ءتىلشىمىز ۋاڭ تيڭ حابارلايدى. 5 -ايدىڭ 4 -كۇنى تۇستەن كەيىن لياۋنيڭنىڭ شىنياڭ قالاسى، شيزاڭنىڭ ناچۇي قالاسى اندو اۋدانى جانە تارباعاتاي ايماعى جەلىدە ءبىر ۋاقىتتا ”جاستىق ورالىمىزدى جاستىق كوكتەمدەي جايناعان مەملەكەت قۇرۋ جولىنا ارنايمىز“ تاقىرىبىنداعى ”4-مامىر“ جاستار مەرەكەسى قاھارمان ۇلگىلەردىڭ ىزگى ىستەرىنەن بايانداما جاساۋ قيمىلىن ورىستەتتى.
ۇعىسۋعا قاراعاندا، وسى رەتكى قيمىلدى شىنياڭ قالاسى حۋاڭگۋ رايوندىق وقۋ-اعارتۋ مەكەمەسى، كوممۋنيستىك جاستار وداعى حۋاڭگۋ رايوندىق كوميتەتى، ناچۇي قالاسى اندو اۋداندىق وقۋ-اعارتۋ، دەنە تاربيە مەكەمەسى، تارباعاتاي ايماقتىق وقۋ-اعارتۋ مەكەمەسى ۇيىمداستىرىپ، شىنياڭ قالالىق 11-ورتا مەكتەپ، ناچۇي قالاسى اندو اۋداندىق ورتا مەكتەپ، تارباعاتاي ايماقتىق جوعارى دارەجەلى 1 -ورتا مەكتەپ جاۋاپتى بولىپ وتكىزگەن.
سول كۇنى اندو اۋدانىنىڭ ۇگىت لەكسياشىسى نيماسىرىن ”تىرشىلىكسىز ءوڭىر“ تاڭگۋلا تاۋىنىڭ باسىنا تامىر تارتىپ، قىزمەت ورنىنان تاپجىلماي كەلگەن ەلىمىزدەگى تەڭىز دەڭگەيىنەن ەڭ بيىك جەردە تۇراتىن قاتىناس ساقشى ۇلكەن اترەتىنىڭ حيكاياسىن بايانداسا؛ تارباعاتاي ايماعىنىڭ ۇگىت لەكسياشىسى جاڭ شو ” 1-شىلدە وردەنىنىڭ“ يەگەرى ۋي دى -يوۋدىڭ كەلىستى جاس جىگىتتەن قارتايعانعا دەيىن بۇكىل جاستىق كوكتەمىن ارناپ، ”شەكاراداعى ءتىرى ەسكەرتكىش“ اتالعان اسەرلى ىستەرىن باياندادى... قاھارمان ۇلگىلەردىڭ ىزگى ىستەرى وقۋشىلارعا ۇلگىلەردىڭ كۇش -قۋاتىن سەزىندىردى.
“بۇگىن ۇگىت لەكسيانى ەستىپ، ۋي دى-يوۋ اتايعا دەگەن قۇرمەتىم ارتا ءتۇستى، ول وتان ءۇشىن شەكارا شارلاپ، جاستىق شاعىنان قارتايعانعا دەيىن، باستان-اياق اۋەلگى ماقساتتان جازباي، وتانعا ۇلەس قوسىپ كەلدى. باتىس بولىك جوسپارى ەرىكتىسى رەتىندە ۋي دى-يوۋ اتايدى ۇلگى تۇتىپ، ءداۋىردىڭ ءۇمىتىن اقتاپ، ەسىل شاقتى زايا جىبەرمەي، كۇرەسكە تولى جاستىق كوكتەمىمدى وتانىمىزدىڭ بايتاق دالاسىنا ارنايمىن” دەدى تارباعاتاي ايماقتىق سوتسياليزم شۋەيۋانىندا قىزمەت وتەپ جاتقان داشۋە وقۋشىلارى باتىس بولىك جوسپارىنىڭ ەرىكتىسى جاڭ شو.
وسى رەتكى قيمىل قاھارمان ۇلگىلەردىڭ ىزگى ىستەرىنەن ۇيرەنىپ، 3 جەردەگى جاستار مەن وقۋشىلاردىڭ ارالاسۋىن، ىشتەسۋىن، توعىسۋىن جەبەپ، ۇلى” 4-مامىر“ رۋحىن اناعۇرلىم ويداعىداي جالعاستىرىپ جانە ساۋلەلەندىرىپ، جاستار مەن وقۋشىلاردىڭ پارتيانىڭ باسشىلىعىنا تاباندى بولاتىن، قىزىل گەندى جالعاستىراتىن، وتانعا ادال بولاتىن، ىنتىماقتاسا العا ىلگەرىلەيتىن تاريحي جاۋاپكەرشىلىك سەزىمى مەن داۋىرلىك بورىش سەزىمىن جەتىلدىرىپ، جۇڭحۋا ۇلتى ورتاق تۇلعا تانىمىن اناعۇرلىم بەرىك ورناتۋ ماقساتىندا وتكىزىلدى.
تارباعاتاي ايماقتىق جوعارى دارەجەلى 1- ورتا مەكتەبى تولىق ورتا 2 -جىلدىق 12-كلاسىنىڭ وقۋشىسى جاۋ شۋان -ي: ”جاستاردىڭ ءبىرى رەتىندە، وسى رەتكى قيمىلدان زور شابىت الدىم، جاستارعا ءتان كۇش -قۋاتىمدى قۇلشىنا ساۋلەلەندىرىپ، قاھارمان ۇلگىلەردىڭ ىزگى ىستەرىنەن ۇيرەنىپ، ۇلى ’ 4-مامىر‘رۋحىنا مۇراگەرلىك ەتەمىز جانە ساۋلەلەندىرەمىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى