2023 -جىلعى ”ماي بوياۋلى سۋرەتتەي تارباعاتاي“ ساياحات -مادەنيەت كوركەمونەر ماۋسىمى ـــ 1 -كەزەكتى ”تاليان ارمانعا قانات قاعۋ ساۋىتى“ءان جارىسى شەشۋشى جارىسىنىڭ ەۆروپا ۇلگىسىندەگى ءان ايتۋ گرۋپپاسىنىڭ باسەكەسى باستالدى
تىلشىلەرىمىز جاڭ ياڭ، ۋاڭ ياجۇن حابارلايدى. 5 -ايدىڭ 17 -كۇنى ۇستىلەرىنە ساحنالىق كيىم كيىپ، بەينە حانىشا مەن حانزاداداي جاسانعان ەۆروپا ۇلگىسىندە ءان ايتۋ جارىسىنا قاتىناساتىن 32 ساڭلاق ءوز ونەرلەرىن كورسەتىپ، 2023 -جىلعى ”ماي بوياۋلى سۋرەتتەي تارباعاتاي“ ساياحات -مادەنيەت كوركەمونەر ماۋسىمى ــ 1-كەزەكتى”تاليان ارمانعا قانات قاعۋ ساۋىتى“ ءان جارىسى شەشۋشى جارىسىنىڭ ەۆروپا ۇلگىسىندە ءان ايتۋ گرۋپپاسىنىڭ دوداسىنا ءتۇستى.
بۇل گرۋپپاعا شينجياڭ كوركەمونەر شۋەيۋانى، شينجياڭ شىفان داشۋەسى، شىنياڭ مۋزيكا شۋەيۋانى سياقتى مەكتەپتەردىڭ كاسىپتىك انشىلەرى جينالۋدان تىس، 4 اۋدان، 3 قالاداعى ەۆروپا ۇلگىسىندە ءان ايتۋعا اۋەس كاسىپتەن سىرتقى شەبەرلەردى دە باۋرادى. جارىس الاڭىندا جارىسقا قاتىناسقان كۇمىس كومەي انشىلەر ءوز ونەرلەرىن كورسەتىپ، كاسىپتىك ورىنداۋ شەبەرلىگى، جاعىمدى داۋىسى ارقىلى جوعارى داۋىستاعى اندەردى ناقىشىنا كەلتىرە ورىنداپ، باعالاۋشىلار مەن كورەرمەندەردى ءتانتى ەتتى.
ءانىن ءساتتى ورىنداعان 3 -ءنومىرلى ساڭلاق پىڭ يلاڭ: ”مەن شيحۋ قالاسىنان كەلدىم، شينجياڭ كوركەمونەر شۋەيۋانىنىڭ ءان كاسىبىن ءبىتىردىم، جايشىلىقتا ءان ايتۋدى ۇناتامىن. وسى رەتكى جارىس كاسىپتىك ورەمدى جوعارىلاتىپ قالماستان، وزىمدەگى جەتەرسىز جاقتاردى دا سەزىندىم، الداعى جەردە ساحناعا كوپ شىعىپ، ءتىپتى دە كوپ جاعىمدى اندەردى كوپشىلىككە تارتۋ ەتەمىن“ دەدى.
“بۇگىنگى ساحنانىڭ دىبىس ونىمدىلىگى وتە تاماشا بولىپ، ونەر كورسەتكەن ساڭلاقتار ەرەن ورىنداۋ شەبەرلىكتەرىمەن ءوز ونەرلەرىن ايگىلەدى. ءبىزدىڭ باعالاۋ كوميسسيامىز ءادىل، ادىلەتتى بولۋ پرينسيبى بويىنشا ءنومىر قويادى، ءاربىر ساڭلاقتىڭ شەشۋشى جارىسقا ورنىقتى كوڭىل كۇيمەن قاتىناسىپ، وسى رەتكى جارىس ارقىلى ءوز ورەلەرىن جوعارىلاتىپ، ونەرلەرىن ايگىلەپ، وزىق ورەدەگى دوستىق جارىسىن وتكىزۋىن ءۇمىت ەتەمىز”دەدى ءان جارىسىنىڭ باعالاۋشىسى، شينجياڭ ءان -ءبي ۇيىرمەسى پارتكومىنىڭ مۇشەسى، ءان اترەتىنىڭ باستىعى حۋاڭ جۇنپيڭ.
بۇل جارىس ايماقتىق توعىسپالى مەديا ورتالىعىنىڭ دوۋيىن ءنومىرى ارقىلى ناق مايداندا تىكە تاراتىلىپ، جەلىدە جانە جەلىدەن تىسقى كورەرمەندەر 100 مىڭ ادام رەتتەن استى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى