ايماقتىق مۇگەدەكتەر بىرلەستىگى قيىنشىلىعى بار سالماقتى مۇگەدەكتەردىڭ ءۇيىن مۇگەدەكتەرگە ىڭعايلى ەتىپ جاڭالاۋ نىسانى مەن مۇگەدەكتىگى بار بالالارعا كومەكتەسۋ نىسانىن تياناقتاندىردى
ءتىلشىمىز ۋاڭ تيڭ حابارلايدى. ”ناقتى ورىندا تەكسەرۋ جۇرگىزۋ ارقىلى مۇگەدەكتەردىڭ مۇگەدەككە ىڭعايلى قۇرىلعىلارعا بولعان ءىس جۇزىندىك قاجەتىن ەگجەي - تەگجەيلى ۇعىسىپ، مۇگەدەك وتباسىنىڭ ارمان -تىلەگىنە تولىق قۇرمەت ەتۋ نەگىزىندە ’ءبىر وتباسىنا ءبىر شارا قولدانۋ‘ تالابى بويىنشا، مۇگەدەكتەردىڭ قاجەتىنە قاراي مۇگەدەكتەرگە ىڭعايلى قۇرىلعىلاردى ورناتىپ، مۇگەدەكتەردىڭ ءۇيىن مۇگەدەكتەرگە ىڭعايلى ەتىپ جاڭالاۋ ساياساتىن شىن مانىندە ناقتى تياناقتاندىردىق“ دەدى جۋىقتا ساۋان قالالىق مۇگەدەكتەر بىرلەستىگىنىڭ القا باستىعى ۋي جيڭ.
جۋىقتان بەرى ساۋان قالالىق مۇگەدەكتەر بىرلەستىگى مۇگەدەكتەردىڭ ءۇيىن مۇگەدەكتەرگە ىڭعايلى ەتىپ جاڭالاۋ نىسانىن ارقاۋ ەتىپ،اۋىل -قالاشىقتارداعى قيىنشىلىعى بار سالماقتى مۇگەدەكتەردىڭ وتباسىلارىن ارالاپ جاعداي ۇعىسىپ، سالماقتى مۇگەدەكتەردىڭ جاتىپ - تۇرۋ، دارەتكە وتىرۋ، مونشاعا ءتۇسۋ، قيمىلداۋ،دەربەس تاماق ىستەۋ سياقتى نەگىزدىك تۇرمىسى جاعىندا ساقتالعان قيىنشىلىقتارىن ءتۇيىندى تۇردە شەشتى. جاڭالاۋ نىسانى نەگىزىنەن دالادان ءۇي ىشىنە توتە تۇتاساتىن تەگىس جول سالۋ، جاتىن بولمە، اس ءۇي جانە تازالىق بولمەسى سياقتى مۇگەدەكتەردىڭ تۇرمىسىنا تىعىز قاتىستى ورىنداردى مۇگەدەكتەرگە ىڭعايلى ەتىپ جاڭالاۋ مازمۇنىن قامتيدى.
وتباسىلارىنا بارىپ تەكسەرۋ، تىزىمگە الۋ قىزمەتى ــ قيىنشىلىعى بار سالماقتى مۇگەدەكتەردىڭ ءۇيىن مۇگەدەكتەرگە ىڭعايلى ەتىپ، جاڭالاۋ نىسانىن ويداعىداي اتقارۋدىڭ العى شارتى جانە نەگىزى. شاۋەشەك قالالىق مۇگەدەكتەر بىرلەستىگى وسكەلەڭ ءمان بەرىپ، نەگىزگى ساتى مۇگەدەكتەر بىرلەستىگى ارناۋلى كادرىنىڭ جەرگىلىكتى مۇگەدەكتەردىڭ وتباسىلىق جاعدايىنا قانىق بولۋداي باسىمدىلىعىن تولىق ساۋلەلەندىرىپ، مۇگەدەكتەردىڭ تۇرىنە، دارەجەسىنە جانە مۇگەدەك وتباسىنىڭ ءىس جۇزىندىك ارمان - تىلەگىنە ۇشتاستىرا وتىرىپ، ”ءبىر وتباسىنا ءبىر شارا قولدانۋ“ نەگىزىندەگى جاڭالاۋ ارحيۆىن تۇرعىزدى.
”قىزمەت تالابىن قاتاڭ تياناقتاندىرىپ، وسكەلەڭ جاۋاپكەرشىلىكپەن شاۋەشەك قالاسىنداعى قيىنشىلىعى بار سالماقتى مۇگەدەكتەردىڭ ءۇيىن مۇگەدەكتەرگە ىڭعايلى ەتىپ جاڭالاۋ نىسانىنىڭ ناقتى، ەگجەي - تەگجەيلى تياناقتانۋىن ىلگەرىلەتىپ، نەگىزگى ساتىداعى مۇگەدەك بۇقاراعا پارتيا مەن ۇكىمەتتىڭ قامقورلىعىن شىن مانىندە سەزىندىرەمىز“ دەدى شاۋەشەك قالالىق مۇگەدەكتەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار القا باستىعى ونەرقان.
بيىل جىل باسىنان بەرى قيىنشىلىعى بار بۇقارانى قۇتقارۋ -كومەكتەسۋ قىزمەتىنە قاراتا ايماقتىق مۇگەدەكتەر بىرلەستىگى قيىنشىلىعى بار سالماقتى مۇگەدەكتەردىڭ ءۇيىن مۇگەدەكتەرگە ىڭعايلى ەتىپ جاڭالاۋ نىسانىن، مۇگەدەك بالالارعا كومەكتەسۋ نىسانىن حالىق تۇرمىسىنا قاتىستى ناقتى ىستەردىڭ كولەمىنە ەنگىزىپ، مۇگەدەكتەردىڭ ەڭ كوڭىل ءبولىپ وتىرعان، ەڭ توتە، ەڭ ناقتى ماسەلەلەرىن ويداعىداي شەشتى.
ۇعىسۋعا قاراعاندا، ايماعىمىز قيىنشىلىعى بار سالماقتى 700 مۇگەدەكتىڭ ءۇيىن مۇگەدەكتەرگە ىڭعايلى ەتىپ جاڭالاۋ نىسانىن اتقارۋدى جوبالاۋدا ەكەن. قازىرگە دەيىن، وسى 700 وتباسىنا بارىپ تىزىمگە الىپ،”ءبىر وتباسىنا ءبىر شارا قولدانۋ“ ارحيۆىن تۇرعىزسا، مۇنىڭ ىشىندە ساۋان قالاسى 100 وتباسىنىڭ جاڭالاۋ، تەكسەرىپ وتكىزىپ الۋ قىزمەتىن ەڭ الدىمەن اياقتاعان ەكەن. سونىمەن بىرگە، 52 ساۋىعۋدى قاجەت ەتكەن مۇگەدەك بالاعا ساۋىقتىرۋ جاعىنان كومەك كورسەتىپ، 40 بالانى بەلگىلەنگەن ساۋىقتىرۋ ورنىنا تاڭداپ جىبەرىپتى.
” وسىدان سوڭ ايماقتىق مۇگەدەكتەر بىرلەستىگى اۆتونوميالى رايوننىڭ، ايماقتىڭ حالىق تۇرمىسىنا قاتىستى 10 ناقتى ىستەگى مۇگەدەكتەر بىرلەستىگىنە ساياتىن قىزمەتتەردىڭ تياناقتانۋىن ۇزدىكسىز ويداعىداي يگەرىپ، اۋدان- قالالاردى قيىنشىلىعى بار سالماقتى مۇگەدەكتەردىڭ ءۇيىن مۇگەدەكتەرگە ىڭعايلى ەتىپ جاڭالاۋ نىسانىنا مەردىگەر شاقىرۋ قىزمەتىن 4 - ايدىڭ اقىرىندا اياقتاۋعا قۋزاپ، جەتەكشىلىك ەتەمىز ءارى شارتقا ۇيلەسەتىن مۇگەدەك بالالاردى دەر كەزىندە بەلگىلەنگەن ساۋىقتىرۋ ورىندارىنا اپارىپ، ساۋىقتىرۋ جاتتىعۋىن جاساتامىز“دەدى ايماقتىق مۇگەدەكتەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، القا باستىعى گاۋ يۇڭجيان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى