ەمىل وزەنى اعارىنداعى جابايى بالىق بايلىعىن قورعاۋدى كۇشەيتۋ ءۇشىن، «جۇڭحۋا حالىق رەسپۋبليكاسىنىڭ بالىق شارۋاشىلىعى زاڭىنداعى»، «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىنداعى»، «شينجياڭ ۇيعۇر اۆتونوميالى رايونىنىڭ ‹بالىق شارۋاشىلىعى زاڭىن› اتقارۋ ادىسىندەگى»، ىلە قازاق اۆتونوميالى وبلىسىنىڭ «ەمىل وزەنى اعارىنىڭ ەكولوگياسىن قورعاۋ ەرەجەسىندەگى» جانە «قۇلىستاي جايىلىمىنىڭ ەكولوگياسىن قورعاۋ ەرەجەسىندەگى» قاتىستى بەلگىلەمەلەرگە ساي، مىناداي حابارلاندىرۋ شىعارىلدى:
ءبىرىنشى، بالىق اۋلاۋعا تيىم سالۋ ۋاقىتى: 2023 -جىلى 4 -ايدىڭ 1 -كۇنىنەن 6 -ايدىڭ 1 -كۇنىنە دەيىن.
ەكىنشى، بالىق اۋلاۋعا تيىم سالىنعان وڭىرلەر: ەمىل وزەنىنىڭ تۇتاس اعارى جانە وزەننىڭ ەكى جاعالاۋىنان 100 مەتر قاشىقتىققا دەيىنگى اۋماق.
ءۇشىنشى، بالىق اۋلاۋعا تيىم سالىنعان مەزگىلدە بالىق اۋلاۋ، قارماق سالۋ سياقتى بارلىق ارەكەتتەرگە، اۋلانعان جابايى بالىقتاردى تاسىمالداۋعا، ساۋدالاۋعا تيىم سالىنادى. ۋ سالۋ ارقىلى بالىق اۋلاۋ، قوپارعىش ارقىلى بالىق اۋلاۋ، توككە سوقتىرۋ ارقىلى بالىق اۋلاۋ سياقتى تيىم سالىنعان قۇرالدارمەن، ادىستەرمەن بالىق اۋلاۋعا قاتاڭ تيىم سالىنادى.
ءتورتىنشى، وسى حابارلاندىرۋعا قايشىلىق جاساعاندار بولسا، «جۇڭحۋا حالىق رەسپۋبليكاسىنىڭ بالىق شارۋاشىلىعى زاڭىنىڭ» 38 -تارماعىنا ساي، قوپارعىش ارقىلى بالىق اۋلاۋ، ۋ سالۋ ارقىلى بالىق اۋلاۋ، توككە سوقتىرۋ ارقىلى بالىق اۋلاۋ سياقتى بالىق شارۋاشىلىعى بايلىعىن بۇلدىرەتىن ادىستەرمەن بالىق اۋلاعانداردىڭ، بالىق اۋلاۋعا تيىم سالىنعان ءوڭىر، بالىق اۋلاۋعا تيىم سالىنعان مەزگىل جونىندەگى بەلگىلەمەلەرگە قايشىلىق جاساعانداردىڭ اۋلاعان بالىعى مەن زاڭسىز تابىسى ءمۇسادىرالانادى ءارى 50 مىڭ يۋاننان تومەن اقشالاي ايىپ سالىنادى؛ سيپاتى اۋىر بولعاندارىنىڭ بالىق اۋلاۋ قۇرالدارى ءمۇسادىرالانادى. «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» 340 -تارماعىنا ساي، سۋ ونىمدەرى بايلىعىن قورعاۋ زاڭ–ەرەجەلەرىنە قايشىلىق جاساپ، بالىق اۋلاۋعا تيىم سالىنعان وڭىرلەردە، بالىق اۋلاۋعا تيىم سالىنعان مەزگىلدە نەمەسە پايدالانۋعا تيىم سالىنعان جابدىقتارمەن، ادىستەرمەن سۋ ونىمدەرىن اۋلاعانداردىڭ سيپاتى اۋىر بولعاندارىنا 3 جىلدان تومەن مەرزىمدى قاماۋ جازاسى، قولدا ۇستاپ تۇرۋ جازاسى، باقىلاۋعا الۋ جازاسى بەرىلەدى نەمەسە اقشالاي ايىپ سالىنادى.
بەسىنشى، زاڭ اتقارۋشىلاردىڭ زاڭ بويىنشا قىزمەت اتقارۋىنان باس تارتقاندارعا، كەدەرگىلىك جاساعاندارعا، زاڭ اتقارۋشىلاردى قورلاعاندارعا، ياناتتاعاندارعا، ۇرعاندارعا، سوقتىعىپ ءوش العاندارعا قوعام حاۋىپسىزدىگى ورگاندارى «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭى»بويىنشا جازالايدى، قىلمىس قالىپتاستىرعانداردى ادىليا ورگاندارىنىڭ زاڭ بويىنشا قىلمىستىق ىستەر جاۋاپكەرشىلىگىن قۋزاستىرۋىنا تابىستايدى.
اشكەرەلەۋ تەلەفونى: 6272876، 6272878 ـ 0901 (تارباعاتاي ايماقتىق اۋىل شارۋاشىلىعى، اۋىل -قىستاق مەكەمەسى)
24 ساعات كەزەكشى تەلەفون: 18099318065، 13565788571
تارباعاتاي ايماقتىق اۋىل شارۋاشىلىعى، اۋىل -قىستاق مەكەمەسى
2023 -جىلى 3 -ايدىڭ 27 -كۇنى
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى