■ ورتالىق كوميتەت ۇيىمداستىرۋ ءبولىمى مەن ورتالىق راديو -تەلەۆيزيا باس ستانسياسى بىرلەسىپ جاساعان «ۇلگىلەر» اتتى ارناۋلى تاقىرىپتىق باعدارلامانىڭ 7 -ءبولىمى ايماعىمىزدا كۇشتى اڭىس قوزعادى
تىلشىلەرىمىز سۇڭ جيانلياڭ، داي جياۋمەي، ۋاڭ گاۋشىڭ، ماقپال مىرزاقان، جاڭ گوحۇي، ۋاڭ ياجۇن حابارلايدى. 3 - ايدىڭ 25 -كۇنى ورتالىق كوميتەت ۇيىمداستىرۋ ءبولىمى مەن ورتالىق راديو ـ تەلەۆيزيا باس ستانسياسى بىرلەسىپ جاساعان «ۇلگىلەر» اتتى ارناۋلى تاقىرىپتىق باعدارلامانىڭ 7 -ءبولىمى تاراتىلدى، ايماعىمىزداعى پارتيا مۇشەلەرى مەن كادرلار باعدارلامانى كورىپ، تىڭداعاننان كەيىن قىزۋ اڭىس ءبىلدىردى. كوپشىلىك ۇلگىلەردەن ۇيرەنىپ، ۇلگى بولۋعا ۇمتىلىپ، ۇلگىلەردىڭ ”ۇتىلامالى تاياقشاسىن“ مىقتى ۇستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل-پاراساتى مەن كۇش - قۋاتتارىن ارنايتىندىقتارىن جابال ءبىلدىردى.
ساۋان قالاسى سانداۋحىزى قالاشىعى پارتكومىنىڭ مۇشەسى يۇي ۋانشين:”«ۇلگىلەر» اتتى ارناۋلى تاقىرىپتىق باعدارلامانىڭ 7-بولىمىنەن وتانىمىزدىڭ جاقىنعى جىلداردان بەرى قول جەتكىزگەن شۇعىلالى تابىستارىن كوردىك ءارى وسى تابىستاردىڭ پارتيا مەن حالىقتىڭ بىرگە قۇلشىنۋىنان، ىستەۋىنەن، كۇرەس جاساۋىنان كەلگەندىگىن سەزىندىك. پارتيا 20 -قۇرىلتايى جاڭا جوبا كەسكىندەدى، نەگىزگى ساتى كادرى رەتىندە، ۇلگىلەردىڭ قادامىنا تىعىز ىلەسىپ، ناقتى ىستەۋدى ماڭداي الدى ورىنعا قويىپ، الدىمەن كىرىسىپ ىستەپ، ساياسي ساپامىزبەن قىزمەت وتەۋ قابىلەتىمىزدى جوعارىلاتىپ، جاۋاپكەرشىلىگىمىز بەن بورىشىمىزدى بۇكىل ىنتا-پەيىلىمىزبەن امالياتتا ايگىلەيمىز“دەدى.
شيحۋ قالالىق پارتكوم كەڭسەسىنىڭ شيداگۋ قالاشىعى شاعانوبا قىستاعىندا تۇراتىن قىزمەت اترەتىنىڭ ورىنباسار باستىعى چىن ۋي بىلاي دەدى: ”ارناۋلى تاقىرىپتىق باعدارلامانى كورىپ ايرىقشا اسەرلەندىك، ماقتانىش سەزىمى بيلەپ، ەرەكشە جەلپىندىك. ارناۋلى تاقىرىپتىق باعدارلامادا پارتيا 20 -قۇرىلتايىنا قاتىناسقان 8 ۋاكىلدىڭ تيپتىك ىزگى ىستەرى كورسەتىلگەن، ولار ءوز كەشىرمەلەرى ارقىلى سەنىمدەرىن، ۇلەس قوسۋ پەيىلدەرىن، تاباندىلىقتارىن، ارقالاعان مىندەت -جاۋاپكەرشىلىكتەرىن جاندى بەينەلەدى. پارتياعا كىرۋ سەرتىن قايتا پىسىقتاۋ باسقىشى بىزگە زور شابىت سيلادى، قاسيەتتى دە ارىندى ءار ءسوز -سويلەمدەرى ءاربىر پارتيا مۇشەسىنىڭ پارتياعا دەگەن شەكسىز ادالدىعىن ايگىلەدى. كوممۋنيستىك پارتيا مۇشەسى رەتىندە، ۇلگىلەردىڭ رۋحىنان ۇيرەنىپ، پارتيا ۇيىمى تاپسىرعان مىندەتتى مۇقيات ويداعىداي ورىنداپ، قىزمەت ورنىمدى تياناق ەتە وتىرىپ قىزمەت وتەپ، ۇلەس قوسامىن“.
شاۋەشەك قالاسى جاڭاجامبىل ءمالى باسقارماسى قۇلجا جولى الەۋمەتتىك اۋماعى ايەلدەر بىرلەستىگىنىڭ ءتوراعاسى يىن چاۋشيا وتباسىنداعىلارمەن، كورشىلەرىمەن بىرگە «ۇلگىلەر» اتتى ارناۋلى تاقىرىپتىق باعدارلامانىڭ 7-ءبولىمىن كوردى.
يىن چاۋشيا: ”ارناۋلى تاقىرىپتىق باعدارلاما تاڭداۋلى كوممۋنيستىك پارتيا مۇشەلەرىنىڭ سەنىمىن بەكەمدەۋ، جاۋاپكەرشىلىك ارقالاپ، ىسكەرلىك كورسەتۋ، بۇقاراعا قىزمەت وتەۋ، قالتقىسىز ۇلەس قوسۋ جاعىنداعى رۋحاني بەينەسىن ايگىلەپ، جۇڭگو كوممۋنيستىك پارتيا مۇشەلەرىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاعان قاجىماس تاباندىلىعىن تەرەڭ ۇعىندىردى. نەگىزگى ساتى كادرى رەتىندە، ۇزدىكسىز ۇيرەنىپ، ءوزىمدى ۇزدىكسىز كەمەلدەندىرىپ، تيپتىك ۇلگىلەر ارقىلى جالپىنى جەتەكتەۋگە ءمان بەرىپ، قالىڭ ايەلدەر قاۋىمىنىڭ جاڭا ناتيجە جاراتۋ، جاڭا تۇرمىس جاراتۋ ىنتاسىن قوزعاپ، الەۋمەتتىك اۋماق قىزمەتىنىڭ ءىس جۇزىندىگىمەن ۇشتاستىرا وتىرىپ پارتيا 20 -قۇرىلتايىنىڭ رۋحىن ىشكەرىلەي دايەكتىلەندىرىپ، كوپشىلىكتىڭ كۇش -قۋاتىن ۇيىستىرىپ، كورىكتى مەكەندى بىرگە قۇرامىز“ دەدى.
”ۇلگىلەردىڭ كۇش -قۋاتىن تەرەڭ سەزىنىپ، ۇلگىلەرگە قاراپ قاتار تۇزەپ، تولىمدى پارتيا مۇشەسى بولۋ بەكىمىم ارتا ءتۇستى. الداعى جەردە قىزمەت ورنىمدى تياناق ەتىپ، بۇقارانى باستان -اياق كوڭىل تورىنە قويىپ، بۇقارانىڭ مۇددەسىن بارلىق قىزمەتتىڭ شىعار ءتۇيىنى ەتىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، ءىس جۇزىندىك ارەكەتىم ارقىلى كوممۋنيستىك پارتيا مۇشەسىنىڭ تاماشا وبرازىن تىكتەيمىن“دەدى شاۋەشەك قالالىق 1 -ورتا مەكتەپتىڭ دۋبەك ءمالى باسقارماسى بايگەتوبە الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ليۋ چۇنيىڭ.
شاۋەشەك قالالىق وقۋ -اعارتۋ جانە عىلىم - تەحنيكا مەكەمەسىنىڭ جاڭا جامبىل ءمالى باسقارماسى وتانشىلدىق الەۋمەتتىك اۋماعىندا تۇراتىن قىزمەت اترەتىنىڭ مۇشەلەرى، الەۋمەتتىك اۋماق كادرلارى «ۇلگىلەر» اتتى ارناۋلى تاقىرىپتىق باعدارلامانىڭ 7-ءبولىمىن كورىپ ايرىقشا اسەرلەندى. كوپشىلىك جابال مىنالاردى ءبىلدىردى: ۇلگىلەردەن ۇيرەنىپ، جاقسى ۇلگى كورسەتىپ، بۇقاراعا قىزمەت وتەيتىن جاقىن جاناشىرى بولىپ، كوپشىلىكتى جاراسىمدى، باقىتتى الەۋمەتتىك اۋماقتى بىرگە قۇرۋعا باستايمىز.
”مۇرات -سەنىمدى بەكەمدەپ، ۇلگىلەردەن مۇقيات ۇيرەنىپ، ۇلگىلەردىڭ رۋحاني كۇش-قۋاتىن جالعاستىرىپ، پارتيا 20 -قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، جۇرتتىڭ كۇش -قۋاتىن ۇيىستىرىپ، بايۋ جولىن كوپ ارنامەن كەڭەيتىپ، تۇرمىسىمىزدى بارعان سايىن جاقسارتامىز“. «ۇلگىلەر» اتتى ارناۋلى تاقىرىپتىق باعدارلامانىڭ 7 -ءبولىمىن كورگەننەن كەيىن، شاۋەشەك قالالىق سۋ يگىلىگى مەكەمەسىنىڭ شاۋەشەك قالاسى ابدىرا اۋىلى قورلىباي قىستاعىندا تۇراتىن قىزمەت اترەتىنىڭ مۇشەلەرى مەن قىستاق كادرلارىنىڭ ءىس تىندىرىپ، ناتيجە جاراتۋ سەنىمدەرى ارتا ءتۇستى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى