ءتىلشىمىز ۋاڭ تيڭ حابارلايدى. 4 - ايدىڭ 20 - كۇنى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، ” 1-مامىر“مەرەكەسى كەزىندە، شينجياڭ تەمىر جول تاراۋى قازىرگى بار جولاۋشى تاسىمال پويەزى نەگىزىندە قاتىنايتىن پويەز سانىن 310 عا ارتتىرادى، مۇنىڭ ىشىندە شاۋەشەك -ءۇرىمجى ارالىعىنا ءبىر جۇپ جولاۋشى تاسىمال كەزەكشى پويەزىن قوسىپ، جيىنى 16 كەزەككە جەتەدى ەكەن.
ۇعىسۋعا قاراعاندا، 4 - ايدىڭ 27 - كۇنىنەن 5 - ايدىڭ 4 - كۇنىنە دەيىن، ۇرىمجىدەن شاۋەشەككە K6703 كەزەكشى پويەزى قوسىلىپ، ءۇرىمجى پويەز ۆوكزالىنان ساعات 11 دەن 18 مينۋت وتكەندە جولعا شىعىپ، ساعات 20 دان 5 مينۋت وتكەندە شاۋەشەك ۆوكزالىنا جەتىپ، جولدا 8 ساعات 47 مينۋت جۇرەدى؛ 4 -ايدىڭ 28 -كۇنىنەن 5 -ايدىڭ 5 - كۇنىنە دەيىن، شاۋەشەكتەن ۇرىمجىگە K6704 كەزەكشى پويەزى قوسىلىپ، شاۋەشەك پويەز ۆوكزالىنان ساعات 12 دەن 40 مينۋت وتكەندە جولعا شىعىپ، ساعات 22 دەن 42 مينۋت وتكەندە ۇرىمجىگە جەتىپ، جولدا 10 ساعات 2 مينۋت جۇرەدى ەكەن.
ىقىلاستى ەسكەرتپە: كوبەيتىلگەن كەزەكشى پويەز بەلەتىن ينتەرنەت، ۆوكزالدىڭ بەلەت ساتۋ تەرەزەسىنەن، جولاۋشىلار بەلەتىن ۋاكلاتان ساتۋ ورنىنان، سونداي - اق اۆتوماتتى بەلەت ساتۋ جابدىعىنان ساتىپ الۋلارىڭىزعا بولادى. جولاۋشىلاردىڭ پويەز ۆوكزالىنىڭ حابارلاندىرۋىنا دەر كەزىندە نازار اۋدارۋ ارقىلى جانە”شينجياڭ تەمىر جولى“ۋيچاتى، ميكروبلوگ تۇعىرىنان نەمەسە جۇڭگو تەمىر جولى جولاۋشىلارعا قىزمەت وتەۋ ورتالىعىنىڭ 12306 توراپ بەكەتىنەن، 12306 جولاۋشىلارعا قىزمەت وتەۋ تەلەفونىنان ناقتى جاعدايدى ۇعىسىپ، كەزەكشى پويەزدىڭ قاتىناۋ ينفورماتسياسىن دەر كەزىندە يگەرىپ، جولعا شىعۋ ۋاقىتىن لايىقتى ورنالاستىرۋلارىن ەسكەرتەمىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى