■ اۆتونوميالى رايوننىڭ “مۇگەدەكتەردىڭ جۇمىستانۋىنا كومەكتەسۋ - سۇيەمەلدەۋ” قيمىلىنىڭ باستالۋ سالتى جانە تارباعاتايدىڭ ناق مايداندا جۇمىسقا قابىلداۋ جينالىسى شاۋەشەك قالاسىندا وتكىزىلدى
تىلشىلەرىمىز ەرتاي، ليۋ ۋي حابارلايدى. 5 -ايدىڭ 19 -كۇنى اۆتونوميالى رايوننىڭ”مۇگەدەكتەردىڭ جۇمىستانۋىنا كومەكتەسۋ -سۇيەمەلدەۋ“قيمىلىنىڭ باستالۋ سالتى جانە تارباعاتايدىڭ ناق مايداندا جۇمىسقا قابىلداۋ جينالىسى شاۋەشەك قالاسىندا وتكىزىلدى. وسى رەتكى جۇمىسقا قابىلداۋ جينالىسىندا شينجياڭ جۇڭلي قىزمەت وتەۋ شەكتى سەرىكتەستىگى، شينجياڭ عۇمىر قامسىزداندىرۋ جارنالىق شەكتى سەرىكتەستىگىنىڭ تارباعاتاي ورتالىق تارماق سەرىكتەستىگى سياقتى 31 كاسىپورىن قامداعان 610 جۇمىس ورنى مۇگەدەك دوستارعا ازىرلەندى.
جۇمىسقا قابىلداۋ جينالىسى الاڭىندا ادامدار ءيىن تىرەسىپ، ەرەكشە دۋماندى بولدى، جۇمىس ىزدەۋشىلەر جۇمىسكەر ىستەتەتىن ورىندارمەن بەلسەنە پىكىر اۋىستىرىپ، قىزمەت ورنىنىڭ تالابى، ەڭبەكاقى مامىلەسى سياقتى جاعدايلارىن ەگجەي -تەگجەيلى ۇعىستى. وسى رەتكى قيمىل جۇمىستانباعان مۇگەدەكتەردىڭ جۇمىستانۋ سەنىمىن ارتتىرۋىنا دەم بەرۋمەن بىرگە، ولاردىڭ جۇمىستانۋ بەلسەندىلىگى مەن ىرىقتىلىعىن جوعارىلاتتى.
سول كۇنى تاڭەرتەڭ ەرتە شاۋەشەك قالاسىنىڭ تۇرعىنى يۇي جىفاڭ جۇمىسقا قابىلداۋ جينالىسىنا بارىپ، ءارقايسى ورىنداردىڭ جۇمىسكەر قابىلداۋ شارت -جاعدايى مەن جۇمىس ورنىنىڭ جاعدايىن ءبىر-بىرلەپ ۇعىستى. شاۋەشەك قالالىق مۇگەدەكتەر بىرلەستىگىنىڭ جۇمىسقا قابىلداۋ قىزمەتكەرىنىڭ ينفورماتسياسى يۇي جىفاڭنىڭ نازارىن اۋدارىپ، قىسقا ۋاقىت اڭگىمەلەسۋ ارقىلى ەكى جاق نيەتتىك كەلىسىمگە قول قويدى.
يۇي جىفاڭ: “جۇمىسقا قابىلداۋ جينالىسى ارقىلى كوڭىلدەگىدەي قىزمەت تاپتىم. الداعى جەردە قۇلشىنا ىستەپ، تۇرمىسىمدى بارعان سايىن جاقسارتامىن” دەدى.
بيىل جىل باسىنان بەرى ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىستانۋدى سۇيەمەلدەۋ قىزمەتىن بەلسەنە ويداعىداي ىستەپ، ءالسىز قاۋىمعا قامقورلىق جاساپ، قىزمەت ورنىن ساقتاعاندارعا قامقورلىق جاساۋدى، جۇمىستانۋشىلارعا كومەكتەسۋ-سۇيەمەلدەۋدى، جۇمىسكەر ىستەتۋدى قولداۋدى ناقتاپ تياناقتاندىرىپ، جۇمىستانۋعا قىزمەت وتەۋدىڭ “ەڭ سوڭعىءبىر شاقىرىمىن” تۇتاستىردى.
شاۋەشەك قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى چى گۇيلي: “وسى رەت ‘مۇگەدەكتەردىڭ جۇمىستانۋىنا كومەكتەسۋ - سۇيەمەلدەۋ’ قيمىلىن وتكىزۋدەگى ماقساتىمىز ــ جۇمىس ىزدەگەن قالىڭ مۇگەدەكتەرگە اناعۇرلىم جاقسى جۇمىستانۋ تۇعىرىن ازىرلەۋ. الداعى قىزمەت بارىسىندا، مۇگەدەكتەردى ءتىپتى دە كوپ جۇمىس ورنىمەن قامداپ، قىزمەت وتەۋ، قامتاماسىزداندىرۋ قىزمەتىن دەن قويا، شىن پەيىلمەن، كۇش سالا ويداعىداي ىستەيمىز” دەدى.
ۇعىسۋعا قاراعاندا، وسى رەتكى”مۇگەدەكتەردىڭ جۇمىستانۋىنا كومەكتەسۋ-سۇيەمەلدەۋ“ قيمىلىن اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى مەن اۆتونوميالى رايوندىق مۇگەدەكتەر بىرلەستىگى جاۋاپتى بولىپ ۇيىمداستىرىپ، ”جۇمىستانۋدى جەبەۋ، شىنايى كومەكتەسۋ-سۇيەمەلدەۋدى“ نەگىزگى تاقىرىپ ەتىپ، 5 -ايدىڭ ورتا شەنىنەن سوڭعى شەنىنە دەيىن بۇكىل شينجياڭداعى 14 ايماق، وبلىستا (قالا) جاپپاي ورىستەتىلەدى ەكەن.
اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعى پارتكومىنىڭ مۇشەسى، ورىنباسار مەڭگەرۋشىسى، 2 ـ دارەجەلى شارلاۋشى شىن پيڭجياڭ: ”وسى رەت شاۋەشەك قالاسىندا وتكىزىلگەن 33 -رەتكى مەملەكەتتىك مۇگەدەكتەرگە كومەكتەسۋ كۇنى بويىنشا جۇمىستانۋعا كومەكتەسۋ قيمىلى ــ ەرەكشە قاۋىمعا باعىتتالعان ارناۋلى قيمىل. سونىمەن بىرگە، اۆتونوميالى رايوننىڭ 8 ءىرى كاسىپ سالاسى مەن شينجياڭنىڭ ەرەكشە باسىمدىققا يە كاسىپ سالاسىن ارقاۋ ەتىپ، مۇناي حيميا ونەركاسىبى، كومىر حيميا ونەركاسىبى جانە ساياحات، توقىماشىلىق، كيىم -كەشەك سياقتى سالالارعا ارناۋلى جۇمىسقا قابىلداۋ قيمىلدارى وتكىزىلەدى؛ بيىل مەكتەپ تاۋىساتىن 800 گە جۋىق مۇگەدەك جوعارى مەكتەپ وقۋشىلارىن كوزدەي وتىرىپ، 6 -ايدىڭ 30 -كۇنى مەكتەپتەن قايتقاننان كەيىن، ءارقايسى ايماق، وبلىستىڭ (قالا) ادام كۇشى بايلىعى جانە قوعامدىق قامتاماسىزداندىرۋ تاراۋلارى بىرگە - ءبىر بويىنشا دالمە -ءدال كومەكتەسىپ، سۇيەمەلدەپ، جۇمىستانۋ قابىلەتى مەن جۇمىستانۋ نيەتى بارلارىنىڭ تۇگەلدەي جوعارى ساپالى، تولىق جۇمىستانۋىنا شىنايى كەپىلدىك ەتەدى“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى