ءتىلشىمىز لي شيا حابارلايدى. 1 -ايدىڭ 27 -كۇنى ايماقتىق پارتكوم مۇشەلەر (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ 2023 -جىلعى كوكتەم مەرەكەسىن توپتىق قۇتتىقتاۋ ماجىلىسىندە، كوكتەم مەرەكەسى قارساڭىندا اسكەري بولىمدەردىڭ سوعىس دايىندىعى قىزمەتىن تەكسەرگەندە سويلەگەن ماڭىزدى ءسوزىنىڭ رۋحى قاتارلىلاردى جەتكىزدى، ۇيرەندى، اۆتونوميالى رايوندىق پارتكومنىڭ اسكەري ىستەردى كەڭەسۋ ءماجىلىسىنىڭ، اۆتونوميالى رايوندىق 10 -كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسىنىڭ، «جۇڭگو كوممۋنيستىك پارتياسىنىڭ تارتىپكە قايشىلىق جاساعان پارتيا مۇشەلەرىن جازالاۋدى بەكىتۋ ۇقىق شەگى جانە ءتارتىبى بەلگىلەمەسى» قاتارلىلاردىڭ رۋحىن جەتكىزدى، ۇيرەندى، قاتىستى حۇجاتتاردى اقىلداسىپ قارادى، تاياۋ مەزگىلدەگى قىزمەتتەردى ورنالاستىردى. ايماقتىق پارتكومنىڭ شۋجيى ۋي جيانگو ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: باس شۋجي شي جينپيڭ 2023 -جىلعى كوكتەم مەرەكەسىن توپتىق قۇتتىقتاۋ ماجىلىسىندە قىزۋ مەرەيگە تولى ماڭىزدى ءسوز سويلەپ، وتكەن ءبىر جىلدا پارتيا جانە مەملەكەت ىستەرىندە قولعا كەلگەن جاڭا كەلەلى ناتيجەلەردى تولىق تۇراقتاندىردى، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن تاسقىنداعان جىگەرمەن جاڭا جورىققا قادام تاستاپ، جاڭا نىسانانى بەتكە الىپ قايراتتانا تاعى اتتانۋعا ۇندەدى. ايماقتاعى ءار دارەجەلى پارتكوم مەن ۇكىمەت باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، اۆتونوميالى رايوندىق 10 -كەزەكتى پارتكومنىڭ جەتىنشى جالپى ءماجىلىسىنىڭ ورنالاستىرۋلارىن جانە اۆتونوميالى رايوندىق ەكى ءماجىلىستىڭ رۋحىن تياناقتاندىرىپ، ءتۇرلى قىزمەتتەردە جاقسى باستاما اشۋدى، جاقسى قادام تاستاۋدى ىلگەرىلەتىپ، ءىس جۇزىندىك ارەكەتپەن، ءىس جۇزىندىك ونىمدىلىكپەن”ەكىنى تۇراقتاندىرۋدى“ قورعاپ،”ەكىنى قورعاۋدى“ورىنداپ، جاڭا جورىقتا تاماشا باستاما اشۋدى جۇزەگە اسىرۋعا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ اسكەري ىستەردى كەڭەسۋ ءماجىلىسىنىڭ رۋحىن مۇقيات دايەكتىلەندىرىپ، ”ارميا مەن جەرگىلىكتى ورىن ءبىر تۇتاس جۇيە، ارميا مەن حالىق بەرەكەلى شاڭىراق“ يدەياسىن بەرىك ورناتىپ،”اق تەرەك رۋحىن“بىرگە ساۋلەلەندىرىپ، اسكەري ءبولىمنىڭ مىندەت وتەۋ، جاتتىعۋ جانە تۇرمىس شارت -جاعدايىن جاقسارتۋىنا كومەكتەسىپ، اسكەري ءبولىمنىڭ جاتتىعۋ جاساۋ، مانەۆر وتكىزۋ، سوعىس دايىندىعى، مىندەت وتەۋ جانە مەملەكەت قورعانىسى قۇرىلىسى سياقتى ءتۇرلى مىندەتتەرىن ورىنداۋىنا سەلبەسۋ كەرەك. اۆتونوميالى رايوندىق 10 -كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسىنىڭ ورنالاستىرۋلارى مەن تالاپتارى بويىنشا، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە -ءدال دايەكتىلەندىرىپ، پارتيانى جاپپاي قاتاڭ باسقارۋدى ءبىر ءسات تە توقتاتپاي ىلگەرىلەتىپ، پارتيا 20 -قۇرىلتايىندا بەلگىلەنگەن نىسانا -مىندەتتەردى جۇزەگە اسىرۋ ءۇشىن ىنتىماقتاسا كۇرەس جۇرگىزۋگە قۇلشىنۋ كەرەك. «جۇڭگو كوممۋنيستىك پارتياسىنىڭ تارتىپكە قايشىلىق جاساعان پارتيا مۇشەلەرىن جازالاۋدى بەكىتۋ ۇقىق شەگى جانە ءتارتىبى بەلگىلەمەسىن» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى ناقتى، ويداعىداي يگەرىپ، پارتيا ۋستاۆى مەن «بەلگىلەمەدە» ايقىندالعان مىندەت جاۋاپكەرشىلىگىن مۇقيات اتقارىپ، «بەلگىلەمەنى» ۇيرەنۋ، مىندەت وتەۋدى جەبەۋ، تياناقتاندىرۋدى يگەرۋ قىزمەتىنىڭ بىرىككەن كۇشىن بەلسەنە قالىپتاستىرۋ كەرەك.
ءماجىلىس مىنالاردى تالاپ ەتتى: ”ءاردايىم قام جەپ تۇراتىن“ جاۋاپكەرشىلىك سەزىمدى ساقتاپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، قوعامدىق كەلەلى جاعدايدىڭ ءۇرتىس جاراسىمدىلىعىنا، ورنىقتىلىعىنا بار كۇشپەن شىنايى كەپىلدىك ەتۋ كەرەك. نىسان قۇرىلىسىن جوعارى ساپامەن، جوعارى ونىمدىلىكپەن ويداعىداي يگەرىپ، ساۋداگەر شاقىرىپ، قارجى ەنگىزۋ قىزمەتىن بار كۇشپەن ويداعىداي يگەرىپ، قازىنا كىرىسىنىڭ ارتۋ ءتۇيىنىن بەلسەنە جوبالاپ، شارۋاشىلىق -ساۋدا ورتاسىن شىن پەيىلمەن، كۇش سالا ساپالىلاندىرىپ، ەكونوميكالىق قيمىلداردى ۇزدىكسىز جانداندىرىپ، بيىل ايماق ەكونوميكاسىنىڭ جاقسى باستاما اشۋىن ىلگەرىلەتۋ كەرەك. باس شۋجي شي جينپيڭنىڭ ىندەتتەن ساقتانۋ-تىزگىندەۋ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، اۋىل -قىستاق وڭىرلەردىڭ ىندەتتەن ساقتانۋ -تىزگىندەۋ قىزمەتى مەن سالاماتتىققا قىزمەت وتەۋىن تىڭعىلىقتى ويداعىداي ىستەپ، ءتۇيىندى ءدارى -دارمەكپەن جانە زاتتىق ماتەريالدارمەن قامداۋدى ويداعىداي يگەرىپ، ۆاكسينا ەگۋ مولشەرىن جوعارىلاتۋ كەرەك. ءتۇيىندى كاسىپ سالالارىنداعى ءوندىرىس حاۋىپسىزدىگى كومەسكى قاتەرلەرىن ارناۋلى رەتتەۋ -وڭاۋدى بار كۇشپەن ورىستەتىپ، قاراستى جەردىڭ باسقارۋ جاۋاپكەرشىلىگىن، تاراۋلاردىڭ باقىلاۋ -باسقارۋ جاۋاپكەرشىلىگىن، كاسىپورىنداردىڭ تۇلعالىق جاۋاپكەرشىلىگىن باتىل تياناقتاندىرىپ، ەلەۋلى حاۋىپسىزدىك حاۋىپ -قاتەرلەرىنەن قاتاڭ ساقتانۋ جانە ونى جويۋ كەرەك. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، بۇقاراعا ناقتى، يگى ىستەر ىستەپ بەرۋگە تاباندى بولىپ، ءار ۇلت بۇقاراسىنىڭ تۇرمىس ساپاسىن ۇزدىكسىز جوعارىلاتۋ كەرەك. كادرلار ستيلىندە ورىن تەپكەن كورنەكتى ماسەلەلەردى كۇش سالا شەشىپ، دەر كەزىندە ساقتىق دابىلىن قاعىپ، قىزمەتكەرلەردىڭ قىزمەت ورنىنا ورالۋىنا، يدەياسىن شيراتۋىنا جانە قىزمەتتى تياناقتاندىرۋىنا شىنايى كەپىلدىك ەتۋ كەرەك.
ءماجىلىس تاعى مەڭگەرمە دارەجەلى باسشىلاردىڭ 3 دارەجە ۇلگى كورسەتىپ جەتەكشىلىك ەتۋ قىزمەتىنىڭ ورىستەتىلۋ جاعدايى جونىندەگى مالىمەتتى تىڭدادى، تاعى باسقا دا ىستەردى اقىلداستى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى