تىلشىلەرىمىز جاڭ پەيچي، اسحات قايرات حابارلايدى. كوكتەمدە گۇلدەر قۇلپىرا اشىلىپ، جازدا جاسىل جامىلعى جامىلىپ،”ماي بوياۋلى سۋرەتتەي تارباعاتاي“شەكسىز تارتىمدىلىعىمەن ءوزىنىڭ دارا قاسيەتىن ايگىلەۋدە. 5 - ايدىڭ 17-كۇنى «حالىق گازەتى»، شينحۋا اگەنتتىگى، ورتالىق راديو-تەلەۆيزيا باس ستانسياسى، «گۋاڭميڭ گازەتى» سياقتى 10 نەشە ورتالىقتاعى، شينجياڭعا باعىتتامالى كومەكتەسەتىن ولكەلەردەگى (قالالار) جانە شينجياڭداعى مەديالاردان 29 ءتىلشى تارباعاتايعا كەلىپ،”ءتورت ماۋسىمداعى شينجياڭدى تاماشالاۋدىڭ“”گۇل قۋالاي شينجياڭدى تاماشالاۋ“ نەگىزگى تاقىرىپتىق تىلشىلىك قيمىلىن ورىستەتتى.
ۇعىسۋعا قاراعاندا، وسى رەت تىلشىلەر ۇيىرمەسى 5 كۇندىك ۋاقىتپەن ساپارلاي حابارلاۋ ءتاسىلى ارقىلى جالپىلىق مەديادا تارباعاتاي ايماعىنىڭ جەرگىلىكتى سالت -ساناسى مەن جالىندى قوعامدىق بەت-بەينەسىن ايگىلەپ، ايماعىمىزدىڭ ەكونوميكالىق دامۋ، ۇلتتار ىنتىماعى، مادەنيەت - ساياحات جانە شينجياڭعا باعىتتامالى كومەكتەسۋ جاقتارىنداعى جاندى مىسالدارىن سول جەردىڭ وزىندە ۇعىسىپ، تارباعاتاي حيكايالارىن كوپ ساتىلى، جان-جاقتىلى، ستەرەولدى، ويداعىداي باياندايدى ەكەن.
لياۋنيڭ راديو-تەلەۆيزيا ستانسياسى اقپارات ورتالىعى قوعامدىق حابارلار ءبولىمىنىڭ ءتىلشىسى سۇن شىحان: “ءوز قىزمەتىمدى تياناق ەتىپ، لياۋنيڭ ۇنىمەن تارباعاتاي حيكاياسىن، شينجياڭ حيكاياسىن جاقسى بايانداپ، لياۋنيڭ مەن تارباعاتاي اراسىنداعى ىقپالداستىقتى، اۋىس -كۇيىستى كۇشەيتىپ، ەكى جاق ەكونوميكاسىنىڭ جوعارى ساپالى دامۋىن جەبەپ، اقپارات قىزمەتكەرىنىڭ تيەسىلى ۇلەسىن قوسامىن” دەدى.
شاۋەشەككە تۇڭعىش رەت كەلگەن شينحۋا اگەنتتىگى شينجياڭ بولىمشەسىنىڭ ءتىلشىسى ما جياشۋاي جونىنەن شاۋەشەك قالاسىنىڭ كورىنىسى كوز تارتىپ، ءار ۇلت باۋىرلاستارى ىنتىماقتى، تاتۋ -ءتاتتى بولىپ، ەكونوميكالىق قۇرىلىسى جوعارى قارقىنمەن دامىعاندىعىن، ىشكەرىلەي حابارلاۋعا تاتيتىن كوپتەگەن حيكايالارى بار ەكەنىن سەزىندى. ول ءوز تۇعىرىنىڭ باسىمدىعىمەن ۇشتاستىرىپ، جازۋ، سۋرەت، بەينە كەسكىن سياقتى كوپ ءتۇرلى ۇگىت تاسىلدەرى ارقىلى تارباعاتايدىڭ حيكايالارىن جاقسى بايانداپ، تارباعاتايدىڭ كوركەم بەت -بەينەسىن ايگىلەيتىندىگىن ءبىلدىردى.
وسى رەتكى نەگىزگى تاقىرىپتىق تىلشىلىك قيمىلى گۇلدى دانەكەر ەتىپ، گۇلدىڭ حوش يىسىنە ىلەسە جول بويى تىلشىلىك ىستەپ، جالپىلىق مەديانىڭ حابارلاۋ ءتاسىلى ارقىلى جەر-جەردەگى بۇقارانىڭ ۋاقىت پەن كەڭىستىكتەن اتتاپ ءوتىپ، ىنتىماقتى، جاراسىمدى، كوركەم تارباعاتايدى سەزىنۋىنە مۇمكىندىك جاسايدى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى