شاعانتوعاي اۋداندىق بازار باقىلاۋ -باسقارۋ مەكەمەسى:
” قىزىل بەكەت“ سالىپ، جەدەل تاعام جەتكىزۋشىلەردىڭ”شۇعىل، قيىن، ۋايىمداعان، ءزارۋ“ ماسەلەلەرىن شەشتى
ءتىلشىمىز ۋاڭ گاۋشىڭ، ەرىكتى ءتىلشى جاڭ شين حابارلايدى.”بۇل بەكەت جانعا مەيىر سيلاپ، جۇرەككە جىلۋلىق ۇيالاتادى ەكەن“دەدى جۋىقتا شاعانتوعاي اۋداندىق بازار باقىلاۋ - باسقارۋ مەكەمەسىنىڭ”قىزىل بەكەتتىڭ“ اشىلۋ سالتىنا قاتىناسقان جەدەل تاعام جەتكىزۋشى جياڭ لوكۇي تەبىرەنە.
بيىل 51 جاستاعى جياڭ لوكۇي شاعانتوعاي اۋدانى قارابۋرا اۋىلى قوسقاباق قىستاعىنىڭ تۇرعىنى، 2019-جىلى جەرىن كوتەرمەگە بەرگەننەن كەيىن، 4 جىل جەدەل تاعام جەتكىزۋشى بولىپ ىستەدى.
جياڭ لوكۇي:”جەدەل تاعام جەتكىزۋشىلەر ۋاقىتپەن جارىسىپ، جاپا - ماشاقاتپەن اقشا تابامىز، اسىرەسە، جازدىڭ شىلىڭگىر ىستىعى مەن سۇيەكتەن وتەتىن قاڭتاردىڭ قاقاعان ايازى جانىمىزعا قاتتى باتادى، سوندايدا تىنىعىپ، ىستىق سۋ ءىشىپ، تەلەفونىمىزدى زاريادتاپ الۋعا ۇنەمى اشىق تۇراتىن جەر جوق ەدى“ دەدى.
”قىزىل بەكەتتەن“ سۋ قايناتقىش، ميكروتولقىندى پەش، جەلدەتكىش، كرەسلو، اس ۇستەلى، توك زاريادتاۋ جابدىقتارىنىڭ بارلىعى تابىلادى. ىشكى جاعىنداعى سپورت رايونىنا كاسىبي دەنە شىنىقتىرۋ اسپاپتارى قويىلعان. بۇدان سىرت، ارنايى جابدىق ساندىعى مەن شۇعىل قۇتقارۋ ساندىعى ساتىپ الىنعان بولىپ، جەدەل تاعام جەتكىزۋشىلەردىڭ سۋ ءىشۋ، تىنىعۋ، توك زاريادتاۋ جاعىنداعى”شۇعىل، قيىن، ۋايىمداعان، ءزارۋ“ ماسەلەلەرىن ءونىمدى شەشتى.
ۇعىسۋعا قاراعاندا، 2023-جىلى شاعانتوعاي اۋدانىنىڭ”حالىق ءۇشىن قىزمەت وتەۋدىڭ ساپاسىن جوعارىلاتۋ جىلى“ بولىپ، شاعانتوعاي اۋداندىق بازار باقىلاۋ -باسقارۋ مەكەمەسى مەكەمەنىڭ بيىلعى ىستەيتىن حالىق تۇرمىسىنداعى 10 ناقتى ءىسىن بەلگىلەگەن، مۇنىڭ ءبىرى ــ دالادا جۇمىس ىستەۋشىلەرگە ”قىزىل بەكەت“ سالىپ بەرۋ ەكەن.
3 - ايدىڭ ورتا شەنىنەن باستاپ شاعانتوعاي اۋداندىق بازار باقىلاۋ - باسقارۋ مەكەمەسى”ەكى جاڭا“ۇيىمنىڭ پارتيا قۇرىلىسى قىزمەتىنە ۇشتاستىرا وتىرىپ، اۋداندىق باس جۇمىسشىلار ۇيىمىنىڭ ”قىزىل بەكەت“نىسانىنا سۇيەنىپ، قيمىل بولمەسىن قايتالاي ورنالاستىرىپ، جانۇياداي مەيىرگە تولى”قىزىل بەكەت“ قۇردى.
شاعانتوعاي اۋداندىق بازار باقىلاۋ -باسقارۋ مەكەمەسىنىڭ باستىعى ما شيۋچۇن: ”الدا بەكەت ىشىندەگى فۋنكتسيالىق قۇرىلعىلاردى بىرتىندەپ مولايتىپ، بارلىق قىزمەتكەر قىزمەت وتەۋدى، جالپىعا ءتيىمدى قىزمەت وتەۋدى، ۇزاق مەرزىمدى قىزمەت وتەۋدى ارقاۋ ەتە وتىرىپ، ءتۇزىمدى كەمەلدەندىرىپ، بەكەتتىڭ اينالىمىن ويداعىداي باسقارىپ، ويداعىداي قورعايمىز ءارى قىزمەت وتەيتىن وبيەكتىنىڭ قاجەتىنە قاراي قىزمەت وتەۋ شارالارىنا وزگەرىس ەنگىزىپ، بەكەتتىڭ پايدالانىلۋ مولشەرىن جوعارىلاتىپ، ’قىزىل بەكەتتى‘جاڭادان جۇمىستانعان قاۋىمعا قىزمەت وتەيتىن جاڭا شەپكە، بازار باقىلاۋ -باسقارۋ مەكەمەسىنىڭ وبرازىن ايگىلەيتىن جاڭا تەرەزەگە اينالدىرامىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى