كوكتەم مەرەكەسى كەلىپ، بارلىق جەر قويۋ مەرەكەلىك تۇسكە ەندى

جولدانعان ۋاقىتى : 2023/1/28 17:25:48

□  شاعانتوعاي اۋدانىنىڭ مەرەكەلىك بۇيىمدار مەرەكەسىندە مەرەكەلىك ازىق -تۇلىكتەر، مەرەكە ساۋعاسى، جاڭا جىلعا ارنالعان اشەكەي بۇيىمدار سياقتى رايوندار ورنالاستىرىلىپ، ءتۇرلى مەرەكەلىك بۇيىمدار كوزدىڭ جاۋىن الىپ، زات ساتۋ مەن ساتىپ الۋ كۇسەت بولىپ، دۋماندى مەرەكەلىك تۇسكە ەندى.

ايماعىمىزداعى ءار ۇلت  بۇقاراسىنىڭ مادەنيەت تۇرمىسىن بايىتىپ، مەرەكەنىڭ مەرەيىن اسىرىپ، كوكتەم مەرەكەسىن بىرلىكتە قۇتتىقتاۋ ءۇشىن، اۋدان -قالالار مەرەكەلىك بۇيىمدار مەرەكەسى، ۇلتتار ىنتىماعى بىرلەسكەن دوستىق قيمىلى سياقتىلاردى ورىستەتىپ، كوكتەم مەرەكەسىن ءتۇرلى فورمامەن قارسى الدى.

□ ءدوربىلجىن اۋداندىق وقۋ -اعارتۋ جانە عىلىم -تەحنيكا مەكەمەسىنىڭ ءدوربىلجىن قالاشىعى بينحى الەۋمەتتىك اۋماعىندا تۇراتىن قىزمەت اترەتى مەن الەۋمەتتىك اۋماق كادرلارى”قويان فورماسىنداعى پراندىك پىسىرىپ، جاڭا جىلدى شاتتانا قارسى الايىق “ اتىنداعى كوكتەم مەرەكەسىن قارسى الۋ قيمىلىن ورىستەتتى.

□ كوكتەم مەرەكەسى قارساڭىندا، ساۋان گايرۇي ءسۇت كاسىبى شەكتى جاۋاپكەرلىك سەرىكتەستىگى مەرەكە كەزىندەگى بازار سۇرانىسىن كوزدە ۇستاپ، بار كۇشپەن قاربالاس ءوندىرىس جۇرگىزىپ، كۇنىنە 150 توننا ءسۇت مانەرلەپ، قالىپتى تەمپەراتۋراداعى ءسۇت جانە    ايراننان  22 ءونىم سورتىن ءوندىرىپ، مەرەكە كەزىندەگى بازاردى جەتكىلىكتى قامداۋعا شىنايى كەپىلدىك ەتتى.

□ قىزىقتى ياڭگى ءبيى، قۇلاقتى تۇندىرعان بارابان داۋىسى، يرەلەڭدەگەن ءتۇستى ايداعار... شيحۋ قالاسىنىڭ ءارقايسى اۋىل -قالاشىقتارىنداعى مەرەكە ساۋىعى كونسەرتى  ۇيىرمەسىندەگىلەر دۋماندى ريتىمگە ىلەسىپ، ايداعار ءبيى، ارىستان ويىنى، ياڭگى ءبيى، بارابان سياقتى كونسەرت نومىرلەرىنە قاربالاس جاتتىعىپ، مەرەكە كەزىندە ءار ۇلت بۇقاراسىنا  كورسەتۋگە دايىندالدى.

□ قوبىقسارى موڭعۇل اۆتونوميالى اۋداندىق حالىق پروكۋراتۋراسىنىڭ شاعانكول اۋىلىنىڭ تابىنۇلاسىن قىستاعىندا تۇراتىن قىزمەت اترەتى قىستاق “ەكى كوميتەتىمەن“ بىرلىكتە “كوكتەم مەرەكەسىن قۇتتىقتاۋ، ىنتىماقتى تىلگە تيەك ەتۋ،  سۇيىسپەنشىلىكتى توعىستىرىپ، كۇش -قۋاتتى ۇيىستىرۋ، ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلىن ورىستەتىپ، كوپشىلىك شاتتانا ءبىر اراعا باس قوسىپ، ءوزارا مەرەكەلىك تىلەك ءبىلدىرىپ، ۇلتتار ىنتىماعى جايىندا سىر شەرتىستى.

 

سۋرەتىن تارتىپ، حابارلاعان تىلشىلەرىمىز زىڭ جاۋمەي،  جاڭ گوحۇي، ماقپال مىرزاقان، ۋاڭ تيڭ، ۇسىنىس ەتىلگەن ءتىلشى ياڭ حۋاگۋاڭ، ەرىكتى تىلشىلەر ياڭ جۇنيىڭ، يە سۋمەي، بۇلبۇل داكەش


رەداكتورى : اراي ەركىن قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى