تىلشىلەرىمىز لي شيا، فۋ جياندۇڭ، ۋاڭ ياجۇن، داي جياۋمەي حابارلايدى. لياۋنيڭ ولكەسىنىڭ شينجياڭعا كومەكتەسكەن 18 جىلدان بەرگى قىزمەت ناتيجەسىن جان -جاقتى بەينەلەپ، لياۋنيڭ ولكەسى مەن باعىتتامالى كومەكتەسەتىن شينجياڭ تارباعاتاي ايماعىنىڭ مادەنيەت جاعىنان ارالاسۋىن، ىشتەسۋىن، توعىسۋىن ونان ارى كۇشەيتۋ ءۇشىن، ايماقتىق پارتكوم مەن لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى بىرلەسىپ وتكىزگەن ”نەشە مىڭ شاقىرىمدى جالعاعان لياۋنيڭ -شينجياڭ سۇيىسپەنشىلىگى“ جاڭا داۋىردەگى لياۋنيڭنىڭ شينجياڭعا كومەكتەسۋ جەتىستىكتەرى كورمەسى جاقىندا ايماقتىق پارتكوم پارتيا مەكتەبىندە (ايماقتىق اكىمشىلىك شۋەيۋانى) اشىلدى.
لياۋنيڭ ولكەلىك پارتكوم، ولكەلىك ۇكىمەت شينجياڭعا كومەكتەسۋ قىزمەتىنە وسكەلەڭ ءمان بەرىپ، بۇكىل ولكەنىڭ كۇشىن جۇمىلدىرىپ، بۇكىل ولكەنىڭ اقىل ـ پاراساتىن توپتاپ، قارجىلاي كومەكتەسۋمەن بىرگە، تاڭداۋلى قىزمەتكەرلەرىن سارالاپ، ىلگەرىندى -كەيىندى 6 توپتا 1765 ۇزدىك كادر -دارىندىنى شينجياڭعا كومەكتەسۋگە تاڭداپ جىبەرىپ، جيىنى 12 ميلليارد 800 ميلليون يۋان شينجياڭعا كومەكتەسۋ قارجىسىن شىعارىپ، مىڭنان استام شينجياڭعا كومەكتەسۋ نىسانىن اتقارىپ، 300 دەن استام كاسىپ سالاسى نىسانىن ەنگىزىپ، 50 ميلليارد يۋاننان استام قارجىنى تياناقتاندىردى.
جەتىستىكتەر كورمەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ شينجياڭدا، لياۋنيڭدا قىزمەت تەكسەرگەندەگى ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، باي مازمۇندى ناقتى ماتەريالدار ارقىلى تۇرلىشە تاريحي كەزەڭ، ۇقساماعان تۇرعىدان لياۋنيڭ ولكەسىنەن شينجياڭعا كومەككە كەلگەن كادر -دارىندىلاردىڭ قاجىماي-تالماي ىزدەنىس جاساپ، كۇرەس جۇرگىزگەن ىزدەرىن ەستەلىككە العان؛ 18 جىلدان بەرگى، اسىرەسە، جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى جانە پارتيا 18-قۇرىلتايىنان بەرى لياۋنيڭ ولكەسىنىڭ اقىل -پاراسات جاعىنان شينجياڭعا كومەكتەسۋ، كاسىپ سالاسى جاعىنان شينجياڭعا كومەكتەسۋ، حالىق تۇرمىسىن جاقسارتۋ، شينجياڭدى مادەنيەتپەن نارلەندىرۋ، ۇلتتار ىنتىماعى سياقتى جاقتاردا قوسقان بەلسەندى ۇلەستەرى تولىق ايگىلەنىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگى كورنەكتى جوعارىلاعانىن؛ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعىندا تارباعاتاي ايماعىنىڭ قوعام ورنىقتىلىعى، ۇلتتار ىنتىماعى، ەكونوميكانى جوعارىلاتۋ، حالىق تۇرمىسىن جاقسارتۋ، بيڭتۋان مەن جەرگىلىكتى ورىننىڭ توعىسۋى، شەكارا قورعانىسىن بەكەمدەۋ سياقتى جاقتاردا قول جەتكىزگەن كورنەكتى تابىستارىن ايگىلەدى.
ۇعىسۋعا قاراعاندا، جەتىستىكتەر كورمەسى تارباعاتاي كورمە زالىنىڭ كولەمى 600 شارشى مەترگە جۋىق بولىپ، مازمۇنى جاعىنان پارتيا ورتالىق كوميتەتىنىڭ شينجياڭ قىزمەتىنە جاساعان قامقورلىعى، لياۋنيڭ مەن شينجياڭنىڭ جوعارى دەڭگەيدە ىلگەرىلەتۋى، اقىل -پاراسات جاعىنان شينجياڭعا كومەكتەسۋ، كاسىپ سالاسى جاعىنان شينجياڭعا كومەكتەسۋ، حالىق تۇرمىسىن جاقسارتۋ، شينجياڭدى مادەنيەتپەن نارلەندىرۋ، ۇلتتار ىنتىماعى، پارتيا قۇرىلىسى، ىندەتكە قارسى اتتانۋ جانە ارتقى شەپتىك قولداۋ سىندى 10 تاراۋدان قۇرالىپ، 500 دەن استام سۋرەت، 18 مىڭ ارىپتىك تۇسىندىرمە، 60 تان استام باعالى بەينە كەسكىن جانە ناقتى زات تاڭدالىپ، سۋرەت، تۇسىندىرمە، جارىق، كەسكىن، دىبىس، ەلەكتر سياقتى وسى زامانعى تەحنيكالىق بەينەلەۋ تاسىلدەرى ارقىلى شينجياڭعا باعىتتامالى كومەكتەسۋدىڭ سۇبەلى تابىستارى ايگىلەنگەن ەكەن.
ۋي جيانگو، ايدىن تولەۋقان، جاڭ ياۋحۋا، جاۋ شيفىڭ، لي يۇڭ، ليۋ شين، شۋە گۇيچياڭ، ياڭ ليۋ، چى گوجۇن قاتارلى ايماق باسشىلارى، قاتىستى تاراۋلاردىڭ جاۋاپتى جولداستارى، 10-توپتا شينجياڭعا كومەككە كەلگەن كادر- دارىندىلار جانە 11 ـ توپتا شينجياڭعا كومەككە كەلگەن تىرەكتى كۇشتەر اشىلۋ سالتىنا قاتىناستى ءارى كورمەنى ەكسكۋرسيالادى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى