ونىمدىلىگىن جەدەل جوعارىلاتىپ، شارۋاشىلىق -ساۋدا ورتاسىن جاقسارتۋعا فينانس كۇش - قۋاتىن ارنايمىز” دەدى جۇڭگو حالىق بانكەسى تارباعاتاي ايماقتىق ورتالىق تارماق بانكەسى سەنىمدى قارىز اقشا باسقارۋ ءبولىمىنىڭ ورىنباسار باستىعى چىن گۋاڭحۋا.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى