ءوز حابارىمىز. 5 -ايدىڭ 9-كۇنىنەن 11-كۇنىنە دەيىن، 7 ـ كەزەكتى الەمدىك شەكارا اتتاعان ەلەكتروندى ساۋدا جينالىسى حىناننىڭ جىڭجوۋىندا وتكىزىلدى، تارباعاتاي ايماعى”ءبىر بەلدەۋ، ءبىر جول“نەگىزگى تاقىرىبىن كورنەكتىلەندىرىپ، باقتى شەكارا وتكەلىنىڭ ەرەكشەلىگىن ارقاۋ ەتىپ، شەكارا حالىقتارى ءوزارا ساۋدا بازارىنداعى ساۋداگەرلەردى، شەكارا اتتاعان ەلەكتروندى ساۋدامەن شۇعىلداناتىنداردى تاۋارلارىن كورمەگە قويۋعا ۇيىمداستىرىپ، ەل ءىشى-سىرتىنداعى قوناقتارعا تارباعاتايدى ۇگىتتەپ، باقتى شەكارا وتكەلىنىڭ ەرەكشەلىككە يە سىرتقى ساۋدا تاۋارلارىن كورسەتىپ، ەل ءىشى -سىرتىنداعى ساۋداگەرلەر مەن ساياحاتشىلاردىڭ نازارىن اۋداردى.
شەكارا اتتاعان ەلەكتروندى ساۋدا جينالىسى “دۇنيە جۇزىنەن ساتىپ الۋ، دۇنيە جۇزىنە ساتۋدى” نەگىزگى تاقىرىپ ەتىپ، “جىبەك جولى ەلەكتروندى ساۋداسى” حالىقارالىق سەلبەستىگى، ساۋدانى قولايلىلاندىرۋ، جۇڭگو - ەۆروپا كەزەكشى پويەزىنىڭ دامۋى، شەكارا اتتاعان ەلەكتروندى ساۋدا قامداۋ تىزبەگىندە جاڭالىق اشۋ، كاسىپ سالاسى سەلبەستىگى سياقتى مازمۇنداردى توڭىرەكتەي وتىرىپ، اشىلۋ سالتىن، ۇقساس سالانىڭ تالقى مىنبەرىن جانە كورمەگە قويۋ قيمىلىن وتكىزدى. ايماقتىق شەكارا وتكەلى كوميتەتى، شاۋەشەك كەدەنىنىڭ قاتىستى ورىندارى جينالىسقا قاتىناسىپ، پىكىر اۋىستىرىپ، ايماقتىڭ ەسىك اشۋ، دامۋ جاعدايىن تانىستىرىپ، باقتى وتكەلىنىڭ كەدەننەن وتۋگە قولايلىلىق جاراتۋ ونىمدىلىگىن ۇگىتتەدى.
ايماقتىق شەكارا وتكەلى كوميتەتى پارتكومىنىڭ مۇشەسى، ورىنباسار مەڭگەرۋشى جوۋ لەيدىڭ تانىستىرۋىنشا، تارباعاتايدا شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى بولىپ، ورتا، باتىس ازياعا جانە ەۆروپاعا باعىتتالعان سىرتقى ساۋدانىڭ الدىڭعى شەبى سانالادى ەكەن، ايماق شەكارا اتتاعان ەلەكتروندى ساۋدانى كەدەندىك باقىلاۋ-باسقارۋ ورنىن سالىپ، شەكارا اتتاعان ەلەكتروندى ساۋداعا الەۋمەتتىك قىزمەت وتەۋ جۇيەسىن قۇرعان، كەلەسى قادامدا، شەكارا اتتاعان ەلەكتروندى ساۋدا تارباعاتايدا جەدەل دامۋ كەزەڭىنە وتەدى ەكەن.
”شينجياڭ شاۋەشەك باقتى جۇڭگو-قازاقستان شەكارا حالىقتارى ءوزارا ساۋدا بازارى كورمە رايونىن“شاۋەشەك قالالىق باقتى شەكارا وتكەلىنە قارجى قوسۋ، دامىتۋ شەكتى سەرىكتەستىگى جاۋاپتى بولىپ ۇيىمداستىردى، باقتى شەكارا وتكەلىندەگى 18 سىرتقى ساۋدا سەرىكتەستىگى مەن ساۋدا دۇكەنى كورمەگە قاتىناسىپ، شەكارا حالىقتارى ءوزارا ساۋدا بازارىنىڭ قانت-كامپيت، شوكالات، بال، قوي ءسۇتى، جىنتكتەي مانەرلەنگەن ماي سياقتى 35 ءتۇرلى تاۋارىن كورمەگە قويدى.
”تارباعاتايدىڭ ساۋدا تاراۋلارى ەلىمىزدىڭ ءىشى-سىرتىنداعى ساۋداگەرلەر مەن ساياحاتشىلاردىڭ قارسى الۋىنا بولەندى، جارمەڭكە كەزىندە 16 كاسىپورىنمەن كەلىسىم وتكىزىپ، 1523 ساياحاتشى قابىلدادىق. كورمە رايونىندا ادامدار ءيىن تىرەسىپ، تاۋارلارىمىز بارىنشا ءوتىمدى بولدى. ءبىز باقتى وتكەلىندەگى شەكارا تۇرعىندارى ءوزارا ساۋدا بازارى ارقىلى ساپاسى جاقسى، باعاسى لايىقتى تاۋارلاردى يمپورت ەتتىك. وسى تاۋارلاردىڭ ساتىلۋ ارناسىنىڭ ءتىپتى دە كەڭەيە ءتۇسۋىن ءۇمىت ەتەمىز“دەدى شاۋەشەك قالالىق باقتى وتكەلىنە قارجى قوسۋ، دامىتۋ شەكتى سەرىكتەستىگىنىڭ باس ديرەكتورى حى حىڭفەي.
”تارباعاتايدىڭ شەتەلمەن بولعان 200 جىلدىق ساۋدا تاريحى بار، جىبەك جولى ەكونوميكالىق بەلدەۋىندەگى ماڭىزدى ستراتەگيالىق ءتۇيىن سانالادى. جۇڭدامىن توبى تارباعاتاي ايماعىندا قارجى قوسىپ شەكارا اتتاعان ەلەكتروندى ساۋدا كاسىپ بازاسىن قۇرماقشى. كەزەكتە جۇڭدامىن توبى جاۋاپتى بولىپ قۇرعان تارباعاتاي سىرتقى ساۋداعا جالپىلىق قىزمەت وتەۋ تۇعىرى جەلىگە شىقتى. كەلەسى قادامدا شەكارا اتتاعان ەلەكتروندى ساۋدا تۇعىرىنىڭ فۋنكتسيالارىن جالعاستى كەمەلدەندىرىپ، تارباعاتاي ايماعىمەن ءتىپتى دە تىعىز سەلبەستىك ورناتىپ، تۇعىردىڭ قوعامدىق، ەكونوميكالىق ونىمدىلىگىن ساۋلەلەندىرىپ، ايماقتىڭ شەكارا اتتاعان ەلەكتروندى ساۋدا جاڭا كاسىپ كۇيىنىڭ شاۋەشەكتە جەدەل دامۋىن ىلگەرىلەتەمىز“دەدى جۇڭدامىن توبىنىڭ شينجياڭ كاسىپتەرىنە جاۋاپتى قىزمەتكەرى يۋان فىڭ شينجياڭ شاۋەشەك باقتى جۇڭگو - قازاقستان شەكارا تۇرعىندارى ءوزارا ساۋدا بازارى تاۋارلار كورمەسىن ەكسكۋرسيالاعاندا.
“تارباعاتايدىڭ شەكارا وتكەلىن باسقارۋ تاراۋلارى شەكارا اتتاعان ەلەكتروندى ساۋدانىڭ تارباعاتايداعى دامۋىن ىلگەرىلەتۋگە بار كۇشپەن قولداۋ كورسەتىپ، شينجياڭنىڭ تارباعاتايىن جۇڭگونىڭ ورتا ازيامەن، ءتىپتى ەۆروپامەن بولعان شەكارا اتتاعان ەلەكتروندى ساۋدا ماڭىزدى تورابىنا اينالدىرادى” دەدى جوۋ لەي.
(تارباعاتاي ايماقتىق وتكەل كوميتەتى )
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى