2023 -جىلعى ”ماي بوياۋلى سۋرەتتەي تارباعاتاي“ ساياحات-مادەنيەت كوركەمونەر ماۋسىمى ــ 1-كەزەكتى ”تاليان ارمانعا قانات قاعۋ ساۋىتى“ ءان جارىسى شەشۋشى جارىسىنىڭ كەڭ تارالعان اندەر گرۋپپاسىنىڭ باسەكەسى باستالدى
تىلشىلەرىمىز جاڭ ياڭ، ۋاڭ ياجۇن حابارلايدى. 5 -ايدىڭ 16-كۇنى جۇلدىزدار جىمىڭداپ، قالىڭ ادام قايشالىستى، 2023 -جىلعى”ماي بوياۋلى سۋرەتتەي تارباعاتاي“ساياحات -مادەنيەت كوركەمونەر ماۋسىمى ــ 1-كەزەكتى”تاليان ارمانعا قانات قاعۋ ساۋىتى“ ءان جارىسى شەشۋشى جارىسىنىڭ كەڭ تارالعان اندەر گرۋپپاسىنىڭ جارىسى باستالىپ، جارىسقا قاتىناسقان 31 ساڭلاق ءان اۋەنى ارقىلى حالىق اراسىندا كەڭ تارالعان مۋزيكانىڭ تارتىمدىلىعىن ايگىلەدى.
بۇل رەتكى جارىستى ايماقتىق پارتكومنىڭ ۇگىت ءبولىمى، ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى، ادەبيەت-كوركەمونەرشىلەر بىرلەستىگى، توعىسپالى مەديا ورتالىعى ۇيىمداستىرىپ، ايماقتىق مادەنيەت سارايى، ءان -ءبي ۇيىرمەسى، مۋزيكانتتار قوعامى جانە قارتتار داشۋەسى جاۋاپتى بولىپ، ايماقتىق توعىسپالى مەديا ورتالىعىنىڭ دوۋيىن ءنومىرى ارقىلى ناق مايداندا تىكە تاراتتى، جەلىدە جانە جەلىدەن تىس كورگەن ادام سانى 120 مىڭ ادام رەتتەن استى.
جارىستا ءار سالا، ءار كاسىپتەن كەلگەن شاباندوزدار تامىلجىتا ءان شىرقاپ، تاماشا تۇرمىستى جىرلادى. شاباندوزدار تارتىمدى ءان -كۇي ارقىلى ءادىلقازىلار مەن كورەرمەندەرگە ءوز كەرەمەتتەرىن ايگىلەدى. تۇرلىشە ستيلدەگى، تۇرلىشە تيپتەگى اندەر ساحناعا كوتەرىلدى، قۇلاققا تانىس جەرگىلىكتى اندەر “تارباعاتايعا ماحاببات”، رومانتيكالى اسەرلى ءان “انشياڭ” قاتارلى اندەردەن اسقاق سەزىم مەن باقىت لەبى ەسىپ، شاپالاق ءۇنى تولاستامادى.
جارىسقا قاتىناسۋشى حۋ شى حالىق ساقشىسى بولعانىمەن، بۇگىن ول ءبىر ءانشى رەتىندە، تارتىمدى ءان اۋەنى ارقىلى ءادىلقازىلاردى باعىندىرىپ، كورەرمەندەردىڭ قىزۋ قارسى الۋىنا يە بولدى. حۋ شى: “ساقشى بولعانىممەن، جايشىلىقتا ءان ايتۋدى قاتتى ۇناتامىن، باسەكەگە ءتۇسۋ ارقىلى ءان ايتۋدىڭ ءتىپتى دە كوپ تەتىگىن يگەرىپ، ءوزىمدى ايگىلەپ، ءوز ورەمدى جوعارىلاتسامبا دەيمىن، مەيلى قانداي ناتيجەگە قول جەتكىزسەم دە، وسى بارىستان ەرەكشە ءلاززات الامىن” دەدى.
وسى رەتكى جارىستى تىلگە العاندا، قىزمەتكەر فاڭ شياۋشۋە: “بۇل رەتكى جارىس ايماقتىڭ شينجياڭدى مادەنيەتپەن نارلەندىرۋدەگى ماڭىزدى قۇرامداس بولىگى، مۇنداعى ماقسات ــ بۇقارالىق ۇلكەن ساحنانى تۇلعالاپ، جەرگىلىكتى ادەبيەت -كوركەمونەردەگى اناعۇرلىم كوپ جاڭا ادامداردى جارىققا شىعارىپ، مۋزيكا جانە ءان اۋەنى ارقىلى باقىت پەن كوركەمدىكتى جەتكىزىپ، ايماقتىڭ مادەنيەت مايەگىن جانە كوركەمونەر ساپاسىن ايگىلەپ، ءار ۇلت بۇقاراسىنىڭ رۋحاني مادەنيەت تۇرمىسىن اناعۇرلىم بايىتۋ” دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى