ءتىلشىمىز داي جاۋمەي، ەرىكتى ءتىلشى ۋاڭ حۋاجى حابارلايدى.” كوكتەمگى اۋىل شارۋاشىلىعى ءوندىرىسىن ءبىر تۇتاس جوسپارلاپ، ويداعىداي يگەرۋ ءۇشىن، كوپ رەت ءماجىلىس اشىپ، كوكتەمگى ەگىس ءوندىرىسى قىزمەتىن ورنالاستىرىپ، بۇكىل قىستاقتىڭ اۋىل شارۋاشىلىعى ءوندىرىسىنىڭ جاعدايىنا مۇقيات تالداۋ جاساپ، كوكتەمگى ەگىس ءوندىرىسى مىندەتىن قىستاق -گرۋپپالارعا ءبولىپ، شارۋا وتباسىلارىنا، ەگىس اتىزدارىنا دەيىن اشالاپ ورنالاستىردىق“ دەدى 3 -ايدىڭ 22 -كۇنى ايماقتىق پارتكوم پارتيا مەكتەبىنىڭ (ايماقتىق اكىمشىلىك شۋەيۋانى) شاۋەشەك قالاسى ابدىرا اۋىلى گۇجىباي سولتۇستىك قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي ماحمۇت.
قازىر كوكتەمگى ەگىس دايىندىعى كەزى، قىزمەت اترەتى ۋاقىتتى مىقتى يگەرىپ، اۋىلدىق پارتكوم مەن ۇكىمەتتىڭ كوكتەمگى ەگىس دايىندىعىن ويداعىداي ىستەۋ جونىندەگى جالپى تۇلعالىق ورنالاستىرۋى بويىنشا، ەرتە اتتانىسقا كەلتىرىپ، ىرىقتىلىقپەن ىسكە كىرىسىپ، شارا بەلگىلەپ، كوكتەمگى ءوندىرىستىڭ ءساتتى ىلگەرىلەۋىنە كەپىلدىك ەتتى.
قىزمەت اترەتى مەن قىستاق ” ەكى كوميتەتى“ تاعى قىستاقتاعى پارتيا مۇشەلەرى مەن كادرلاردى ۇيىمداستىرىپ،” كوكتەمگى وندىرىسكە كۇش ۇستەپ، قيىنشىلىعى بارلارعا كومەكتەسۋ-سۇيەمەلدەۋ“ەرىكتى قىزمەت وتەۋ اترەتىن قۇرىپ، قىستاق تۇرعىندارىنىڭ اۋىل شارۋاشىلىق ماشينالارىن رەمونتتاۋىنا، حيميالىق تىڭايتقىش تاسۋىنا، تۇقىم ساتىپ الۋىنا كومەكتەسىپ، قىستاق تۇرعىندارىن ۋايىمنان ارىلتىپ، قيىنشىلىعىن شەشىپ، كوكتەمگى وندىرىسكە كۇش ۇستەدى.
قىستاق تۇرعىنى شەجاۋقاننىڭ ايەلى سوزىلمالى اۋرۋعا شالدىعىپ، ۇزاق ۋاقىت ەمدەلگەندىكتەن، تۇرمىسىندا قيىنشىلىعى بار ەدى. ونىڭ 40 مۋ جەرى، 8 سيىرى، 10 نەشە قويى بار. قارجى تاپشى بولعاندىقتان، جەم -ءشوپ قورى ازايىپ، ءبيداي تۇقىمىن دا ساتىپ الا الماعان ەدى. ەرلى - زايىپتى ەكەۋى ۋايىمداپ وتىرعاندا، ەرىكتى قىزمەت وتەۋ اترەتى جاعدايدان حابار تاۋىپ، دەرەۋ قىستاقتا تۇرۋ نىسان قارجىسىنا 300 كيلوگرام جازدىق ءبيداي تۇقىمىن، 500 كيلوگرام جۇگەرى جەمىن، 20 تاي جۇگەرى ساباعىن ساتىپ الىپ، ونىڭ ۇيىنە جەتكىزىپ بەرەدى.
” كەلەسى قادامدا قىزمەت اترەتى تاعى دا قىستاق تۇرعىندارىنىڭ ءىس جۇزىندىك قيىنشىلىقتارىن شەشۋىنە ۇزدىكسىز قول ۇشىن بەرىپ، كوكتەمگى ءوندىرىس قىزمەتىن ويداعىداي ىستەۋىنە كومەكتەسەدى. سونىمەن بىرگە، قىزمەت اترەتىنىڭ باسىمدىعىن ساۋلەلەندىرىپ، قىستاق تۇرعىندارىنا ەكى ءماجىلىستىڭ رۋحى مەن مەملەكەتتىڭ ابزال ساياساتىن ۇگىتتەپ، قىستاق تۇرعىندارىنىڭ ەڭبەك ارقىلى اناعۇرلىم كوركەم، باقىتتى تۇرمىس جاراتۋ سەنىمىن تاسقىنداتا تۇسەمىز“ دەدى ماحمۇت.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى