”عىلىم جالپىلاستىرۋ مامانى“، ”وتكەل قىزمەتىنىڭ مامانى“، ”گازەت ساقتاۋشى اعاي“ دەگەندەردىڭ بارلىعى ونىڭ جاناما اتى. ونىڭ اتى ءادىل ابدراحمان، بيىل 67 جاستا، ونىڭ وتكىر كوز جانارى مەن بيىك قىر مۇرىنى كورگەن جانعا تەرەڭ اسەر قالدىرادى.
3 -ايدىڭ 26 -كۇنى”ديانزان . 2022 عىلىم جالپىلاستىرۋداعى جۇڭگو“تىزىمدىگىن جاريالاۋ سالتاناتى ورتالىق راديو - تەلەۆيزيا باس ستانسياسىنىڭ امبەباپ ارناسى 1 -CCTV دە قويىلدى. اۆتونوميالى رايوندىق عىلىم -تەحنيكا قوعامى كورسەتكەن تارباعاتاي ايماعىنىڭ عىلىم جالپىلاستىرۋ ۇگىتشىسى ءادىل ابدراحمان” 2022 -جىلعى 10 ەگەي عىلىم جالپىلاستىرۋشى“ تىزىمدىگىنە كىردى.
” ’ 2022-جىلعى 10 ەگەي عىلىم جالپىلاستىرۋشى‘بولىپ باعالانعانىما قاتتى قۋاندىم ءارى ەرەكشە تەبىرەندىم، شينجياڭنان وسى داڭقتى اتاققا يە بولعان جالعىز مەن ەكەنمىن، كوپشىلىكتىڭ مەنىڭ تالاي جىلدان بەرگى قىزمەتىمدى باعالاعانىنا ەرەكشە العىس ايتامىن“ دەدى3 - ايدىڭ 27 -كۇنى ءادىل.
ءادىل كەزىندە تارباعاتاي ايماقتىق وتكەل باسقارۋ كوميتەتىنىڭ زەرتتەۋشىسى، ورىنباسار مەڭگەرۋشىسى بولعان (زەينەتكەر)، قازىر شينجياڭ جازۋشىلار قوعامىنىڭ مۇشەسى، تارباعاتاي ايماقتىق ساقا عىلىم -تەحنيكا قىزمەتكەرلەرى قوعامىنىڭ ورىنباسار باستىعى. عىلىم جالپىلاستىرۋ جاسامپازدىعىمەن شۇعىلدانعان 44 جىلدان بەرى، ول جىل سايىن ەڭبەكاقىسىنىڭ ％10 ىن عىلىم جالپىلاستىرۋ ىستەرىنە جۇمساپ كەلەدى، قازىرگە دەيىن تەك قيما گازەتكە ىستەتكەنA3 ، A4 قاعازدىڭ ءوزى 140 نەشە مىڭ بەتكە جەتىپ، 20 مىڭ دانادان استام كىتاپ -جۋرنال ساقتاعان.
ءادىلدىڭ گازەت - جۋرنال، كىتاپ ساقتاۋ ادەتى بالا كۇنىنەن اتا - اناسىنىڭ ىقپالىندا قالىپتاسقان. ونىڭ ەسىندە قالۋىنشا، ول كىشكەنتايىنان كىتاپقا تولى ورتادا ەرجەتكەن، اكە -شەشەسى كىتاپ وقۋعا اۋەس بولعاندىقتان، ۇنەمى گازەت - جۋرنالدارعا جازىلىپ، وعان بالالارعا ارنالعان وقۋ ماتەريالدارىن الىپ بەرىپ، عىلىم جالپىلاستىرۋ جونىندەگى اڭگىمەلەردى ايتىپ بەرەدى ەكەن.
1982 -جىلى ءادىل شينجياڭ داشۋەسىنىڭ جۇڭگو تىلدەرى فاكۋلتەتىنەن حانزۋ ءتىل - جازۋى كاسىبىن بىتىرگەن. داشۋەنىڭ 2 -كۋرسىنان باستاپ عىلىم جالپىلاستىرۋ ادەبي شىعارماشىلىعىمەن شۇعىلدانىپ، ىلگەرىندى -كەيىندى گازەت -جۋرنالداردا 500 گە جۋىق عىلىم جالپىلاستىرۋ بالالار ەرتەگىلەرىن، عىلىم جالپىلاستىرۋ اڭگىمەلەرىن، عىلىم جالپىلاستىرۋ ماقالالارىن جانە عىلىم جالپىلاستىرۋ ادەبي اۋدارما تۋىندىلارىن جاريالادى.
ءادىلدىڭ ەڭ ماقتان تۇتاتىنى 2013 -جىلى تۇڭعىش كەزەكتى شينجياڭ تارىم قاۋاشاعى ۇزدىك بالالار ادەبيەت سيلىعى، 4 -كەزەكتى شينجياڭ ۇزدىك عىلىم جالپىلاستىرۋ ادەبيەتى سيلىعى سياقتى كوپ ءتۇرلى سيلىقتى جەڭىپ العان «ءادىل اعايدىڭ ۇلاسپالى عىلىم جالپىلاستىرۋ اڭگىمەلەرى» اتتى تۋىندىسى ەدى، وسى تۋىندىنى كاسىپ سالاسىنداعىلار ۇيعۇر جاس وسپىرىمدەرىنىڭ جۇيەلى عىلىم جالپىلاستىرۋ وقۋ ماتەريالى جوق بولۋداي بوستىعىن تولتىردى دەسەدى.
” 1980-جىلدان بەرى قيما گازەت فورماسىندا ’وتباسىلىق ەنتسيكلوپەدياسىن‘ جاساي باستادىم، قازىر استرونوميا، تۇرمىستىق قاراپايىم ساۋات، سونداي -اق شينجياڭ مەن تارباعاتايدىڭ قاتىستى تاريحي مادەنيەتى، ۇلتتار ىنتىماعى سياقتى 100 نەشە جاقتاعى بىلىمدەردى قامتىعان 300 نەشە ءتۇرلى گازەتىم بار، قيما گازەت جاساۋ ادەتىم تۇرمىسىم مەن قىزمەتىمە زور قۋانىش سيلاۋمەن بىرگە، عىلىم جالپىلاستىرۋ جاسامپازدىعىمەن شۇعىلدانۋىما دا زور سەپتىگىن تيگىزدى“ دەدى.
2016 -جىلى 5 -ايدا تارباعاتاي باتىس بولىك كاسىپتىك شەكتى سەرىكتەستىگىنىڭ قولداۋى مەن كومەگىندە، ءادىل شاۋەشەك قالالىق قيما گازەت مۇراجايىن جانە تارباعاتاي باتىس بولىك عىلىم جالپىلاستىرۋ كىتاپحاناسىن قۇرادى. قازىر ءادىل قۇرعان كىتاپحانا جاڭا ورىنعا كوشىرىلىپ، كىتاپحانانىڭ اتى شاۋەشەك قالالىق پارتيا مۇشەلەرى مەن بۇقارا قيمىل ورتالىعى باتىس بولىك قىزىل بەكەتى بولىپ وزگەرتىلدى ءارى ۇلتتار ىنتىماعى تاربيەسى بازاسى، وتانشىلدىق تاربيە بازاسى، وتانشىل ءدىني قايراتكەرلەر تاربيە بازاسى، اۆتونوميالى رايوندىق عىلىم جالپىلاستىرۋ تاربيە بازاسى بولىپ بەلگىلەندى.
تارباعاتاي ايماقتىق عىلىم - تەحنيكا قوعامى ۇسىنىس ەتكەن وقىمىستى رەتىندە، كوپ جىلدان بەرى ءادىل جاپا -ماشاقاتتان تايىنباي، ۇنەمى الەۋمەتتىك اۋماق، اۋىل -قىستاق، مال شارۋاشىلىق رايونى، ورتا، باستاۋىش مەكتەپ سياقتى ورىندارعا بارىپ، پارتيانىڭ ساياساتىن ۇگىتتەۋ جانە عىلىم جالپىلاستىرۋ ۇگىتى قيمىلدارىن ورىستەتىپ، جيىنى 600 نەشە مايدان ”قۇراپيلىقتان اۋلاق بولىپ، زاڭسىز دىندەرگە قارسى تۇرايىق“، ”عىلىمدى ءسۇيىپ، عىلىم ۇيرەنىپ، عىلىمنان پايدالانايىق“، ”ۇلى تابيعاتتى ءسۇيىپ، كورىكتى مەكەن قۇرايىق“ سياقتى مازمۇنداردا عىلىم جالپىلاستىرۋ ۇگىت لەكسياسىن ورىستەتىپ، ءار ۇلت بۇقاراسى مەن جاس وسپىرىمدەردىڭ عىلىمدى سۇيەتىن، عىلىم ۇيرەنەتىن، عىلىمنان پايدالاناتىن ىنتاسىن قاۋلاتىپ، تاماشا قوعامدىق اڭىس قوزعادى.
2018 - جىلى ءادىل تارباعاتاي ايماقتىق ساقا عىلىم - تەحنيكا قىزمەتكەرلەرى قوعامىنىڭ ورىنباسار باستىعى بولىپ، شاۋەشەك پارتيا مۇشەلەرى مەن بۇقارا قيمىل ورتالىعى قىزىل بەكەتىندە بۇقارالىق عىلىم جالپىلاستىرۋ ۇگىتى مەن قىزىل پارتيا تاريحى تاربيەسىنەن 500 نەشە مايدان رەت ورىستەتىپ، 16 مىڭنان استام ادام رەت بۇقارانى قابىلدايدى.
بۇدان كەيىنگى جوسپارى جونىندە ءادىل: ” پارتيا 20 -قۇرىلتايىنىڭ بايانداماسىندا ايتىلعان’بۇكىل مەملەكەت بويىنشا جۇمىلاتىن جاڭاشا ءتۇزىلىستى اقاۋسىزداندىرىپ، مەملەكەتتىڭ ستراتەگيالىق عىلىم -تەحنيكا قۋاتىن نىعايتۋ‘سياقتى ’مەملەكەتتى وقۋ -اعارتۋمەن، عىلىم - تەحنيكامەن گۇلدەندىرۋ ستراتەگياسىنا‘قاتىستى مازمۇندار ماعان ايرىقشا شابىت سيلادى، جالعاستى ءتىپتى دە كوپ بۇقارا ۇناتا قابىلدايتىن عىلىم جالپىلاستىرۋ تۋىندىلارىن جاريالاۋمەن بىرگە، نەگىزگى ساتىنىڭ ءبىرىنشى شەبىنە بارىپ، عىلىم جالپىلاستىرۋ تاربيەسىن جۇرگىزىپ، ءار ۇلت بۇقاراسىنىڭ عىلىم ساپاسىن جاپپاي جوعارىلاتۋعا كۇش - قۋاتىمدى ارنايمىن“دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى