ءتىلشىمىز ۋاڭ گاۋشىڭ حابارلايدى. تامىلجىعان ناۋرىز ايىندا كۇللى تىرشىلىك قايتا جانداندى. تاياۋ كۇندەردەن بەرى مەملەكەتتىك ەكى ءماجىلىس رۋحىن ۇيرەنۋ قيمىلى شاعانتوعاي اۋدانىنىڭ جانكىسى اۋىلى جانكىسى قىستاعىن قىزۋ دۋمانعا بولەپ، كوپشىلىكتىڭ بىلەك سىبانىپ، قايراتتانا ىستەۋ جىگەرىن جالىنداتتى.
جۋىقتا پارتيا 20-قۇرىلتايىنىڭ ۋاكىلى، جانكىسى قىستاعى پارتيا ياچەيكاسىنىڭ شۋجيى حاۋ شياڭلي قىستاق تۇرعىندارىمەن بىرگە ءار كۇنى ەكى ءماجىلىس رۋحىن ۇيرەنىپ، كورىكتى اۋىل -قىستاق قۇرىلىسىن جوسپارلاپ جاتقانىن ايتتى.
جانكىسى قىستاعى اۋىل شارۋاشىلىعىن نەگىز ەتىپ، ەگىنشىلىك پەن مال شارۋاشىلىقتى ۇشتاستىرعان قىستاق ءارى ايماق بويىنشا اۋىل -قىستاقتى گۇلدەندىرۋدەن ءتۇيىندى ۇلگى كورسەتەتىن 12 قىستاقتىڭ ءبىرى. قازىر قىستاقتا 17 مىڭ 300 مۋ ەگىستىك جەر بار بولىپ، نەگىزىنەن ءبيداي مەن ماقسارى ەگىلەدى. بىلتىر جان باسىندىق تازا كىرىس 26 مىڭ 71 يۋانعا، قىستاق كوللەكتيۆىنىڭ ەكونوميكالىق كىرىسى ءبىر ميلليون 617 مىڭ يۋانعا جەتتى.
بيىل پارتيا 20 -قۇرىلتايىنىڭ رۋحىن جاپپاي دايەكتىلەندىرۋدىڭ باستالعان جىلى ءارى اۋىل -قىستاقتى گۇلدەندىرۋدى اتقارۋدىڭ باس -اياعىن تۇتاستىراتىن شەشۋشى جىل.
”جاڭا جىلداعى جاڭا ساپاردا جانكىسى قىستاعى پارتيا 20 -قۇرىلتايىنىڭ رۋحى مەن مەملەكەتتىك ەكى ءماجىلىس رۋحىن مۇقيات دايەكتىلەندىرىپ، تياناقتاندىرىپ، اۋىل -قىستاقتى گۇلدەندىرۋدى تىڭعىلىقتى ىلگەرىلەتىپ، اۋىل شارۋاشىلىعىنىڭ دارەجەسىنىڭ جاپپاي جوعارىلاۋىن، اۋىل -قىستاقتىڭ جاپپاي العا باسۋىن، شارۋالاردىڭ جان -جاقتىلى دامۋىن جەبەيدى“ دەدى حاۋ شياڭلي.
ۇعىسۋعا قاراعاندا، كوپ جىلدان بەرى جانكىسى قىستاعىن مازالاپ كەلگەن ەگىنجايعا پايدالاناتىن سۋدىڭ تاپشى بولۋ ماسەلەسى اۋىل شارۋاشىلىق وندىرىسىنە اۋىر دارەجەدە تۇساۋ بولىپ، ءبيدايدىڭ ءونىم مولشەرى جوعارىلاماي، قىستاق تۇرعىندارىنىڭ كىرىس ارتتىرۋ قادامىن باياۋلاتقان ەكەن. بيىل تامشىلاتىپ سۋارۋ نىسانى اتقارىلعاننان كەيىن، وسى ءبىر قيىن ماسەلە زور دارەجەدە شەشىم ەتىلەدى ەكەن. سونىمەن بىرگە، قىستاق تۇرعىندارىنىڭ ءوندىرىس-تۇرمىسىنداعى نەگىزدىك قۇرىلىستىڭ دا دەڭگەيى جوعارىلاپ، جاقسارادى ەكەن.
بيىل جانكىسى قىستاعى 6800 مۋ ەگىستىك جەرگە تامشىلاتىپ سۋارۋ قۇرىلعىسىن ورناتۋ، 5.4 كيلومەتر نەگىزگى كوشە جولىن جاڭالاۋ، 4000 شارشى مەتر جاياۋلار جولىن سالۋ، 217 وتباسىنىڭ اۋلاسىن” 3 اۋماققا“ ءبولۋ، 35 اۋلا شارۋاشىلىعىنان ۇلگى كورسەتەتىن وتباسىن قۇرۋ، 11 وتباسىنىڭ بوس جاتقان اۋلاسىن ۇيلەسىمدى پايدالانۋ سياقتى جۇمىستارعا 20 ميلليون يۋان قارجى قوسۋدى جوسپارلاپ وتىر.
سونىمەن بىرگە، اۋىل شارۋاشىلىعى كورىنىس باقشالارىن ءبىر تۇتاس جوسپارلاپ، ەرەكشەلىككە يە داقىلداردى ەگىپ، ەكى قۇرىلعىلى اۋىل شارۋاشىلىق جىلىجايىن ۇيلەسىمدى پايدالانىپ، اۋىل شارۋاشىلىعى كورىنىس باقشاسىنىڭ ساياحاتتىق جانە ەكونوميكالىق ءونىمىن جوعارىلاتپاقشى ەكەن. قىستاقتاعى شاعىن الاڭدى جاڭالاپ، دەڭگەيىن جوعارىلاتىپ، جاڭادان ءبىر حالىققا قولايلى الەۋمەتتىك اۆتوبۋز ايالداماسىن، ءبىر مال سۋارۋ ءتۇيىنىن، التى ەلەكتروندى اۆتوكولىك زاريادتاۋ باعاناسىن سالىپ، 400 مۋ ورمان بەلدەۋىن تولىقتىرىپ ەكپەكشى ەكەن.
حاۋ شياڭلي: ” بيىل نىسان قارجىسىنىڭ قولداۋىنان تولىق پايدالانىپ، وعان قىستاق كوللەكتيۆىنىڭ ۇسىنىلىمىن قوسىپ، اۋىل شارۋاشىلىعى وندىرىسىندەگى بوگەتتەردى، قيىن ماسەلەلەردى بىرتىندەپ شەشىپ، ءوندىرىس - تۇرمىس نەگىزدىك قۇرىلعىلارىنىڭ مەشەۋ بولۋ ماسەلەسىن تۇبەگەيلى جاقسارتپاقشىمىز، اۋىل شارۋاشىلىعى قۋاتتى، اۋىل - قىستاعى كوركەم، شارۋالارى اۋقاتتى كورىكتى دە باقىتتى جاڭاشا قىستاق قۇرۋعا سەنىمدىمىز “ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى