شي جينپيڭ ەريترەيانىڭ زۇڭتۇڭى يساياسپەن كەڭەس وتكىزدى

　5 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن ەريترەيانىڭ زۇڭتۇڭى يساياسپەن كەڭەس وتكىزدى.
 

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 

　　شينحۋا اگەنتتىگىنىڭ 5 - ايدىڭ 15 -كۇنى بەيجيڭنەن بەرگەن حابارى (ءتىلشى جىڭ ميڭدا). 5 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ەريترەيانىڭ زۇڭتۇڭى يساياسپەن كەڭەس وتكىزدى.
 

　　شي جينپيڭ مىنالاردى اتاپ كورسەتتى: جۇڭگو مەن ەريترەيانىڭ ءداستۇرلى دوستىعى تەرەڭ. بيىل 5 - ايدىڭ 24 - كۇنى ەكى ەل ديپلوماتيالىق قارىم - قاتىناس ورناتقاندىعىنىڭ 30 جىلدىعىن ەسكە ءتۇسىرۋ كۇنىن قارسى الادى. 30 جىلدان بەرى جۇڭگو مەن ەريترەيا باستان - اياق ءوزارا سەنىم ارتىپ، ءبىرىن - ءبىرى قولداپ كەلدى. جۇڭگو جاق جۇڭگو − ەريترەيا قارىم - قاتىناسىنا ستراتەگيالىق بيىكتەن جانە ۇزاق بولاشاقتىق تۇرعىدان مامىلە جاسايدى جانە ونى دامىتادى، ەريترەيا جاقتىڭ سەنىمدى دوسى. قازىرگى ورنىقسىزدىققا، ايقىنسىزدىققا تولى حالىقارالىق جاعدايعا مەڭزەس جۇڭگو − ەريترەيا قارىم - قاتىناسىن ويداعىداي دامىتۋ ەكى ەلدىڭ ورتاق جانە ۇزاق بولاشاقتىق مۇددەسىنە ۇيلەسىپ قانا قويماي، وڭىرلىك بەيبىتشىلىكتى جانە حالىقارالىق ادىلدىكتى، تۋراشىلدىقتى قورعاۋ جونىنەن دە ماڭىزدى ءمان الادى. جۇڭگو جاق ەريترەيا جاقپەن بىرگە ەكى ەلدىڭ دوس ءارى جولداس بولۋ سىندى تاتۋ دوستىق قارىم - قاتىناسىن تەرەڭدەتۋدى، جۇڭگو مەن ەريترەيانىڭ ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ بەلەسكە كوتەرىلۋىن ىلگەرىلەتۋدى قالايدى.
 

　　شي جينپيڭ مىنالاردى باسا دارىپتەدى: جۇڭگو جاق ەريترەيا جاقتىڭ ۇزاق ۋاقىتتان بەرى دەربەس، وزىنە - ءوزى قوجايىن بولۋ سىندى ديپلوماتيالىق ساياساتقا تاباندى بولىپ كەلگەندىگىن القايدى، ەريترەيانىڭ ءوز ەلىنىڭ جاعدايىنا ۇيلەسەتىن دامۋ جولىن قاراستىرۋىن تاباندىلىقپەن قولدايدى، ەريترەيا جاقتىڭ ءوز يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن تاباندىلىقپەن قولدايدى، سىرتقى جاقتىڭ ەريترەيانىڭ ىشكى ىسىنە كيلىگۋىنە، زورلىقپەن سىڭار جاقتى جازالاۋىنا قارسى تۇرادى. جۇڭگو جاق ەريترەيا جاقپەن بىرگە ەل باسقارۋ تاجىريبەلەرى اۋىس - كۇيىسىن ورىستەتىپ، ۇزدىكسىز ءوزارا قولداۋ كورسەتىپ، سىڭار جاقتىلىققا جانە وزبىرلىق ارەكەتتەرىنە بىرگە قارسى تۇرىپ، ەكى ەلدىڭ جانە قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى. جۇڭگو جاق ەريترەيا جاقپەن ”ءبىر بەلدەۋ، ءبىر جولدى“ بىرگە قۇرۋ، جۇڭگو − افريكا سەلبەستىك تالقى مىنبەرى، ”افريكا ءمۇيىسى بەيبىت دامۋ ويى“ سياقتى جۇلگەلەر مەن تۇعىرلاردان پايدالانىپ ءوزارا تيىمدىلىك جەتكىزۋ سەلبەستىگىن ىلگەرىلەتىپ، بىرگە دامۋدى جۇزەگە اسىرۋدى قالايدى. جۇڭگو جاق جۇڭگو قارجىلاندىرعان كاسىپورىنداردىڭ ەريترەياعا بارىپ قارجى قوسىپ، شارۋاشىلىقتى گۇلدەندىرۋىنە شابىت بەرەدى جانە قولداۋ كورسەتەدى، ەريترەيا جاقپەن نەگىزدىك قۇرىلعىلار قۇرىلىسى، تەلەگراف، اۋىل شارۋاشىلىعى، كەن كاسىبى، بالىقشىلىق سياقتى سالالارداعى سەلبەستىكتى كۇشەيتۋدى اقىلداسىپ، ەريترەياعا ەمدەۋ اترەتىن، جوعارى دارەجەلى اۋىل شارۋاشىلىق ماماندارىن كومەككە جىبەرۋ سياقتى نىسانداردى ۇزدىكسىز ويداعىداي اتقارۋدى قالايدى. ەريترەيا جاقتىڭ تاياۋداعى جۇڭگو جاقتىڭ سۋدانداعى جۇڭگو ازاماتتارىن شەگىندىرىپ كوشىرۋىنە قولداۋ كورسەتكەندىگىنە جانە كومەكتەسكەندىگىنە العىس ايتادى، بۇل جۇڭگو − ەريترەيا ەكى ەلدىڭ تارجول، تايعاق كەشۋلەردى بىرگە وتكەرەتىن، ءوزارا كومەكتەسىپ، ءبىر - بىرىنە قارايلاساتىن تەرەڭ دوستىق سۇيىسپەنشىلىگىن تاعى دا ايگىلەدى، ەكى جاق ءتىپتى دە كوپ شارا قولدانىپ، گۋمانيتارلىق اۋىس - كۇيىس پەن حالىقتىق سۇيىسپەنشىلىكتى كۇشەيتۋى كەرەك.
 

　　شي جينپيڭ مىنالاردى اتاپ كورسەتتى: مەيلى جاعداي قالاي دامىسىن، ءوزارا قۇرمەت ەتۋ، ءوزارا ءتۇسىنىسۋ، ءوزارا قولداۋ، ءوزارا كومەكتەسۋ باستان - اياق جۇڭگو مەن افريكا دوستىعىنىڭ ءتۇپ قاسيەتى جانە نەگىزگى جەلىسى بولادى، جۇڭگو − افريكا سەلبەستىگى تۇستىك ەلدەر سەلبەستىگى مەن حالىقارانىڭ افريكامەن سەلبەستىگىندە ماڭىزدى جەتەكشىلىك رول اتقارۋدا. افريكا − ۇمىتكە تولى ىرىستى مەكەن. جاڭا جاعدايدا، جۇڭگو مەن افريكا ىنتىماقتى، سەلبەستىكتى كۇشەيتۋگە، ۋاقىتتىق قيىنشىلىقتى بىرگە جەڭۋگە وتكەندەگى ءارقانداي ۋاقىتتاعىدان دا مۇقتاج. جۇڭگو جاق افريكا جاقپەن بىرگە ءداستۇرلى دوستىقتى اسقاقتاتىپ، ستراتەگيالىق ءوزارا سەنىمدىلىكتى بەكەمدەپ، جۇڭگونىڭ جوعارى ساپالى دامۋى جانە جۇڭگو ۇلگىسىندەگى وسىزامانداندىرۋ ارقىلى افريكا جاققا جاڭا وراي ازىرلەپ، جۇڭگو مەن افريكانىڭ ناقتى سەلبەستىگىن تەرەڭدەتۋدى، ناقتىلاندىرۋدى ىلگەرىلەتىپ، اناعۇرلىم كوپ تىڭ جەتىستىككە قول جەتكىزىپ، جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن ورناتۋدى ىلگەرىلەتۋدى قالايدى.
 

　　يساياس جارتى عاسىردان استام ۋاقىتتاعى جۇڭگومەن ەرەكشە سۇيىسپەنشىلىگىن تەرەڭ سەزىممەن ەسكە الىپ، مىنالاردى ءبىلدىردى: ەريترەيا حالقى جۇڭگو حالقىنىڭ ەريترەيانىڭ تاۋەلسىزدىككە جانە ازاتتىققا قول جەتكىزۋى ءۇشىن رۋحاني جانە زاتتىق جاقتان قۇندى قولداۋ كورسەتكەندىگىن ماڭگى ەستەن شىعارمايدى. جۇڭگو − ۇلى مەملەكەت. جاڭا جۇڭگو قۇرىلعاننان بەرى، بىرىنشىدەن كەدەي، ەكىنشىدەن اق بولۋدان سەرپىلە كوتەرىلىپ دۇنيە جۇزىندەگى ءىرى ەلگە اينالىپ، ادامزاتتىڭ بەيبىتشىلىگى مەن دامۋىنا كورنەكتى ۇلەس قوستى. جۇڭگو باستان - اياق ادامگەرشىلىكتىڭ بيىك تۇرعىسىن يەلەپ، دۇنيە ءجۇزى ءدوپ كەلگەن سايىستاردى شەشۋ ءۇشىن جۇڭگو جوباسىن العا قويدى، حالىقارادا ادىلدىكتى، تۋراشىلدىقتى جاقتاپ، تاۋەلسىزدىككە جانە دامۋعا تالپىنعان وركەندەپ كەلە جاتقان ەلدەردى جىگەرلەندىرىپ كەلەدى. جۇڭگونىڭ دامۋىن تەجەۋدى، قىسپاققا الۋدى كوزدەگەن قاسكۇنەمدىك اتاۋلى، ءسوز جوق، جەڭىلىسكە ۇشىرايدى. كەزەكتە حالىقارالىق ءتارتىپتىڭ وزگەرىسى شەشۋشى كەزەڭدە تۇر، افريكا ەلدەرى ءالى دە زورەكەرلىككە جانە تۇرلىشە تەڭسىز، ادىلەتسىز مامىلەگە تاپ بولۋدا، حالىقارالىق قوعام جۇڭگونىڭ ادامزاتتىڭ دامۋىنا، العا باسۋىنا جانە حالىقارالىق ادىلدىككە، تۋراشىلدىققا اناعۇرلىم زور ۇلەس قوسۋىنا بۇرىنعىدان دا ىنتىزار ءارى وعان سەنەدى. ەريترەيا جاق جۇڭگو جاقپەن سەلبەستىكتى كۇشەيتۋدى ءۇمىت ەتەدى، ەريترەيا مەن جۇڭگونىڭ ستراتەگيالىق سەرىكتەستىك قارىم - قاتىناسىنىڭ ەريترەيانىڭ ەكونوميكالىق، قوعامدىق دامۋىن جۇزەگە اسىرۋىنا دەم بەرەتىنىنە سەنەدى.
 

　　كەڭەستەن ىلگەرى، شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا يساياستى قارسى الۋ سالتىن وتكىزدى.
 

　　يساياس كەلگەندە قۇرمەت قاراۋىلى قاتار تۇزەپ قۇرمەت ءبىلدىردى، ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن ەريترەيا ەكى ەلدىڭ مەملەكەت ءانىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. يساياس شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن تاماشالادى.
 

　　سول كۇنى كەشتە شي جينپيڭ حالىق سارايىنىڭ جينسى زالىندا يساياستى قارسى الۋ قوناعاسىن وتكىزدى.
 

　　ۋاڭ ي، چين گاڭ قاتارلىلار جوعارىداعى قيمىلدارعا قاتىناستى.
 

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.