تىلشىلەرىمىز جاڭ پەيچي، ساي حۋچىڭ حابارلايدى. 5-ايدىڭ 14-كۇنى لياۋنيڭنان 11 -توپتا شينجياڭعا كومەككە كەلگەن كادر-دارىندىلاردى قىزمەتكە شىعۋ الدىندا باۋلۋ كۋرسىنىڭ ساباق باستاۋ سالتى ايماقتىق پارتكوم پارتيا مەكتەبىندە وتكىزىلدى.
وسى رەتكى قىزمەتكە شىعۋ الدىنداعى باۋلۋ كۋرسىنا شينجياڭعا كومەككە كەلگەن 279 كادر-دارىندى قاتىناستى. باۋلۋ كۋرسىندا تارباعاتايدىڭ جالپى جاعدايى، رەفورما، دامۋ اياق الىسى، ۇلتتار ىنتىماعى سياقتى مازمۇندارمەن تىعىز ۇشتاستىرىلىپ، ارناۋلى تاقىرىپتا لەكسيا جاساۋ، ناق مايداندا ساباق ءوتۋ سياقتى فورمالارمەن شينجياڭعا كومەككە كەلگەن كادر-دارىندىلاردىڭ تارباعاتايدىڭ جاعدايىن تەز ارادا يگەرۋىنە، تارباعاتايعا ۇيرەنىسۋىنە، ءوز قىزمەت ورىندارىندا رولىن ساۋلەلەندىرۋىنە مۇمكىندىك جاراتىلدى.
ايماقتىق پارتكومنىڭ ورىنباسار شۋجيى، لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى پارتيا باسشىلىق گرۋپپاسىنىڭ شۋجيى، باس قولباسشىسى ليۋ شين ساباق باستاۋ سالتىندا بىلاي دەدى: شينجياڭعا كومەككە كەلگەن كادر- دارىندىلار اۋەلگى ماقسات پەن بورىشتى ەستە بەرىك ساقتاپ، شينجياڭعا كومەكتەسۋدى يدەيالىق جاقتان شىڭدالۋدىڭ، ساياسي جاقتان ىسىلۋدىڭ، امالياتتىق جاقتان شىنىعۋدىڭ، كاسىپتىك جاقتان توسەلۋدىڭ تاپتىرماس تۇعىرى ەتۋى؛ تۋى ايقىن تۇردە ساياسيدى دارىپتەپ، ساياسي جاۋاپكەرشىلىكتى بۇلجىماي ارقالاۋى؛ ناقتى ىستەپ، جاۋاپكەرشىلىك ارقالاي وتىرىپ دامۋدى جەبەپ، ءتۇرلى مىندەتتەردى قاز-قالپىندا تياناقتاندىرۋى؛ تارتىپكە قاتاڭ بويسۇنىپ، قاعيدانى دارىپتەپ، حاۋىپسىزدىكتىڭ تومەنگى شەگىن تيتتەي دە اعاتتىق جىبەرمەي بەرىك ساقتاۋى؛ ءتۇرلى مىندەتتەردىڭ تياناقتانۋىن تاباندىلىقپەن ىلگەرىلەتىپ، جاڭا قىزمەت ورنىندا سىننان وتەتىن تىڭ ناتيجەلەر جاراتىپ، لياۋنيڭنىڭ شينجياڭعا كومەكتەسۋ قىزمەتىنىڭ جاڭا جاعدايىن قۇلشىنا اشۋى كەرەك.
ايماقتىق پارتكومنىڭ مۇشەسى، ۇگىت ءبولىمىنىڭ باستىعى چى گوجۇن ايماقتىق پارتكوم اتىنان شينجياڭعا كومەككە كەلگەن كادر-دارىندىلاردىڭ تارباعاتايدا قىزمەت ورىستەتۋىن قىزۋ قارسى الاتىندىعىن ءبىلدىرىپ، شينجياڭعا كومەككە كەلگەن كادر-دارىندىلاردىڭ تۋىس -تۋعان، دوس -جاراندارىنان الىستاپ، مەملەكەت ءۇشىن بورىشىن وتەگەن وسكەلەڭ رۋحىنا شىن جۇرەكتەن العىس ايتتى. ول مىنالاردى ءبىلدىردى: لياۋنيڭنىڭ شينجياڭعا كومەكتەسۋ قىزمەتىنە بار كۇشپەن قولداۋ كورسەتىپ، شينجياڭعا كومەككە كەلگەن كادر-دارىندىلارعا كوڭىل ءبولىپ، قامقورلىق جاساپ، لياۋنيڭ ولكەسىمەن ءار جاقتان ارالاسۋدى، ىشتەسۋدى، توعىسۋدى كۇشەيتىپ، ءتۇرلى مىندەتتەردىڭ تياناقتانىپ، ونىمدىلىك جاراتۋىن بار كۇشپەن ىلگەرىلەتەمىز.
شىنياڭ قالاسىنىڭ شينجياڭعا كومەكتەسۋ قىزمەت اترەتىنىڭ ورىنباسار جەتەكشىسى سۇن پىڭ بىلاي دەدى: “شينجياڭعا كومەكتەسۋ قىزمەتى ــ ماڭىزدى ساياسي مىندەت، ۇيىمنىڭ تاپسىرماسىن قاشاندا ەستە بەرىك ساقتاپ، پارتياعا ادال بولىپ، ‘مادەنيەت جەتكىزۋدەن’‘مادەنيەت مايەگىن ءسىڭىرۋ’بورىشىن ارقالاپ، شينجياڭدى مادەنيەتپەن نارلەندىرۋدىڭ ادال امالياتتا ايگىلەۋشىسى بولامىن”.
وسى رەتكى باۋلۋ كۋرسى 3 كۇنگە جالعاسىپ، بەينەەكران فورماسىندا اۋدان-قالالارعا دەيىن وتكىزىلەدى ەكەن. لياۋنيڭ ولكەلىك پارتكوم ۇگىت ءبولىمىنىڭ ءبولىم ىستەرى مۇشەسى، ولكەلىك پارتكوم ساقا كادرلار مەكەمەسىنىڭ باستىعى ليۋ ۋىنشىڭ ماجىلىسكە قاتىناستى ءارى ءسوز سويلەدى. جۇڭگو مەديتسينا داشۋەسى پارتكومنىڭ ورىنباسار شۋجيى يان ليڭجۇن، ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ۋاليى ۋاڭ جيڭحۋا ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى