ءتىلشىمىز لي شيا حابارلايدى. 1 -ايدىڭ 28 -كۇنى ايماقتىق پارتكوم 2022 -جىلدىق اۋداندىق (قالالىق) پارتكوم شۋجيلەرىنىڭ نەگىزگى ساتى پارتيا قۇرىلىسى قىزمەتىن يگەرۋدەن ەسەپ بەرۋ، باعالاۋ، ساراپتاۋ ءماجىلىسىن اشتى. ايماقتىق پارتكومنىڭ شۋجيى ۋي جيانگو ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكوم ۇيىمداستىرۋ ءبولىمىنىڭ قاتىستى جاۋاپتى جولداستارى ماجىلىسكە قاتىناسىپ، جەتەكشىلىك ەتتى. ماجىلىستە، 7 اۋداندىق (قالالىق) پارتكوم شۋجيى جانە شەكارا سەلبەستىك رايونى پارتيا قىزمەت كوميتەتىندەگى، ايماقتىق پارتكومعا توتە قاراستى ورگاندار قىزمەت كوميتەتىندەگى، وقۋ -اعارتۋ قىزمەت كوميتەتىندەگى جاۋاپتى جولداستار جەكە -جەكە قىزمەتتەن ەسەپ بەردى. ۋي جيانگو ءسوزدى مۇقيات تىڭدادى ءارى ءبىر-بىرلەپ باعا بەرىپ، شەشۋشى تۇيىنشەكتەردى كورسەتىپ، رەتتەۋ ـ تۇزەتۋ بەتالىسىن ايقىنداپ بەردى.
ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 -قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 2 -، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيا قۇرىلىسىنىڭ باس تالابى مەن پارتيانىڭ ۇيىمدىق لۋشيانىن دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ءدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى، التىنشى، جەتىنشى جالپى ماجىلىستەرىنىڭ رۋحىنىڭ ورنالاستىرۋى بويىنشا، نازاردى پارتيانىڭ جاپپاي باسشىلىعىنا تاباندى بولۋعا جانە ونى كۇشەيتۋگە شوعىرلاندىرىپ، ءار دارەجەلى پارتكوم (پارتيا باسشىلىق گرۋپپاسى) شۋجيلەرىنىڭ نەگىزگى ساتى پارتيا قۇرىلىسى قىزمەتىن يگەرۋ ساپاسىن، ونىمدىلىگىن جاپپاي سىننان وتكىزىپ، نەگىزگى ساتى پارتيا قۇرىلىسىن يگەرۋدىڭ جانە پارتيانى جاپپاي قاتاڭ باسقارۋدىڭ ءبىرىنشى جاۋاپتى ادامى مىندەتىن اناعۇرلىم قاتايتىپ، ناقتىلاندىرىپ، ءار دارەجەلى پارتيا ۇيىمدارى مەن قالىڭ پارتيالى كادرلاردى”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە جەتەكتەپ، ”ءتورت تانىمدى“كۇشەيتىپ،”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ باسقارۋدىڭ نەگىزگى ساتىعا قاراي تەرەڭدەۋىن بار كۇشپەن ىلگەرىلەتىپ، جاڭا داۋىردەگى جاڭا جورىقتا ايماقتىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن قۇلشىنا اشۋ كەرەك.
ءماجىلىس مىنالاردى تالاپ ەتتى: پارتيانىڭ جاپپاي باسشىلىعىن بۇلجىماس تاباندىلىقپەن كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان -اياق وسكەلەڭ ءبىر اۋىزدىلىقتى ساقتاپ، پارتيانىڭ باسشىلىعىن ايماق قىزمەتىنىڭ ءار سالاسىندا، ءار جاعىندا، ءار بۋىنىندا دايەكتىلەندىرۋ، تياناقتاندىرۋ كەرەك. نازاريامەن قارۋلانۋدى بۇلجىماس تاباندىلىقپەن كۇشەيتىپ، پارتيانىڭ جاسامپاز نازارياسىن ۇيرەنۋ جوباسىن مۇقيات تياناقتاندىرىپ، ” 10مىڭ پارتيا مۇشەسى پارتيا مەكتەبىنە بارۋ، 10 مىڭ پارتيا مۇشەسى پارتيا ساباعىن ءوتۋ، 10 مىڭ پارتيا مۇشەسى 10 مىڭ وتباسىنا بارۋ“ قيمىلىن ىشكەرىلەي ورىستەتۋ كەرەك. وزەكتى، كەلەلى جاعدايعا بۇلجىماستان قىزمەت وتەپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، حاۋىپ -قاتەردەن ساقتانۋدىڭ، حاۋىپسىزدىككە كەپىلدىك ەتۋدىڭ، ورنىقتىلىقتى قورعاۋدىڭ ءتۇرلى قىزمەتتەرىن بار كۇشپەن ويداعىداي ىستەۋ كەرەك. نەگىزگى ساتىنىڭ قوعامدىق باسقارۋىن بۇلجىماس تاباندىلىقپەن ىلگەرىلەتىپ، نەگىزگى ساتىنى قوعامدىق باسقارۋدىڭ وسىزاماندانۋ دەڭگەيىن جوعارىلاتىپ، نەگىزگى ساتى قوعامدىق باسقارۋداعى پارتيانىڭ باسشىلىق مەحانيزمىن اقاۋسىزداندىرىپ، كۇش بايلىعىن ءبىر تۇتاس جوسپارلاپ ساپالىلاندىرىپ، بىرىكتىرىپ، قالا، اۋىل، الەۋمەتتىك اۋماقتاردى باسقارۋدى كۇشەيتۋ كەرەك. نەگىزگى ساتى ۇيىمىن بۇلجىماس تاباندىلىقپەن كۇشەيتىپ، نەگىزگى ساتىنى مىقتاپ يگەرۋدىڭ ايقىن بەتالىسىن بەرىك ورناتىپ، پارتيا قۇرىلىسى ارقىلى نەگىزگى ساتى قوعامدىق باسقارۋ قىزمەتىنە جەتەكشىلىك ەتۋ جۇيەسىن اقاۋسىزداندىرىپ، نەگىزگى ساتى پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن ۇزدىكسىز جوعارىلاتۋ كەرەك. قىزمەت ستيلىن بۇلجىماس تاباندىلىقپەن جاقسارتىپ، وزىنە -ءوزى توڭكەرىس جاساۋ رۋحىمەن پارتيانى جاپپاي قاتاڭ باسقارۋدىڭ تەرەڭدەي دامۋىن، نەگىزگى ساتىعا كەڭەيۋىن ىلگەرىلەتۋگە تاباندى بولىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك. پارتيا قۇرىلىسى جاۋاپكەرشىلىگىن بۇلجىماس تاباندىلىقپەن قاتايتىپ، ناقتىلاندىرىپ، پارتيانى پارتيا باسقارۋ، پارتيانى قاتاڭ باسقارۋ نەگىزگى تۇلعالىق جاۋاپكەرشىلىگىن مۇقيات اتقارىپ، ءار دارەجەلى پارتكوم (پارتيا باسشىلىق گرۋپپاسى) شۋجيلەرىنىڭ نەگىزگى ساتى پارتيا قۇرىلىسى قىزمەتىن يگەرۋدەن ەسەپ بەرۋ، باعالاۋ، ساراپتاۋىن ۇزدىكسىز تەرەڭدەتىپ، پارتيا قۇرىلىسىن يگەرۋ جاۋاپكەرشىلىگىنىڭ تياناقتانىپ، كۇشكە يە بولۋىنا شىنايى كەپىلدىك ەتۋ كەرەك.
ماجىلىستە قىزمەتىنەن ەسەپ بەرگەن جولداستاردىڭ نەگىزگى ساتى پارتيا قۇرىلىسى قىزمەتىن يگەرۋ جاعدايىنا باعالاۋ جۇرگىزىلدى.
ءماجىلىس بەينە ەكران فورماسىندا اشىلدى. ايدىن تولەۋقان، جاڭ ياۋحۋا، الميرا ءۋالقان، جۇماعازى قادىربەك، جاۋ شيفىڭ، شۋە گۇيچياڭ، جاۋ سۇيفاڭ، كى شۇي، مۇقتار كارىمبەك، چى گوجۇن، جارقىن جاڭبىرباي، بي حاي، ۋاڭ دۇڭشىڭ قاتارلىلار ماجىلىسكە قاتىناستى. ايماقتىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ، ايماقتىڭ”ۇعىسۋ، تيىمدىلىك جاساۋ، توعىستىرۋ “ قيمىلى بويىنشا قىستاقتا تۇرۋ قىزمەتى باسشىلىق گرۋپپاسىنىڭ مۇشەلەرى، ايماقتىڭ نەگىزگى ساتىنى باسقارۋ، ءىس قاراۋ، سايكەستىرۋ مەحانيزمىنە مۇشە ورىندارداعى جاۋاپتى جولداستار، نەگىزگى ساتىداعى پارتيالى كادرلاردىڭ ۋاكىلدەرى ماجىلىسكە قاتىناستى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى