ءتىلشىمىز قۇرمەت مىرزاقان حابارلايدى. 1-ايدىڭ 23 -كۇنىنەن 26 -كۇنىنە دەيىن ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ايدىن تولەۋقان شاۋەشەك قالاسى، شاعانتوعاي اۋدانى، قوبىقسارى موڭعۇل اۆتونوميالى اۋدانى، تولى اۋدانىنىڭ جانە ءدوربىلجىن اۋدانىنىڭ قىستاۋلىقتارىنا بارىپ، كوكتەم مەرەكەسى بايلانىسىمەن جاعداي ۇعىسىپ، حال سۇراۋ قيمىلىن ورىستەتىپ، پارتيا 20 -قۇرىلتايىنىڭ رۋحىن، اۆتونوميالى رايوندىق ەكى ءماجىلىستىڭ رۋحىن جەتكىزدى ءارى ەگىنشى -مالشىلاردىڭ ءوندىرىس -تۇرمىس جاعدايىنا تەكسەرۋ -زەرتتەۋ جۇرگىزىپ، پارتيا مەن ۇكىمەتتىڭ قامقورلىعى مەن مەيىرىن ولارعا شىنايى سەزىندىردى.
ارالاپ حال سۇراۋ بارىسىندا ءاربىر وتباسىنا بارعاندا ايدىن تولەۋقان ەگىنشى -مالشىلارمەن جاقىن اڭگىمەلەسىپ، ولاردىڭ ءوندىرىس -تۇرمىسى، دەنساۋلىق جاعدايى، پەرزەنتتەرىنىڭ وقۋعا ءتۇسۋ جاعدايى سياقتىلاردى ەگجەي -تەگجەيلى ۇعىسىپ، ولارعا دەنساۋلىقتارىن كۇتىپ، حاۋىپسىزدىككە كوڭىل ءبولۋدى قاداعالاي تاپسىردى ءارى حال سۇراۋ قاراجاتى مەن حال سۇراۋ بۇيىمدارىن ۇسىنىپ، پارتيانىڭ حالىققا تيىمدىلىك جاساۋ ساياساتىن ەگنشى - مالشىلارعا جەتكىزدى.
ايدىن تولەۋقان مىنالاردى تالاپ ەتتى: اۋدان -قالالار، تاراۋلار ساياسي دەڭگەيدى اناعۇرلىم جوعارىلاتىپ، حالىقتى وزەك ەتكەن دامۋ يدەياسىن بەرىك ورناتىپ، حالىق تۇرمىسىنىڭ تومەنگى شەگىن بەكەمدەپ، بۇقارانىڭ حال -جايىن ءاردايىم كوكەيدە ساقتاپ، بار ىنتا، بار سۇيىسپەنشىلىك، بار كۇشتەرىمەن حالىق تۇرمىسىنا قاتىستى ناقتى ىستەردى، يگى ىستەردى دەن قويا، سۇيىسپەنشىلىكپەن ويداعىداي ىستەۋى كەرەك. جايلىم مەن مالدىڭ تەپە -تەڭدىگىن ساقتاۋ قىزمەتتەرىن ويداعىداي يگەرىپ، ەگىنشى -مالشىلاردى «جۇڭحۋا حالىق رەسپۋبليكاسىنىڭ جايلىم زاڭى» سياقتى قاتىستى زاڭ ەرەجەلەرگە سانالىلىقپەن بويسۇنۋعا جەتەلەپ، جايىلىمدا مال باعۋعا تيىم سالۋ جانە جايلىم مەن مالدىڭ تەپە -تەڭدىگىن ساقتاۋ تۇزىمدەرىن قاتاڭ تياناقتاندىرىپ، شەكتەن تىس مال باعۋعا قاتاڭ تيىم سالىپ، جايلىم ەكولوگياسىن بىرلىكتە قورعاۋ كەرەك. مال شارۋاشىلىعى نەگىزىن جوعارىلاتۋ قىزمەتىن ويداعىداي يگەرىپ، ساپالى جەم -ءشوپ بازاسىن قۇرىپ، جەم -ءشوپ دايىندىعى قىزمەتىن كۇشەيتىپ، كولەمدەنگەن، ولشەمدەنگەن، وسىزاماندانعان مال باعىمشىلىعىن زور كۇشپەن دامىتىپ، مال شارۋاشىلىعى كاسىپ سالاسىنىڭ جوعارى ساپالى دامۋىن ىلگەرىلەتۋ كەرەك. مال شارۋاشىلىعى رايونىنداعى باقىت بەكەتىنىڭ شەپتىك رولىن بەلسەنە ساۋلەلەندىرىپ، مال شارۋاشىلىق رايونىنىڭ تۇرمىس جاعىنداعى يقۋاتىن كەمەلدەندىرۋدى شىعار ءتۇيىن ەتىپ، بايلىقتاردى تولىق بىرىكتىرىپ، مال شارۋاشىلىق رايونىنىڭ “باقىت بەكەتى“ ينجەنەريا قۇرىلىسىن اتقارۋدى جەدەلدەتىپ، ەگىنشى -مالشىلاردىڭ “جۋىنۋى قيىن بولۋ، جاتىن ورىن ماسەلەسى، تاماقتانۋى قيىن بولۋ” سياقتى قيىنشىلىقتارىن شىنايى شەشىپ، ەگىنشى -مالشىلاردىڭ ءوندىرىس -تۇرمىس ساپاسىن ۇزدىكسىز جوعارىلاتىپ، تارباعاتاي ايماعىنىڭ وسى زامانعى جاڭا مال شارۋاشىلىق رايونىن بار كۇشپەن قۇرۋ كەرەك. مال شارۋاشىلىق رايونى قىزمەتىنە جەتەكشىلىك ەتۋدى كۇشەيتىپ، ەگىنشى -مالشىلاردىڭ ءوندىرىس -تۇرمىسىنا قىزمەت وتەپ، اسىرەسە، ەمدەۋ جاعىنان ويداعىداي قىزمەت وتەۋ ارقىلى ەگىنشى -مالشىلاردىڭ قىس مەزگىلىندەگى ەمدەلۋ قاجەتىن قامتاماسىز ەتۋ كەرەك.
ايدىن تولەۋقان مىنالاردى باسا دارىپتەدى: اۋدان -قالالار، تاراۋلار پارتيا 20 -قۇرىلتايىنىڭ رۋحىن، اۆتونوميالى رايوندىق ەكى ءماجىلىستىڭ رۋحىن ىشكەرىلەي ۇيرەنىپ، ويداعىداي دايەكتىلەندىرىپ، اۆتونوميالى رايوندىق 10 -كەزەكتى پارتكومنىڭ جەتىنشى جالپى ءماجىلىسىنىڭ ورنالاستىرۋلارى مەن ايماقتىق پارتكومنىڭ كەڭەيتىلگەن ءماجىلىسىنىڭ تالاپتارى بويىنشا، حالىق بۇقاراسىنىڭ “شۇعىل، قيىن، ۋايىمداعان، ءزارۋ”ماسەلەلەرىنە تىعىز ۇشتاستىرىپ، ىشكەرىلەي زەرتتەۋ جۇرگىزىپ، جوسپارلاپ، ءتۇرلى قىزمەتتى ىلگەرىلەتىپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ جانە ايماقتىق پارتكومنىڭ ءتۇرلى شەشىمدەرىن، ورنالاستىرۋلارىن، تالاپتارىن ناقتى تياناقتاندىرۋ كەرەك. كەزەكتەگى قۇبىلمالى اۋا رايىندا ءوندىرىس حاۋىپسىزدىگىنە جانە اپاتتان ساقتانۋ، اپات زيانىن ازايتۋعا قاتىستى شۇعىل جاعدايعا توتەپ بەرۋ دايىندىق جوباسىن كەمەلدەندىرىپ، جەم -ءشوپ دايىندىعىن كۇشەيتىپ، زاتتىق زاپاس قور جۇيەسىن، شۇعىل جاعدايعا توتەپ بەرۋدى باسقارۋ جۇيەسىن ۇزدىكسىز كەمەلدەندىرىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ جانە شۇعىل جاعدايدى ءبىر جاقتى ەتۋ قىزمەتتەرىن شىن مانىندە ويداعىداي ىستەپ، ەگىنشى -مالشىلاردىڭ باس اماندىعى مەن مال -مۇلكىنىڭ حاۋىپسىزدىگىنە بار كۇشپەن كەپىلدىك ەتۋ كەرەك.
اكىمشىلىك مەكەمەسىنىڭ ورىنباسار ۋاليى تولقىن تولەگەن، اكىمشىلىك مەكەمەسىنىڭ باس حاتشىسى جانە ايماققا توتە قاراستى قاتىستى ورىنداردىڭ جاۋاپتىلارى تەكسەرۋ-زەرتتەۋ، حال سۇراۋدا بىرگە بولدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى