ءتىلشىمىز لي شيا، ەرىكتى ءتىلشى ياڭ تيڭ حابارلايدى. جۋىقتا شاعانتوعاي اۋدانىنىڭ ميڭياڭ باسباي مال شارۋاشىلىعى باعىمشىلىق كاسىپتىك سەلبەستىك كووپەراتيۆىندە، قىزمەتكەر ايسارا باقىت قويلارعا تەكسەرۋ جۇرگىزىپ، عىلمي جولمەن ىندەتكە جۇعىمدالۋدىڭ الدىن الدى. تەكسەرۋدەن وتكەن قويلار حۋنان، حۋبەي، گۋاڭجوۋ، جىجياڭ سياقتى جەرلەرگە ساتىلادى ەكەن.
2021 -جىلى شاعانتوعاي اۋداندىق مال شارۋاشىلىعى -مال شيپاگەرلىگى مەكەمەسىنىڭ قارابۋرا اۋىلى مال شارۋاشىلىق جاڭا قىستاعىندا تۇراتىن قىزمەت اترەتى مەن قىستاق ”ەكى كوميتەتى“ 4 ميلليون يۋان نىسان قارجىسىن قولعا كەلتىرىپ، جاڭادان 12 مىڭ شارشى مەترلىك باسباي قويىنىڭ ولشەمدەندىرىلگەن باعىمشىلىق بازاسىن سالعان. قىستاق پارتيا ياچەيكاسى باستاماشىلدىقپەن ميڭياڭ باسباي قويى مال باعىمشىلىعى كاسىپتىك سەلبەستىك كووپەراتيۆىن قۇرىپ، 50 قىستاق تۇرعىنى قويلارىن جارنا رەتىندە كووپەراتيۆكە قوسىپ،”پارتيا ياچەيكاسى + سەلبەستىك كووپەراتيۆ + شارۋا وتباسى“سىندى مال شارۋاشىلىعىن دامىتۋ ۇلگىسىن قالىپتاستىرىپ، شوعىرلى باعۋ، عىلمي باسقارۋ، ءبىر تۇتاس ساتۋدى جۇزەگە اسىردى.
بيىل جىل باسىنان بەرى، سەلبەستىك كووپەراتيۆىنىڭ، باعىمشى وتباسىلاردىڭ قاجەتىنە ساي، اۋداندىق مال شارۋاشىلىعى -مال شيپاگەرلىگى مەكەمەسى مەرزىم بويىنشا تەحنيكتەردى قىستاق -دۇيلەرگە، مال شارۋاشىلىعى رايوندارىنا، باعىمشىلىق بازالارىنا جىبەرىپ، ءتول الۋ، ىندەتتىڭ الدىن الۋ سياقتى قىزمەتتەرگە جەتەكشىلىك ەتىپ كەلەدى. سونىمەن بىرگە، دوۋيىن، كۋايشوۋ، ءۇنحات دوستىق شەڭبەرى سياقتى ينتەرنەت تۇعىرلارىنان پايدالانىپ، ەگىنشى -مالشىلاردىڭ باعىمشىلىق تەحنيكاسى جاعىندا جولىققان قيىنشىلىقتارىن شەشتى.
اۋداندىق مال شارۋاشىلىعى -مال شيپاگەرلىگى مەكەمەسىنىڭ ورىنباسار باستىعى يۇي يۇڭ:” اۆتونوميالى رايوننىڭ باعالاۋ ولشەمى بويىنشا، تۇتاس اۋدانداعى باسباي قويىنىڭ ءناسىل ەرەكشەلىگىنە، ءجۇنىنىڭ تۇسىنە، تىسىنە، دەنساۋلىق كۇيىنە تەكسەرۋ جۇرگىزىپ، سالماعى، دەنە تۇرقى، بيىكتىگى سياقتى ءتۇرلى كورسەتكىشتەردى ولشەپ، شاعانتوعاي اۋدانىنىڭ باسباي قويىن سۇرىپتاپ ساپالىلاندىرۋ جانە ناسىلشىلىك سەنترلى تابىنىن سارالاپ جەتىلدىرۋ سياقتى سوڭعى تاجىريبەلەرگە بەرىك نەگىز قالاپ، باسباي قويىنىڭ ەلىمىزدىڭ جەر-جەرىنە ساتىلۋىنا كۇش قوسىپ كەلەمىز“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى