تىلشىلەرىمىز لي شيا، ۋاڭ چۇنلين، فۋ جياندۇڭ، ەرتاي حابارلايدى. 4 -ايدىڭ 27 - كۇنى لياۋنيڭ ولكەسىنىڭ 10 - توپتا شينجياڭعا كومەكتەسۋ قىزمەتىن قورىتىندىلاۋ، ماداقتاۋ - سيلاۋ جانە لياۋنيڭ ولكەسىنەن 11 - توپتا شينجياڭعا كومەككە كەلگەن كادر - دارىندىلار تىرەكتىلەرىن قارسى الۋ جينالىسى اشىلىپ، لياۋنيڭ ولكەسىنىڭ شينجياڭعا كومەكتەسۋ قىزمەتىن قورىتىندىلاپ، شينجياڭعا كومەككە كەلگەن ۇزدىك كادر -دارىندىلاردى ماداقتاپ -سيلاپ، اتتاندىرىپ، 11 - توپتا شينجياڭعا كومەككە كەلگەن كادر-دارىندىلار تىرەكتىلەرىنىڭ تارباعاتايعا كەلىپ قىزمەت ىستەۋىن قارسى الدى. ايماقتىق پارتكومنىڭ شۋجيى ۋي جيانگو ماجىلىسكە قاتىناستى ءارى ءسوز سويلەدى.
جينالىستا لياۋنيڭ ولكەسىنەن 10 - توپتا شينجياڭعا كومەككە كەلگەن ۇزدىك كادر -دارىندىلاردى ماداقتاۋ -سيلاۋ قاۋلىسى وقىلدى، ايماق باسشىلارى شينجياڭعا كومەككە كەلگەن ۇزدىك كادر -دارىندىلاردىڭ ۋاكىلدەرىنە سيلىق تاراتتى. لو جىنحاي، جاۋ جىن، چىن شينبيڭ، ۋاڭ رۇي جەكە -جەكە 10 - توپتا، 11 - توپتا شينجياڭعا كومەككە كەلگەن كادرلار -دارىندىلار اتىنان پىكىر اۋىستىرىپ ءسوز سويلەدى.
ۋي جيانگو تارباعاتاي ايماعىنداعى ءتورت باسشىلىق القا جانە ايماقتاعى ءار ۇلت كادر -بۇقاراسى اتىنان ۇزاقتان بەرى تارباعاتايدىڭ رەفورما، دامۋ، ورنىقتىلىق ىستەرىنە وسكەلەڭ ءمان بەرىپ، بار كۇشپەن قولداۋ كورسەتكەن لياۋنيڭ ولكەلىك پارتكومعا، ولكەلىك ۇكىمەتكە جانە كادر -دارىندى جىبەرگەن ورىندارعا شىنايى العىس ايتتى. ءۇش جىلدان بەرى قالتقىسىز ۇلەس قوسىپ، قۇلشىنا قىزمەت ىستەگەن لياۋنيڭ ولكەسىنەن 10 - توپتا شينجياڭعا كومەككە كەلگەن بارلىق كادر -دارىندىلارعا وسكەلەڭ قۇرمەت ءبىلدىردى، ماداقتالىپ - سيلانعان شينجياڭعا كومەككە كەلگەن ۇزدىك كادر -دارىندىلاردى قىزۋ قۇتتىقتادى، لياۋنيڭ ولكەسىنەن 11 -توپتا شينجياڭعا كومەككە كەلگەن كادر - دارىندىلار تىرەكتىلەرىن قىزۋ قارسى الاتىندىعىن ءبىلدىردى. ول مىنالاردى اتاپ كورسەتتى: شينجياڭعا باعىتتامالى كومەكتەسۋ -مەملەكەتتىڭ ستراتەگياسى، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ماڭىزدى مازمۇنى. لياۋنيڭ ولكەلىك پارتكوم، ولكەلىك ۇكىمەت تارباعاتايعا باعىتتامالى كومەكتەسۋدى باستان - اياق بۇلتارماس ساياسي مىندەت جانە شەكارا وڭىرگە باقىت جاراتاتىن داڭقتى بورىش ساناپ، تارباعاتايدىڭ ىستەرىن، تارباعاتايدىڭ دامۋىن ءوز ىسىنە بالاپ، بۇكىل ولكەنىڭ كۇشىن جۇمىلدىرىپ، بۇكىل ولكەنىڭ اقىل -پاراساتىن توپتاپ، سايلاۋىت قوسىنىن جىبەرۋمەن قوسا، قارجىلاي كومەك بەرىپ، تارباعاتاي ايماعى ەكونوميكاسىنىڭ، قوعامىنىڭ جوعارى ساپالى دامۋىنا دەم بەردى. 3 جىلدان بەرى، لياۋنيڭ ولكەسىنەن 10 - توپتا شينجياڭعا كومەككە كەلگەن كادر - دارىندىلار بار كۇشىن سالىپ، بورىشتارىن ادا ەتىپ، شينجياڭعا كومەكتەسۋ قىزمەتىمەن اۋەلگى ماقساتتارىن شىڭداپ، ءىس تىندىرىپ، ناتيجە جاراتۋ ەرىك - جىگەرلەرىن تاسقىنداتىپ، تارباعاتاي ايماعىنداعى ءار ۇلت كادر -بۇقاراسىمەن بەينەتتە دە، زەينەتتە دە بىرگە بولىپ، قول ۇستاسا العا باسىپ، نىسانداردى تارباعاتايدىڭ جەر -جەرىندە ىرگە تەپتىرىپ، قارجىنى سان مىڭداعان وتباسىنىڭ قاجەتىنە جۇمساپ، كاسىپ سالاسى جاعىنان شينجياڭعا كومەكتەسۋدىڭ، عىلىم - تەحنيكا جاعىنان شينجياڭعا كومەكتەسۋدىڭ، دارىندىلار جاعىنان شينجياڭعا كومەكتەسۋدىڭ، اقىل - پاراسات جاعىنان شينجياڭعا كومەكتەسۋدىڭ، وقۋ -اعارتۋ جاعىنان شينجياڭعا كومەكتەسۋدىڭ، ەمدەۋ جاعىنان شينجياڭعا كومەكتەسۋدىڭ ونىمدىلىگىن ۇزدىكسىز زورايتىپ، تارباعاتاي ايماعىنىڭ رەفورما، دامۋ، ورنىقتىلىق ىستەرىندە ايقىن ”لياۋنيڭ ىزدەرىن“ قالدىرىپ، تارباعاتايداعى ءار ۇلت بۇقاراسىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىن، وتان ۇلى شاڭىراعىنىڭ شەكسىز مەيىرىن، لياۋنيڭ ولكەسىنىڭ تەرەڭ سۇيىسپەنشىلىگىن سەزىندىردى.
ءماجىلىس مىنالاردى اتاپ كورسەتتى: لياۋنيڭ ولكەسىنەن 11 -توپتا تارباعاتايعا كومەكتەسەتىن كادر - دارىندىلار تىرەكتىلەرى تارباعاتايعا جەتتى. كوپشىلىكتىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى تاپسىرماسىن ەستە بەرىك ساقتاپ، لياۋنيڭ ولكەلىك پارتكوم مەن ولكەلىك ۇكىمەت جۇكتەگەن مىندەت -بورىشتارىن ەستە بەرىك ساقتاپ، ايماقتىڭ دامۋىن ىلگەرىلەتۋگە كۇش قوسۋلارىن ءۇمىت ەتەمىز. جاۋاپكەرشىلىك ارقالاۋعا باتىل بولىپ، قوجايىندىق سالاۋاتپەن تارباعاتايدىڭ ءتۇرلى قىزمەتتەرىنە ات سالىسىپ، لياۋنيڭ مەن تارباعاتاي اراسىندا ”تىلەكتەستىك كوپىرىن“ ويداعىداي سالۋ؛ حالىقتى ارقاۋ ەتىپ، باستى ماقساتقا بويسۇنىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن سەزىندىرۋ؛ شىندىققا جۇگىنىپ، ناقتى ءىس ىستەپ، ۇلەس قوسۋدى دارىپتەپ، جاڭا داۋىردەگى شينجياڭعا كومەكتەسۋ رۋحىن اسقاقتاتىپ، ءوز قىزمەت ورىندارىندا تاماشا ناتيجە جاراتۋعا قۇلشىنۋ؛ ارالاسۋدى، توعىسۋدى، ىنتىماقتى دارىپتەپ، شينجياڭعا باعىتتامالى كومەكتەسۋدەگى كوپىرلىك، دانەكەرلىك رولدى تولىق ساۋلەلەندىرىپ، تارباعاتاي ايماعىنىڭ ۇلتتار ىنتىماعىنىڭ ”التىن ءارىپتى ماڭدايشالىعىن“ بىرگە جارقىراتۋ؛ پاك، كىرشىكسىز بولۋدان ۇلگى كورسەتىپ، جوعارى ولشەم بەلگىلەۋگە، قاتاڭ تالاپ قويۋعا تاباندى بولىپ،ءتۇرلىءتارتىپ - بەلگىلەمەلەرگە قاتاڭ بويسۇنىپ، شينجياڭعا كومەككە كەلگەن كادر - دارىندىلاردىڭ تاماشا وبرازىن تولىق ايگىلەۋ كەرەك.
ءماجىلىس مىنالاردى تالاپ ەتتى: اۋدان -قالالار، كومەككە يە بولاتىن ورىندار شينجياڭعا كومەكتەسۋ قىزمەتىن باستان -اياق جالپى قىزمەتتىڭ ماڭىزدى قۇرامداس بولىگى ساناپ، شينجياڭعا كومەككە كەلگەن كادرلارعا يدەيالىق جاقتان وسكەلەڭ ءمان بەرىپ، قىزمەت جاعىنان بار كۇشپەن قولداۋ كورسەتىپ، تۇرمىستىق جاقتان كوڭىل ءبولىپ، قامقورلىق جاساپ، حاۋىپسىزدىك جاعىنان قامتاماسىز ەتۋدى كۇشەيتىپ، ولاردىڭ تۇرعىن ءۇي، قىزمەت، قاتىناس، ەمدەلۋ سياقتى جاقتارداعى ءىس جۇزىندىك قيىنشىلىقتارى مەن ماسەلەلەرىن دەر كەزىندە كومەكتەسىپ شەشىپ، ولاردىڭ الاڭسىز قىزمەت ىستەۋىنە مۇمكىندىك جاساپ، ولاردى وتباسىنداعىلاردىكىندەي قامقورلىق پەن مەيىردى شىنايى سەزىندىرۋ كەرەك.
ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ايدىن تولەۋقان جينالىستى باسقاردى. جينالىس بەينە ەكران فورماسىندا اشىلدى. جاۋ شيفىڭ، لي يۇڭ، چى گوجۇن قاتارلى ايماق باسشىلارى، اۆتونوميالى رايون جانە ايماق جاعىنان ماداقتالىپ -سيلانعان لياۋنيڭ ولكەسىنەن 10 - توپتا شينجياڭعا كومەككە كەلگەن ۇزدىك كادر - دارىندىلار، 11 - توپتا شينجياڭعا كومەككە كەلگەن كادر -دارىندىلار تىرەكتىلەرى، كومەككە يە بولاتىن ايماققا توتە قاراستى ورىنداردىڭ نەگىزگى جاۋاپتى جولداستارى نەگىزگى ءماجىلىس زالىندا جينالىسقا قاتىناستى. اۋدان - قالالاردا بولىمشە جينالىس مايدانى ورنالاستىرىلدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى