پارتيا 20 -قۇرىلتايىنىڭ رۋحىن دايەكتىلەندىرۋ، تياناقتاندىرۋ، اۆتونوميالى رايوندىق 10 -كەزەكتى پارتكومنىڭ جەتىنشى جالپى ماجىلىسىندەگى جانە ايماقتىق پارتكومنىڭ كەڭەيتىلگەن ماجىلىسىندەگى ورنالاستىرۋلاردى تياناقتاندىرۋ ءۇشىن، قوعامنىڭ ءار سالاسىنان ۇسىنىس -پىكىر الۋ نەگىزىندە، ايماقتىق پارتكوم، اكىمشىلىك مەكەمەسى اقىلداسۋ ارقىلى 2023 -جىلى حالىق تۇرمىسىنا قاتىستى مىناداي 10 ناقتى ءىستى اتقارۋدى ۇيعاردى:
1. قالا-اۋىلدىڭ قونىس ورتاسى مەن ءجۇرىس -تۇرىس شارت -جاعدايىن ۇزدىكسىز جاقسارتۋ. الەۋمەتتىك جالعا بەرىلەتىن 600 ءۇيدىڭ قۇرىلىسىن باستاۋ، قالا -قالاشىقتارداعى لاشىقتى وڭىرلەردە 1250 ءۇيدى جاڭالاۋ، كونە شاعىن رايوندارداعى 4940 وتباسىنداعى تۇرعىندى قامتىعان 25 شاعىن رايوندى جاڭالاۋ. قالاداعى پۇشپاق جەرلەردەن پايدالانىپ، قالادان 2 باقشا، 11 شاعىن باقشا سالۋ. اۆتوكولىك توقتاتۋ الاڭى قۇرىلىسى تەبىنىن ۇزدىكسىز ارتتىرىپ، 8 اۆتوكولىك توقتاتۋ الاڭى قۇرىلىسىن باستاپ، 1700 دەن استام اۆتوكولىك توقتاتۋ ورنىن تىڭنان ارتتىرۋ. ”تورتتە جاقسى اۋىل -قىستاق جولى“ قۇرىلىسىن ىشكەرىلەي ىلگەرىلەتىپ، 100 كيلومەتردەن استام اۋىل -قىستاق تاس جولىن جاڭادان سالۋ نەمەسە جاڭالاپ سالۋ، 110 كيلومەترلىك اۋىل -قىستاق تاس جولىنا حاۋىپسىزدىك ينجەنەرياسىن اتقارىپ، اۋىل -قىستاقتىڭ تاس جولىنىڭ ىركىلىسسىزدىگى مەن حاۋىپسىزدىگىن قامتاماسىزداندىرۋ دەڭگەيىن ونان ارى جوعارىلاتۋ.
2. نەگىزدىك وقۋ-اعارتۋدىڭ دامۋ ورەسىن جوعارىلاتۋ. مىندەتتى وقۋ-اعارتۋ ساتىسىنان تولىق ورتا مەكتەپ ساتىسىنا دەيىنگى وقۋشىلارعا 70 ميلليون يۋان قارجىلاي كومەك بەرۋدى تياناقتاندىرىپ، يگىلىكتەنەتىندەر سانىن 100 مىڭ ادام - رەتكە جەتكىزۋ. مىندەتتى وقۋ - اعارتۋدىڭ ءالسىز بۋىندارىن جاقسارتۋ جانە قابىلەتىن جوعارىلاتۋ، اۋىل - قىستاق مەكتەپتەرىنىڭ قۇرىلعى حاۋىپسىزدىگى، ادەتتەگى ورتا مەكتەپ سياقتى نىسان قۇرىلىستارىن ىلگەرىلەتىپ، ءتۇرلى مەكتەپتەردەن 80 ىن رەمونتتاۋ جانە جاڭالاپ سالۋ، اۋىل -قىستاقتاعى 91 ورتا، باستاۋىش مەكتەپتەگى وقۋشىلارعا وقىتۋ تاجىريبە اسپابى، مۋزيكا، دەنە تاربيە، اسەمونەر جابدىقتارى، ۇستەل - ورىندىق، كومپيۋتەر سياقتى 24 مىڭ 240 دانا وقىتۋ جابدىعىن تولىقتاپ، مەكتەپتەردىڭ وقىتۋ شارت -جاعدايىن كۇش سالا جاقسارتۋ.
3. ەمدەۋ، دەنساۋلىق ساقتاۋدى قامتاماسىزداندىرۋ تەبىنىن ارتتىرۋ. ”تۇراقتى + ارالاۋ“ سىندى دەنساۋلىق تەكسەرۋ ءتاسىلى ارقىلى 602 مىڭ 300 ادامعا جالعاستى جالپى حالىقتىق دەنساۋلىق تەكسەرۋىن جۇرگىزۋ. تۇتاس ايماقتاعى بەلگىلەنگەن ەمدەۋ قۇرىلىمدارى مەن ءدارى -دارمەكتى بولشەك ساتۋ دۇكەندەرىنىڭ ەمدەۋ قامسىزداندىرۋىنا قاتىستى ەلەكتروندى تالونىن تۇتاس بارىستىق قولدانۋعا قولداۋ كورسەتۋدى ىلگەرىلەتىپ، قامسىزداندىرۋعا قاتىناسقان بۇقارانىڭ ەمدەۋ قامسىزداندىرۋىنا قاتىستى ەلەكتروندى تالون ارقىلى الدىن الا ءنومىر الۋ، ناۋقاس كورسەتۋ، تەكسەرىلۋ، ءدارى ـ دارمەك الۋ، ەمدەۋ قامسىزداندىرۋىنان ەسەپ جابۋ، ەمدەلۋ ناتيجەسىن تەكسەرۋ سياقتى ەمدەلۋ باسقىشتارىن جەلىدە ءبىتىرۋدى جۇزەگە اسىرىپ، بۇقارانىڭ ناۋقاس كورسەتۋ ءۇشىن توسىپ وتىرۋ ۋاقىتىن بارىنشا قىسقارتۋ.
4. بۇقارانىڭ رۋحاني مادەنيەت تۇرمىسىن بايىتۋ. 240 مايداننان (رەت) استام ”انار ءدانى“مادەنيەت -كوركەمونەر شاعىن اترەتىنىڭ ايماق، اۋدان ەكى دارەجەلى مادەنيەتتى نەگىزگى ساتىعا جەتكىزىپ، حالىققا تيىمدىلىك جاساۋ كونسەرتىن قويۋ، 300 مايداننان (رەت) استام ايماق، اۋدان ەكى دارەجەلى ”2023-جىلعى ماي بوياۋلى سۋرەتتەي تارباعاتاي مادەنيەت - ساياحات كوركەمونەر ماۋسىمى“ جەلىلەس قيمىلىن ورىستەتۋ، ” 23 -ءساۋىر“ جالپى حالىقتىق كىتاپ وقۋ جەلىلەس قيمىلىن جانە ”جىلجىمالى مۇراجايدى“ ارالاپ كورمەلەۋ قيمىلىن ورىستەتۋ. اۋدانداردا (قالا) 3 شاعىن دەنە تاربيە باقشاسىن، 2 دەنە شىنىقتىراتىن جاياۋلار جولىن، 2 كوپ فۋنكتسيالى دەنە تاربيە الاڭىن، 2 قوعامدىق فۋتبول الاڭىن سالۋدى ىلگەرىلەتىپ، كولەمدى دەنە تاربيە الاڭ - سارايلارىنىڭ قوعامعا تەگىن نەمەسە تومەن باعادا اشىلۋىن ىلگەرىلەتۋ. اۋىل - قالاشىق، مالىلەردەگى دەنە شىنىقتىرۋ الاڭدارىنىڭ قۇرىلعى-جابدىقتارىن سەپتەۋدى كۇشەيتىپ، كوپ ساتىلى دەنە شىنىقتىرۋ قۇرىلعى تورابىن جانە قالا -قالاشىقتاردا 15 مينۋتتىق دەنە شىنىقتىرۋ شەڭبەرىن قۇرۋ.
5. كاسىپورىندارعا تيىمدىلىك جاساپ، حالىققا پايدا جەتكىزىپ، قولايلىلىق جاراتۋ دەڭگەيىن جوعارىلاتۋ. ايماق، اۋدان (قالا) ەكى دارەجەلى اكىمشىلىك قىزمەت وتەۋ زالىندا «ءبىر جولدا حابارلاندىرۋ ءتۇزىمى»، «شەكتى ۋاقىتتا ءبىتىرۋ ءتۇزىمى»، «قىزمەت وتەۋ جونىندە ۋادە بەرۋ ءتۇزىمى» قىزمەت ءتۇزىمىن جاپپاي اتقارۋ. 24 ساعاتتىق اۆتوماتتى قىزمەت وتەۋ زالىن قۇرىپ، قوعامدىق قامسىزداندىرۋ، ەمدەۋ قامسىزداندىرۋى، قوعام حاۋىپسىزدىگى، بازار باقىلاۋ - باسقارۋ، سۋ، ەلەكتر، گاز سياقتى فۋنكتسيالاردى جاپپاي بىرىكتىرىپ، بۇقارانى 24 ساعات دامىلسىز قىزمەت وتەۋدەن يگىلىكتەندىرۋ. كاسىپورىن اشۋ ءتارتىبىن ساپالىلاندىرىپ، كاسىپورىن اشۋ ۋاقىتىن ءبىر قىزمەت كۇنى ىشىندە قىسقارتىپ، كاسىپورىنداردىڭ، جەكە ساۋدا -ونەركاسىپشىلەردىڭ، شارۋالار كاسىپتىك سەلبەستىك كووپەراتيۆتەرىنىڭ جەلىدە دەربەس ءوتىنىش ەتۋىن جاپپاي جولعا قويۋ. ”تارباعاتاي ساۋعا سومكەسى“ قىزمەت وتەۋىن جاپپاي جولعا قويىپ، جاڭادان قۇرىلعان كاسىپورىندارعا سەرىكتەستىكتىڭ تاڭباسىن، باجى ىستەرى تاڭباسىن، قازىنا تاڭباسىن، زاڭدى يەسىنىڭ ءمورىن تەگىن جاساپ، كاسىپورىن اشۋ قاراجاتى شىعىسى بولماۋدى جۇزەگە اسىرۋ.
6. بۇقارانىڭ ازىق -تۇلىك، ءدارى - دارمەك حاۋىپسىزدىگىن قامتاماسىز ەتۋ. ايماق بويىنشا ازىق -تۇلىك حاۋىپسىزدىگىن ۇلگى الىپ تەكسەرۋدى ءار مىڭ ادامعا 3 رەتكە جەتكىزىپ، مەكتەپ اسحاناسى، شاعىن تاعامجاي سياقتى قوعامنىڭ نازار اۋدارۋ دارەجەسى جوعارى بولعان ءتۇيىندى ورىندارعا %100 تولىق ۇلگى الىپ تەكسەرۋ جۇرگىزۋ. ءدارى -دارمەككە، ەمدەۋ جابدىقتارىنا، بەزەنۋ بۇيىمدارىنا باقىلاۋ-ۇلگى الىپ تەكسەرۋ جانە باعالاۋ سيپاتتى ۇلگى الىپ تەكسەرۋ جۇرگىزۋ قىزمەتىن ورىستەتىپ، ۇلگى الىپ تەكسەرۋدىڭ قامتۋ مولشەرىن ءار 10 مىڭ ادامعا 2 رەتكە جەتكىزىپ، جالپى بەتتىك تەكسەرۋ مولشەرىن % 90 تەن تومەندەتپەۋ، تولىمسىز ونىمدەردى ءبىر جاقتى ەتۋ مولشەرىن %100 كە جەتكىزۋ.
7. كورىكتى اۋىل -قىستاق قۇرىلىسىن ۇزدىكسىز ىلگەرىلەتۋ. 92 قىستاقتى جاسىلداندىرۋ، كورىكتەندىرۋ نىسانى قۇرىلىسىن اتقارۋ. وتانشىلدىق تازالىق قيمىلىن ىشكەرىلەي ورىستەتىپ، مەكتەپ، ساۋدا سارايى، باقشا، ساياحات كورىنىس تۇيىندەرى، قالا مەن اۋىلدىڭ ءتۇيىلىسى، اۋىل شارۋاشىلىق ساۋدا بازارى سياقتى شەشۋشى ورىنداردى ءتۇيىندى تۇردە شوعىرلى رەتتەۋ-وڭاۋ. جاڭادان 2054 دارەتحانا سالۋ، ماسەلە ساقتالعان 4465 دارەتحانانى رەتتەۋ-وڭاۋ، 28 اۋىل -قىستاق دارەتحانا توڭكەرىسىن تۇتاس قىستاق بويىنشا ىلگەرىلەتۋ ينجەنەرياسى مەن 3 اكىمشىلىك قىستاقتا دايراق پەن لاس سۋدى ءبىر تۇلعالاندىرىپ ءبىر جاقتى ەتۋ نىسان قۇرىلىسىن جۇرگىزۋ. 3 اۋدانعا قاراستى (قالا) 37 ورىنداعى اۋىل -قىستاق اۋىز سۋ قۇرىلعىسىن رەمونتتاپ، كۇتىمدەپ، اۋىل ـ قىستاقتاعى 143 مىڭ جان ساندى سۋمەن قامداۋدى قامتاماسىز ەتۋ دەڭگەيىن بەكەمدەۋ جانە جوعارىلاتۋ.
8. قارتتار مەن بالالارعا قوعامدىق قامقورلىق جاساۋ تەبىنىن ارتتىرۋ. قالالارداعى الەۋمەتتىك اۋماقتاعى قارتتاردى كۇتىمدەۋ بويىنشا ”التىن ءتۇستى كەشكى شاپاق“ ينجەنەرياسىن اتقارىپ، 6 الەۋمەتتىك اۋماقتا قارتتاردى كۇندىز كۇتىمدەۋ ورتالىعىن جاڭادان سالۋ، قالا رايوندارىندا قارتتاردى ۇيىندە كۇتىمدەۋ بويىنشا ”شەرىك ساعاتتىق“ قىزمەت وتەۋ شەڭبەرىن قۇرۋ. جالپىعا ءتيىمدى بالا باعۋ قىزمەت وتەۋى ارناۋلى ارەكەتىن ورىستەتىپ، اۋدانداردىڭ (قالا) %60 ىندە بالا باعۋدا ۇلگى كورسەتەتىن كەمىندە ءبىر قۇرىلىم قۇرۋدى جۇزەگە اسىرۋ، بالا باقشالارىندا 2 دە 3 جاستاعى سابيلەردى باعۋ كلاسىن اشۋ قىزمەتىن ىلگەرىلەتۋ. قالالارداعى ۇكىمەت اشقان بالا باقشالارىنا قابىلداناتىن بالا سانىن ۇزدىكسىز ارتتىرىپ، قالالارداعى ۇكىمەت اشقان بالا باقشالارىنا جاڭادان قابىلداناتىن بالا سانىن 720 عا جەتكىزىپ، قالالارداعى ۇكىمەت اشقان بالا باقشالارىنىڭ قابىلدايتىن بالا سانى جەتىسپەۋ جانە ساپالى وقۋ - اعارتۋ بايلىعىنىڭ بىركەلكى، جەتكىلىكتى بولماۋى سىندى قيىن ماسەلەلەردى بىرتىندەپ شەشۋ.
9. قيىنشىلىعى بار قاۋىمعا كومەكتەسۋ - سۇيەمەلدەۋ قىزمەتىن جاقسى ىستەۋ. قالا، اۋىلدارداعى ەڭ تومەنگى تۇرمىسى قامتاماسىزداندىرىلاتىنداردى، ەرەكشە قيىنشىلىعى بارلاردى جانە مۇگەدەكتەردى قامتاماسىزداندىرۋ دەڭگەيىن ۇزدىكسىز جوعارىلاتۋ. 700 سالماقتى مۇگەدەكتىڭ ءۇيىن مۇگەدەكتەرگە ىڭعايلى ەتىپ جاڭالاۋ، قاجەتىنە قاراي الاسا قازاندىق، كولبەۋ جول، جاقتاۋ سياقتى مۇگەدەكتەرگە ىڭعايلى قۇرىلعىلاردى ورناتىپ، ۇيىندەگى اسحانا، تازالىق بولمەسى سياقتى تۇرمىستىق قۇرىلعىلاردى جاڭالاپ، مۇگەدەكتەردىڭ كۇندەلىكتى تۇرمىسىنا جانە دەربەس تۇرمىس كەشىرۋىنە قولايلىلىق تۋدىرۋ. 0 جاستان 6 جاس ارالىعىنداعى 52 مۇگەدەك بالانى قۇتقارۋ، ساۋىقتىرۋ قاجەتى بويىنشا ەستۋ قابىلەتى تومەن، قول -اياعى كەمتار نەمەسە اقىل -ەسى كەمتار بالالار مەن بۇقپا اۋرۋىنا شالدىققان بالالاردى بەلگىلەنگەن ساۋىقتىرۋ قۇرىلىمىنا اپارىپ ساۋىقتىرۋ جاتتىعۋىن جاساتىپ، وتباسىنىڭ اۋىرتپالىعىن شىنايى جەڭىلدەتۋ.
10. جۇمىستانۋدى، شارۋاشىلىق قۇرۋدى بارىنشا جەبەۋ. قالا -قالاشىقتارداعى جۇمىستانۋى قيىنعا سوققان 1300 ادامنىڭ جۇمىستانۋىنا كومەكتەسۋ، قالا - قالاشىقتارداعى تىڭنان جۇمىستانعانداردى 18 مىڭنان اسىرۋ، 2700 ادامدى تىڭنان شارۋاشىلىق قۇرۋعا جەتەكتەپ، 6800 ادامدى شارۋاشىلىق قۇرۋ ارقىلى جۇمىستاندىرىپ، قالا -قالاشىقتارداعى بىردە -ءبىر ادامى جۇمىستانباعان وتباسىلاردى يكەمدى نولگە ءتۇسىرۋدى جۇزەگە اسىرۋ. 70 مىڭ ادام -رەتتەن استام اۋىل -قىستاق ەڭبەككۇشتەرىنىڭ سىرتقا شىعىپ جۇمىس ىستەۋىنە ءتارتىپتى تۇردە جەتەكشىلىك ەتىپ، كەدەيلىكتەن ارىلعاندار قاتارىنداعى جۇمىس ىستەۋشىلەردىڭ سانى 16 مىڭ 500 ادامنان تومەن بولماۋىن جۇزەگە اسىرۋ. ”شينجياڭ قۇرىلىس ۇستالارىن“ باۋلۋ، جۇمىستاندىرۋ قيمىلىن ورىستەتىپ، 3000 ادام -رەت باۋلۋ جانە جۇمىستاندىرۋ مىندەتىن ورىنداۋ.
وسىنى ەرەكشە حابارلاندىرامىز.
تارباعاتاي ايماقتىق اكىمشىلىك مەكەمەسى
2023 -جىلى 3 -ايدىڭ 1 -كۇنى
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى