ەرىكتى ءتىلشى ۋاڭ جاۋيۇن حابارلايدى. 3 -ايدىڭ 25-كۇنى شيحۋ قالاسىنىڭ 2023 -جىلعى قاتىناس -تاسىمال بويىنشا 1-توپتاعى ءتۇيىندى قۇرىلىس نىساندارىنىڭ ءبىرى بولعان بيڭتۋان مەن جەرگىلىكتى ورىن توعىسپالى تاس جول قۇرىلىسى نىسانى رەسمي جۇمىس باستاپ، بۇل نىسانعا جالپى 359 ميلليون يۋان قارجى قوسىلعان.
بيڭتۋان مەن جەرگىلىكتى ورىن توعىسپالى تاس جول قۇرىلىسى نىسانى 3 بولەككە بولىنەدى. وسى رەت جۇمىس باستاعان 3-بولەگى گۋاڭجوۋ جولى مەن حۋاڭحى جولىنىڭ تۇيىلىسىنەن باستالىپ، حايحى جولىنا بارىپ تىرەلەدى. جالپى ۇزىندىعى 984 مەتر بولىپ، بۇل شيحۋ قالا رايونىنداعى نەگىزگى جولداردىڭ ءبىرى، نىساندى سالۋ جۇمىسىن شينجياڭ جول -كوپىر قۇرىلىس توبى شەكتى سەرىكتەستىگى ۇستىنە العان.
شينجياڭ جول -كوپىر قۇرىلىس توبى شەكتى سەرىكتەستىگىنىڭ شيحۋ بولىمشە سەرىكتەستىگى بيڭتۋان مەن جەرگىلىكتى ورىن توعىسپالى نىسانىنىڭ ۇنەمىلىك ىستەرگە جاۋاپتى ورىنباسار ديرەكتورى گۋ يانزى: ” سەرىكتەستىگىمىزدە جوعارىدان تومەنگە دەيىن بۇل نىسانعا وسكەلەڭ ءمان بەرىپ وتىر. جۇمىسشى، ماتەريال جانە ماشينا -جابدىقتار تۇگەلدەي دايىن بولعان، حاۋىپسىزدىككە كەپىلدىك ەتىلگەن العى شارت استىندا وسى رەتكى قۇرىلىس مىندەتىن سانى مەن ساپاسىنا كەپىلدىك ەتە وتىرىپ ۋاعىندا ورىندايمىز “دەدى.
نىساننىڭ3 -بولەگىنىڭ جۇمىس باستاۋى قالا جولىن كەمەلدەندىرىپ قالماستان، شيحۋ قالاسىنداعى تۇرعىنداردىڭ ءجۇرىس -تۇرىسىنا قولايلىلىق جاراتادى. ونان دا ماڭىزدىسى، جولدىڭ ەكى جاعالاۋىنداعى جەكە تيجاراتشىلارعا تاماشا شارۋاشىلىق -ساۋدا ورتاسىن ازىرلەيدى.
جەكە تيجاراتشى ليۋ جيانچۋاننىڭ اۆتوكولىككە قىزمەت وتەۋ ورنى جۇمىس باستاعان جول بولەگىنىڭ شىعىس جاعىندا بولاتىن. تاس جول قۇرىلىسىنىڭ باستالۋى ونىڭ اۆتوكولىككە قىزمەت وتەۋ ورنىن دامىتۋ سەنىمىن ارتتىرا ءتۇستى.
ليۋ جيانچۋان: ” بۇل جول جوندەلىپ بولعاننان كەيىن، مۇندا ارلى-بەرلى قاتىنايتىن اۆتوكولىكتەر دە كوبەيەدى، ساۋدامنىڭ بارعان سايىن جاقسارا تۇسەتىنىنە سەنىمدىمىن“ دەدى.
ۇعىسۋعا قاراعاندا، 2023-جىلى شيحۋ قالاسىندا قاتىناس - تاسىمال بويىنشا ءبىرىنشى توپتا جيىنى 3 ءتۇيىندى قۇرىلىس نىسانى بار ەكەن. مۇنىڭ ەكەۋى جالعاستى سالىناتىن نىسان بولىپ، بيڭتۋان مەن جەرگىلىكتى ورىن توعىسپالى جول قۇرىلىسى نىسانىنا جالپى 359 ميلليون يۋان قارجى قوسىلسا؛ ولكە جولى101 -لەنياسىن ۇزارتۋ نىسانىنا جالپى 300 ميلليون يۋان قارجى قوسىلعان. جاڭادان سالىناتىن ءبىر نىسان ــ 2022 -جىلعى اۆتوكولىك ساتىپ الۋ باجىسىن اۋىل-قىستاق جولى قۇرىلىسىنا پايدالانۋ نىسانى، بۇعان جالپى 37 ميلليون 800 مىڭ يۋان قارجى قوسىلعان.
شيحۋ قالالىق قاتىناس -تاسىمال مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى بيان جيانفىڭ:”بيڭتۋان مەن جەرگىلىكتى ورىن توعىسپالى نىسانىنىڭ جۇمىس باستاۋ سالتىن وتكىزۋ بيڭتۋان مەن جەرگىلىكتى ورىن توعىسپالى داڭعىلىنىڭ، سونداي -اق ولكە جولى 101 -لەنياسىن ۇزارتۋ جەلىسىنىڭ اۋىل -قىستاق تاس جولى نىسانىنىڭ رەسمي جۇمىس باستاعانىن بىلدىرەدى. نىسان اياقتالعاننان كەيىن تۇتاس قالانىڭ كەشەندى قاتىناس -تاسىمال جۇيەسىن اناعۇرلىم كەمەلدەندىرىپ، شيحۋ ەكونوميكاسىنىڭ، قوعامىنىڭ جوعارى ساپالى دامۋىنا كۇش ۇستەيدى“دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى