تىلشىلەرىمىز قۇرمەت مىرزاقان، جاڭ تيڭيۇي، لي شياڭ حابارلايدى. 5 -ايدىڭ 19-كۇنى ايماقتىق مادەنيەت -دەنە تاربيە، راديو-تەلەۆيزيا جانە ساياحات مەكەمەسى مەن ايماقتىق توعىسپالى مەديا ورتالىعى بىرلەسىپ ۇيىمداستىرعان 219”-لەنيانى بويلاپ، قول ۇستاسا ماحاببات ساپارىنا اتتانايىق“جەكە اۆتوكولىكپەن ساياحاتتاۋ قيمىلى قوبىقسارى موڭعۇل اۆتونوميالى اۋدانىنىڭ قاراعايتى كورىنىس رايونىندا شىمىلدىعىن اشتى.
باستالۋ سالتىندا كوپ تىلەگىن ارقالاعان 10 جۇپ جاس جۇباي”ماحاببات كولى“بويىنداعى مەملەكەت جولى 219-لەنياسىنىڭ تارباعاتايداعى 520 كيلومەترلىك بولەگىنىڭ 0 كيلومەترلىك باستالۋ تۇيىنىنەن اتتانىپ، مەملەكەت داڭعىلى ــ مەملەكەت جولى 219 -لەنياسىنىڭ ەڭ كوركەم شەكارا لەنياسىن بويلاپ، شىرىن ساپارعا جول الدى.
قيمىلدا قوبىقسارى اۋداندىق”جاڭگىر“كوركەمونەر ۇيىرمەسى مەن حالىق اراسىنداعى ونەرپازدار كوپشىلىككە مەملەكەت دارەجەلى بەيزاتتىق مۇرا نىسانىنا الىنعان ــ تىلەك ءسوز، شينجياڭ ۇزىن سارىندى حالىق ءانى جانە ۇلاسپالى ماحاببات اندەرى سياقتى كونسەرت نومىرلەرىن قويدى. باستالۋ سالتىندا 40 تان اسا اۆتوكولىكتەن قۇرالعان اۆتوكولىك اترەتى قاراعايتى كورىنىس رايونىنان اتتانىپ، ءوزارا ىزگى تىلەكتەرىن بىلدىرۋمەن بىرگە، جول بويىنداعى تاماشا كورىنىستەن ءلاززاتتاندى.
وسىدان سوڭ 10 جۇپ جاس جۇباي جاڭگىر مادەنيەت باقشاسىندا كۇش جالعاپ جۇگىرۋ، موڭعۇل ۇلتىنىڭ ءداستۇرلى دەنە تاربيە جارىسى سياقتى قىزىقتى قيمىلداردى وتكىزدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى