بۇقارانى قارجى جاعىنداعى قيىنشىلىق قىسپاعىنان قۇتىلدىردى، اۋىل شارۋاشىلىعى قۇرىلىمىن رەتتەدى، جۇمىستانۋدى سايكەستىردى ...
قىزمەت اترەتى قىستاق تۇرعىندارىنىڭ اۋقاتتانۋىنا جول اشىپ بەردى
ۇسىنىس ەتىلگەن ءتىلشى ليۋ پىڭ حابارلايدى. بۇقارانى قارجى جاعىنداعى قيىنشىلىق قىسپاعىنان قۇتىلدىردى، اۋىل شارۋاشىلىعى قۇرىلىمىن رەتتەدى، جۇمىستانۋدى سايكەستىردى... اۋىل - قىستاقتى گۇلدەندىرۋدە تارباعاتاي كۇنلۇن قىستاق - قالاشىق بانكەسىنىڭ ءدوربىلجىن اۋدانى قالاماڭى اۋىلى حويۇرمودۇن قىستاعىندا تۇراتىن قىزمەت اترەتى باستاماشىلىق رولىن ساۋلەلەندىرىپ، بۇقارا ءۇشىن ناقتى ىستەر ىستەپ، ولاردىڭ اۋقاتتانۋىنا جول اشىپ بەردى.
ءوندىرىس جاعىندا : قارىز اقشا تاراتىپ، قىستاق تۇرعىندارىن بىلەك سىبانا ىستەۋگە جەتەلەدى
حويۇرمودۇن قىستاعىندا 283 وتباسى، 850 تۇرعىن، 32 مىڭ مۋ ەگىستىك جەر بار. ءار جىلى كوكتەمگى ەگىس ءوندىرىسى قىرۋار قارجىنى قاجەت ەتەدى.
قىستاق تۇرعىندارىنا قارىز اقشا تاراتىپ، كوكتەمگى ەگىسكە ”فينانس تىڭايتقىشىن“ تولىق بەرۋ ءۇشىن، قىزمەت اترەتىنىڭ باستىعى، قىستاقتىڭ ءبىرىنشى شۋجيى ۋاڭ فانلۇڭ تارباعاتاي كۇنلۇن قىستاق -قالاشىق بانكەسىمەن بەلسەنە سايكەسىپ، نىساندى تەكسەرۋ، تەكسەرىپ -بەكىتۋ سياقتى باسقىشتاردى ىقشامداپ، قازىرگە دەيىن 98 قىستاق تۇرعىنىنىڭ كوكتەمگى ەگىس وندىرىسىنە 30 ميلليون يۋانعا جۋىق قارىز اقشا تاراتىپ، قىستاق تۇرعىندارىنىڭ كوڭىلىن ورنىقتىردى.
”بىلتىر 3000 مۋ جەر كوتەرمەگە الىپ، ءبىر ميلليون 500 مىڭ يۋان قارىز اقشا العان بولاتىنمىن، ءبىراق ءوندىرىس بارىسىندا بۇل قارجى جەتىسپەي قالدى. بيىل قىزمەت اترەتىنىڭ كومەگىندە 2 ميلليون يۋان قارىز اقشا الدىم“دەدى قىستاق تۇرعىنى نيمان قىزمەت اترەتىنىڭ شارۋالارعا قارجى جاعىنان كومەكتەسكەنى تۋرالى ءسوز بولعاندا جۇزىنەن كۇلكى ەسىپ.
كاسىپ سالاسى جاعىندا: قىستاق تۇرعىندارىنىڭ كىرىستى ارتتىرۋىنا كومەكتەستى
2021-جىلى قىزمەت اترەتى مەن قىستاق”ەكى كوميتەتى“بازارعا تەكسەرۋ جۇرگىزۋ ارقىلى كوكباس جۇگەرى ەگۋدىڭ ونىمدىلىگى جاقسى ەكەنىن بايقايدى دا، ەگىمشىلىك قۇرىلىمىن دەر كەزىندە رەتتەپ، سول جىلى ءدوربىلجىن اۋداندىق لۇيشياڭ جەمىس -جيدەك، كوكونىس شەكتى سەرىكتەستىگىمەن ”سەلبەستىك كەلىسىمىنە قول قويىسىپ، قىستاق تۇرعىندارىن 3000 مۋ جەرگە تاپسىرىسپەن كوكباس جۇگەرى ەگۋگە جەتەلەپ، مۋ باسىندىق كىرىسى 2800 يۋانعا جەتتى.
قىستاق تۇرعىنى ما جينۋىن: ”بىلتىر 1500 مۋ جەرگە كوكباس جۇگەرى ەكتىم، بۇرىنعى داقىلدارعا قاراعاندا ءونىمى جاقسى بولدى، قىزمەت اترەتىنە راقىمەت“ دەدى.
بيىل قىزمەت اترەتى مەن قىستاق”ەكى كوميتەتى“ شينجياڭداعى تاعى ءبىر كاسىپورىنمەن سەلبەستىك جاساپ، 40 نەشە قىستاق تۇرعىنىن 5000 مۋ جەرگە تاپسىرىسپەن اسقاباق ەگۋگە جەتەلەپ، 2 جىل ىشىندە 10 مىڭ مۋلىق اسقاباق ەگىمشىلىك بازاسىن قۇرىپ، قىستاق تۇرعىندارىن اۋقاتتانىپ، كىرىستەرىن ارتتىرۋعا كۇش سالدى.
جۇمىستاندىرۋ جاعىندا: ونەر ۇيرەتىپ، جۇمىس ورنىمەن قامدادى
جۇمىستاندىرۋ ــ حالىق تۇرمىسىنىڭ نەگىزى. قىزمەت اترەتى قىستاقتاعى 33 تومەن كىرىستى وتباسىنىڭ قارجى دا، تەحنيكا دا كەمشىل بولىپ، وتباسىنداعى ازعانتاي جەرىنىڭ كوتەرمەگە بەرۋ اقىسىنا سۇيەنىپ كۇنەلتىپ كەلگەن جاعدايىن كوزدەي وتىرىپ، جەرگىلىكتى جاعدايعا قاراي ءتۇرلى اقىسىز كاسىپتىك شەبەرلىككە باۋلۋ كۋرستارىن اشۋمەن بىرگە، ماڭىنداعى كاسىپورىندارمەن، قۇرىلىس ورىندارىمەن سايكەسىپ، 300 نەشە قىستاق تۇرعىنىنىڭ ۇيرەنگەن ونەرلەرىنە سۇيەنىپ، كىرىس كىرگىزۋىنە جاعداي جاسادى.
45 جاستاعى قىستاق تۇرعىنى مەيىرقان قۇلجاقان مۇگەدەك، جۇبايى اۋرۋشاڭ بولاتىن، ەكى بالاسى مەكتەپتە وقيتىن، قىزمەت اترەتىنىڭ كومەگىندە مەيىرقان مەن جۇبايى ءبىرى اماندىق ساقتاۋشى، ءبىرى تازالىقشى بولىپ ىستەپ، اي سايىن ءارقايسىسى 3000 يۋاننان ەڭبەكاقى الاتىن بولدى.
” قازىر تۇرمىسىمىز بارعان سايىن جاقسارىپ كەلەدى، قىزمەت اترەتىنە راقىمەت“ دەدى مەيىرقان قۇلجاقان.
” الداعى جەردە بۇقارانىڭ ءىسىن جالعاستى كوكەيدە ساقتاپ، قىستاق تۇرعىندارىنىڭ كىرىسىن ارتتىرىپ اۋقاتتانۋعا باستاپ، تۇرمىسىن كۇننەن كۇنگە جاقسارتا تۇسەمىز “دەدى ۋاڭ فانلۇڭ.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى