انار گۇلى نارتتاي جايناپ ارلەندى، ىنتىماعى ۇلتتاردىڭ تەرەڭدەدى، نارلەندى

جولدانعان ۋاقىتى : 2023/5/15 12:47:03

□ 5 -ايدىڭ 8-كۇنى شيحۋ قالاسىنىڭ حۋاڭگۇڭ قالاشىعى سەنترلى مەكتەبى پارتيا ياچەيكاسى”ۇلتتار ىنتىماعىنىڭ بەرەكەلى شاڭىراعى. وتاننىڭ اناعۇرلىم كوركەيۋىنە تىلەكتەسپىز“ تاقىرىبىنداعى شاعىن ساباقحانا قيمىلىن وتكىزدى. قيمىل بارىسىندا وقىتۋشى ـ وقۋشىلار حۋاڭگۇڭ قالاشىعى تاسوتكەل قىستاعىنداعى مەملەكەتتىك ەڭبەك ەرى، ساقا پارتيا مۇشەسى تالات كەرىمگە امانداسا بارىپ، ادەبيەت -كوركەمونەر نومىرلەرىن ورىنداپ، ول كىسىنىڭ اۋىل -قىستاقتى گۇلدەندىرۋگە قوسقان ۇلەسىنە العىس ايتتى.

 

□ 5 -ايدىڭ 9 -كۇنى ساۋان قالاسى سانداۋحىزى قالاشىعىنىڭ گۋاڭميڭ جولى الەۋمەتتىك اۋماعى”تاتۋ -ءتاتتى كورشىلەر قوناعاسى“ تاقىرىبىندا سەزىم توعىستىرۋ قيمىلىن ورىستەتىپ، الەۋمەتتىك اۋماق كادرلارى مەن تۇرعىندار  قۋانىشپەن ءبىر اراعا باس قوسىپ، ءدامدى تاعامداردان ءدام تاتۋمەن بىرگە، ىنتىماقتى تىلگە تيەك ەتتى.
 

 

□ 5 -ايدىڭ 8 -كۇنى شاۋەشەك قالاسى بەيبىت ءمالى باسقارماسىنىڭ ساۋدا الەۋمەتتىك اۋماعى قاراستى اۋماقتاعى  تۇرعىنداردى ۇيىمداستىرىپ،”’انار گۇلى نارتتاي جايناپ ارلەندى، ىنتىماعى ۇلتتاردىڭ تەرەڭدەدى، نارلەندى‘ تاقىرىبىنداعى ۇلتتار ىنتىماعىنىڭ بەرەكەلى شاڭىراعى“ قىزىقتى سپورت قيمىلىن وتكىزدى. قيمىل تۇرعىنداردىڭ دەنە قۋاتىن كۇشەيتۋ تانىمىن ارتتىرۋمەن بىرگە، كورشىلەر ارا تاتۋلىقتى جەبەدى.

 

□ 5 ـ ايدىڭ 7 ـ كۇنى شاۋەشەك قالالىق وقۋ ـ اعارتۋ جانە عىلىم ـ تەحنيكا مەكەمەسىنىڭ دۋبەك ءمالى باسقارماسى باۋ -باقشا الەۋمەتتىك اۋماعىندا تۇراتىن قىزمەت اترەتىنىڭ مۇشەلەرى قاراستى اۋماقتاعى 80 جاستاعى تۇرعىن پاۋزياعا امانداسا بارىپ، قاريانىڭ كۇندەلىكتى قاجەتىن ۇعىسىپ، شاشىن تاراپ بەرىپ، ءوزارا سىر شەرتىستى.


5 -اي انار گۇلى قاۋاشاق جاياتىن مەزگىل، وسىنداي كوركەم ماۋسىمدا ايماعىمىزداعى ءار ۇلت كادرلارى مەن بۇقارا ءتۇرلى فورمامەن ”ۇلتتار ىنتىماعىنىڭ بەرەكەلى شاڭىراعى“ قيمىلىن    ورىستەتتى.

 ءدامدى تاعامداردان اۋىز ءتيىپ، اتا مەكەننىڭ كوركەمدىگىن بىرگە تىلگە تيەك ەتتى؛ قىزىقتى سپورت جارىستارىنا قاتىناسىپ، سپورت سيلاعان شات مەرەيدەن بىرگە ءلاززاتتاندى؛ قارتتارعا امانداسا بارىپ، تۇرمىستارىنا كوڭىل ءبولىپ مەيىر جەتكىزدى…كوپشىلىك بارىس-كەلىس جاساپ، ارالاسۋ، ىشتەسۋ، توعىسۋ بارىسىندا تۇسىنىكتى ارتتىرىپ، سۇيىسپەنشىلىكتى تەرەڭدەتىپ، ءىس جۇزىندىك ارەكەتتەرى ارقىلى ۇلتتار ىنتىماعى گۇلىن قۇلپىرتا ءتۇستى. 


سۋرەتىن تارتىپ، حابارلاعان تىلشىلەرىمىز ليۋ ۋي، سۇڭ جيانلياڭ، جاڭ گوحۇي،

 ەرىكتى تىلشىلەر ارزىگۇل قايرات، جىڭ شيانليڭ، دۋ چۋانباۋ



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى