شاۋەشەك قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى مەن بيڭتۋان 9 ـ شىسى ارناۋلى جۇمىسقا قابىلداۋ جينالىسىن وتكىزدى
ءتىلشىمىز قۇرمەت حابارلايدى. 4 ـ ايدىڭ 20 ـ كۇنى شاۋەشەك قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى بيڭتۋان 9 ـ شىسىمەن بىرلەسىپ، شاۋەشەك قالاسى ارگۇڭ قالاشىعى بالي قىستاعىنىڭ الاڭىندا ”ارميا، بيڭتۋان جانە جەرگىلىكتى ورىن توعىسا دامۋدى جەبەۋ، كوكتەم سامالى ارەكەتى ارقىلى جۇمىس ورنىمەن قامداپ جۇرت جۇرەگىنە مەيىر جەتكىزۋ، جۇمىستانۋدى ورنىقتىرۋ ارقىلى گۇلدەندىرۋگە دەم بەرۋ“ تاقىرىبىنداعى ارناۋلى جۇمىسقا قابىلداۋ جينالىسىن وتكىزدى. جۇمىسقا قابىلداۋ جينالىسىندا ادامدار ءيىن تىرەسىپ، جۇمىس ىزدەۋشىلەر مەن جۇمىسقا قابىلداۋشىلار ءوزارا پىكىر الماستىرىپ، جۇمىسقا قابىلداۋ مايدانى قىزۋ دۋمانعا بولەندى.
وسى رەتكى جۇمىسقا قابىلداۋ جينالىسىندا شاۋەشەك قالاسى، شاۋەشەك قالالىق شەكارا ەكونوميكالىق سەلبەستىك رايونى جانە بيڭتۋان باقتى ەكونوميكالىق اشۋ رايونىنداعى 71 كاسىپورىن 1261 جۇمىس ورنىن ازىرلەپ، قىزمەت تۇرلەرى ءوندىرىس ماشينالارى، ەلەكتروندىق ساۋدا، قازىنا -بۇعالتىرلىق، بازار تيجاراتى، اس -سۋ، قوناق ءۇي، قۇرىلىس - قۇراستىرۋ، كادرلاردى باسقارۋ سياقتى سالالاردى قامتىدى.
شاۋەشەك جيڭي قۇرىلىس شەكتى سەرىكتەستىگى جالپىلىق باسقارۋ ءبولىمىنىڭ مەڭگەرۋشىسى گاۋ شياۋميڭ: ”سەرىكتەستىكتىڭ دارىندىلار قورىن مولايتۋ ءۇشىن، قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىمەن الدىن الا بايلانىس جاساپ، سەلبەسىپ جۇمىستانۋعا قىزمەت وتەۋدى كۇشەيتتىك. وسى رەتكى جۇمىسقا قابىلداۋ جينالىسىنا مەڭزەس سەرىكتەستىك سىناق جۇرگىزەتىن ينجەنەر، ەلەكتر قۋاتى قۇرىلىس نىسانىنا جاۋاپتى ادام سياقتى كوپتەگەن قىزمەت ورنىن ازىرلەدى. قازىر 30 دان استام ادامنىڭ قىسقاشا ءومىر بايانىن تاپسىرىپ الدىق، ولاردان تاڭداۋلى دارىندىلاردى سارالاپ، كاسىپورىن مەن جۇمىسقا قابىلدانۋشىلار اراسىنداعى جۇمىسشى ىستەتۋ سەلبەستىك نيەتىن ورناتامىز“ دەدى.
“كاسىپورىننىڭ جۇمىسقا قابىلداۋشىلارى ەگجەي - تەگجەيلى تانىستىرىپ، جۇمىس ىزدەۋشىلەرگە توتەنشە جاقسى جۇمىس ىزدەۋ تۇعىرىن ازىرلەپ بەردى. الداعى جەردە سەرىكتىكپەن بايلانىس ورناتىپ، تەز ارادا جۇمىسقا قابىلدانۋدى ءۇمىت ەتەمىن” دەدى جۇمىس ىزدەۋشى سۇن مىڭمىڭ.
بيىل جىل باسىنان بەرى شاۋەشەك قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىستاندىرۋ قىزمەتىن ويداعىداي ىستەۋ ءۇشىن، بيڭتۋان 9 -شىسىمەن بەلسەنە بايلانىس جاساپ، ناق مايداندا جۇمىسقا قابىلداۋ، توراپتا جۇمىسقا قابىلداۋ سياقتى جەلىدە جانە جەلىدەن تىس بىرگە ارەكەتتەنىپ، ورتاق كۇش سالىپ، شاۋەشەك قالاسىنداعى ەڭبەكشىلەردىڭ جوعارى ساپالى جۇمىستانۋىن جەبەپ، ەكونوميكانىڭ جوعارى ساپالى دامۋىنا ماڭىزدى دارىندىلار تىرەگىن ازىرلەدى.
شاۋەشەك قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى چى گۇيلي: “الداعى جەردە جۇمىستانۋعا الەۋمەتتىك قىزمەت وتەۋ جاعىنداعى تەبىندى ارتتىرىپ، جوعارى مەكتەپ تاۋىسقان وقۋشىلار مەن جۇمىستانۋى قيىن قاۋىمعا اناعۇرلىم جاقسى قىزمەت وتەۋ تۇعىرىن ازىرلەپ، ولاردىڭ لايىقتى قىزمەت تاۋىپ، ەرتەرەك جۇمىستانۋىن جۇزەگە اسىرۋىنا مۇمكىندىك جاسايمىز” دەدى.
شاۋەشەك قالالىق حانچىڭ ساۋدا شەكتى جاۋاپكەرشىلىك سەرىكتەستىگىنىڭ جاۋاپتىسى يان چاۋ: “وسى رەتكى جۇمىسقا قابىلداۋ جينالىسىندا لايىقتى قىزمەتكەر قابىلداۋمەن بىرگە، كاسىپورىننىڭ تۇرلىشە توپتاعىلاردى جۇمىسقا قابىلداۋ جاعىنداعى سالىق تيىمدىلىگى ساياساتى جونىندە دە اناعۇرلىم ايقىن تۇسىنىككە يە بولدىق” دەدى.
ۇعىسۋعا قاراعاندا، جۇمىسقا قابىلداۋ جينالىسىنا قوسىننان شەگىنگەن اسكەرلەر، اۋىل ـ قىستاقتاعى ارتىق ەڭبەككۇشتەر جانە جوعارى مەكتەپ بىتىرگەن وقۋشىلاردى قامتىعان 1200 ادام قاتىناسىپ، 215 ادام جۇمىستانۋ نيەتىنە كەلگەن ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى