ءتىلشىمىز سۇڭ جيانلياڭ، ەرىكتى ءتىلشى سۇن جىكۇن حابارلايدى. 3 -ايدىڭ 17 -كۇنى تۇستەن كەيىن”شيحۋ-ساۋاننىڭ كوركەم كورىنىسىن ساياحاتتاۋ. تيانشان جاعراپيالىق كورىنىس ءدالىزىن تاماشالاۋ“ تاقىرىبىنداعى تارباعاتاي ايماعىنىڭ (شيحۋ، ساۋان) كوكتەمگى ساياحاتتى تانىستىرۋ جينالىسى ساۋان قالاسىندا وتكىزىلىپ، ساۋان قالاسى مەن شيحۋ قالاسىنىڭ ساپالى ساياحات بايلىعىن ۇگىتتەپ، S101 لەنياسى بويىنداعى تيانشان جاعراپيالىق كورىنىس ءدالىزى سارا لەنياسىن ىشكەرىلەي اشتى.
تانىستىرۋ جينالىسىندا ۇگىت كەسكىن -سۋرەتىن كورسەتۋ سياقتى فورمالارمەن 81 ءتۇيىندى ساياحات سەرىكتەستىگىنە، 8 اقپارات قۇرالىنا، 7 ساياحات كاسىپورنىنا ساۋان قالاسى مەن شيحۋ قالاسىنىڭ ساپالى ساياحات بايلىعى، سونداي -اق ”S101 لەنياسى بويىنداعى تيانشان جاعراپيالىق كورىنىس ءدالىزىنىڭ شيحۋ قالاسى مەن ساۋان قالاسىنداعى 3 كۇندىك ساياحات“، ”S101 لەنياسى بويىنداعى تيانشان جاعراپيالىق كورىنىس ءدالىزىنىڭ ساۋان بولىگىندەگى 2 كۇندىك ساياحات جەلىسى“، ”مايتاۋ–كۇشار تاس جولىنىڭ S101 لەنياسىمەن تۇتاسقان ساۋان بولىگىندەگى ساياحات جەلىسى“، ”ساۋاننىڭ اۋىل -قىستاق ساياحات جەلىسى“ سياقتى 7 سارا ساياحات جەلىسى تانىستىرىلدى.
ساۋان قالالىق مادەنيەت -دەنە تاربيە، راديو-تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ۇلۋجان كورىنىس رايونىن باسقارۋ كوميتەتى پارتيا باسشىلىق گرۋپپاسىنىڭ شۋجيى ياڭ شۇيگۋاڭ بىلاي دەدى:”ساۋان قالاسى ۇلۋجان مەملەكەتتىك 4A دارەجەلى كورىنىس رايونى مەن S101 لەنياسى بويىنداعى تيانشان جاعراپيالىق كورىنىس ءدالىزى سارا جەلىسىن ءتۇيىندى تۇردە تانىستىردى، اناعۇرلىم كوپ ساياحاتشىنىڭ ساۋاننىڭ كوركەم جاراتىلىستىق كورىنىسىن تاماشالاۋىن ءۇمىت ەتەمىن“.
تانىستىرۋ جينالىسىندا ساۋان قالالىق جانە شيحۋ قالالىق مادەنيەت -ساياحات مەكەمەسى شينجياڭ ۇيعۇر اۆتونوميالى رايوندىق ساياحات كورىنىس رايونى (ءتۇيىنى) قوعامىمەن 2023 -جىلعى ستراتەگيالىق سەلبەستىك كەلىسىمىنە قول قويىسىپ، بايلىقتان ورتاق يگىلىكتەنەتىن، ساياحات جەلىسىن ءوزارا تۇتاستىراتىن، ينفورماتسيانى ءوزارا تۇتاستىراتىن وڭىرلىك ساياحات سەلبەستىگىنىڭ جاڭا ۇلگىسىن ورناتتى. ساۋان اراسان كورىنىس رايونىنداعى تيانسىشىڭچۋان قوناقجايى مەيچىڭ حالىقارالىق ساياحات سەرىكتەستىگىمەن، شينجياڭ چۋانيۇيسىشياڭ حالىقارالىق ساياحات جانە شينجياڭ كاڭلى جياچي حالىقارالىق ساياحات سەرىكتەستىگىمەن ناق مايداندا كەلىسىمگە قول قويىستى.
شينجياڭ تيانسىشىڭچۋان ساياحاتتى دامىتۋ شەكتى سەرىكتەستىگىنىڭ باس ديرەكتورى گى ۋاڭيۇڭ بىلاي دەدى: ”وسى رەتكى تانىستىرۋ جينالىسىندا ءبىز 10 ساياحات سەرىكتەستىگىمەن جانە ساياحات قوعامىمەن ستراتەگيالىق ورتاق يگىلىكتەنۋ كەلىسىمىن جاساستىق، نەگىزىنەن توپتىق ساياحاتشىلاردى كۇتىپ الۋ، ساياحات بايلىعىنان بىرگە يگىلىكتەنۋ جانە سارا جەلىلەردى بەلگىلەۋ سياقتى مازمۇنداردى قامتيدى. كەلەسى قادامدا كورىنىس رايونىنىڭ اراسان، قونالقى سياقتى قۇرىلعى -جابدىقتارى قۇرىلىسىن كەمەلدەندىرىپ، ساياحاتشى قابىلداۋ قىزمەتىنە باۋلۋ دى ويداعىداي ىستەپ، قىزمەت وتەۋ ساپاسىن، كورىنىس رايونىنىڭ كوتەرىمدىلىك قۋاتىن، تۇتىنۋ ساپاسىن اناعۇرلىم جوعارىلاتىپ، تۇتىنۋ مولشەرىن ارتتىرىپ، ساۋان اراسانى ماركاسىن جاراتامىز“.
3 ـ ايدىڭ 18-كۇنى S101 لەنياسىنىڭ شيحۋ-ساۋان بولىگىندەگى سارا ساياحات جەلىسىندەگى ۇلۋجان جايلاۋىنىڭ، ۇلاستايدىڭ كوركەم كورىنىسى، شيحۋ-ساۋان انجىحاي ۇلكەن اڭعارىنىڭ ايبىندى بەينەسى تانىستىرۋ جينالىسىنا قاتىناسقان ساياحاتشىلارعا تەرەڭ اسەر قالدىردى، جاپا -تارماعاي سۋرەتكە ءتۇسىپ، ساياحاتتاعان جەرلەرىن جەلىگە تاراتقان ساياحاتشىلار ءبىر اۋىزدان S101 لەنياسىنىڭ شيحۋ -ساۋان بولىگىنىڭ ساياحات بايلىعى مول، ساياحات بازارىنىڭ دامۋ كومەسكى كۇشى زور ەكەندىگىن ايتتى.
شينجياڭ جۇڭلۇي حالىقارالىق ساياحات شەكتى سەرىكتەستىگىنىڭ جوسپارلاۋ، ورنالاستىرۋ قىزمەتكەرى جاۋ يۇيسۇڭ: ”ساۋانعا كەلىپ مول تابىسقا يە بولدىق، بۇگىنگى تانىستىرۋ جينالىسى ەرەكشە تارتىمدى بولىپ، S101 لەنياسىنىڭ ساۋان بولىگىندەگى كورىنىس تۇيىندەرىنىڭ كومەسكى كۇشىن اڭعاردىق، اسىرەسە، اراسان قوناقجايىنىڭ ولشەمى جوعارى، قىزمەت وتەۋى ساپالى ەكەن. قايتىپ بارعاننان كەيىن بىرنەشە ەرەكشە جەلىنى تۇراقتاندىرىپ، ساۋاننىڭ كوركەم كورىنىسىن، ءدامدى تاعامدارىن جانە مادەنيەتىن ەل ءىشى - سىرتىنداعى ساياحاتشىلارعا تانىستىرىپ، شينجياڭدى ساياحاتتاۋدى، ساۋاندى ساياحاتتاۋدى جالعاستى قىزۋ ورلەۋگە كوتەرەمىز“ دەدى.
جالپى ۇزىندىعى 304 كيلومەتر كەلەتىن S101 لەنياسى بويىنداعى تيانشان جاعراپيالىق كورىنىس ءدالىزىنىڭ تارباعاتاي شەكاراسى ىشىندەگى ۇزىندىعى 145 كيلومەتر، مۇنىڭ ىشىندە ساياحاتشىلار ”اسپانمەن تىلدەسكەن ساحارا“ اتانعان ۇلۋجان جانە”تابيعي بۇت“ اتانعان شيحۋ فوشان مەملەكەتتىك ورمان باقشاسى سىندى 4A دارەجەلى 2 ساياحات كورىنىس رايونى، تىنىعۋ -كۇتىنۋ ساياحاتىندا تاپتىرماس جەر بولعان اراسان كورىنىس رايونى، دۇڭداتاڭ، ۇلاستاي، وستۋ سياقتى كوپتەگەن ساپالى كورىنىس رايوندارى، كورىنىس تۇيىندەرى بار، فوتو سۋرەت تارتۋ، ەكسپەدەتسيا، جاياۋ ءجۇرۋ، ءوز كولىگىمەن ساياحاتتاۋ ءبىر تۇلعالانعان سارا ساياحات لەنياسى ەسەپتەلەدى.
شينجياڭ كاڭلىجياچي حالىقارالىق ساياحات مەكەمەسى ءۇرىمجى لۇيماما ساياحات مەكەمەسى جاۋاپتىسى ۋاڭ دۇڭمەي:” وسى رەتكى تانىستىرۋ جينالىسى ءدال كەزىندە اشىلىپ، كوكتەمگى ساياحاتتىڭ دانەكەرىنە اينالىپ، توتەنشە تاماشا وراي اكەلدى. S101 لەنياسىنىڭ ساۋان -شيحۋ بولىگىنىڭ بويىندا قىزمەت وتەۋ قۇرىلعىسى، كورىنىس تاماشالاۋ تۇعىرى سياقتى قۇرىلعىلارى ءبىرشاما جاقسى بولىپ، الدا وسى ساياحات جەلىسىن پايدالانۋ سەنىمىمىزدى ارتتىردى. وسى رەتكى تانىستىرۋ جينالىسىنىڭ ساياحاتشىلاردى S101 لەنياسىن بويلاپ جول بويىنداعى كوركەم كورىنىستەردى تاماشالاۋعا باۋراپ، وسى ساياحات لەنيالارىن دامىتا ءتۇسۋىن ءۇمىت ەتەمىز“ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى