كوكتەم مەرەكەسى كەزىندە ايماعىمىزدىڭ جەر - جەرى قۋانىشقا تولى مەرەكەلىك كۇيگە ەندى. ايماقتىق پارتكومنىڭ شۋجيى ۋي جيانگو قاتارلى ايماقتاعى ءتورت باسشىلىق القانىڭ باسشىلارى قىزمەت ورىندارىندا تاپجىلماي ىستەپ جاتقان ءار ۇلت كادرلارىنا، جۇمىسشى-قىزمەتكەرلەرگە امانداسا بارىپ، ولاردان حال سۇراپ، كوپشىلىككە مەرەكەلىك سالەم جولدادى جانە تىلەك ءبىلدىردى.
ۋي جيانگو قاتارلىلار ايماقتىق حالىق شيپاحاناسىنىڭ امبۋلاتوريا زالى مەن شۇعىل قۇتقارۋ بولىمىنە بارىپ،ءبىرىنشى شەپتە شايقاس جاساپ جاتقان ەمدەۋ قىزمەتكەرلەرىنەن حال سۇرادى. ۋي جيانگو بىلاي دەدى: 3 جىلدان بەرى سىزدەر ىندەتكە قارسى اتتانىپ، ىندەتتەن ساقتانۋ–تىزگىندەۋدىڭ ءبىرىنشى شەبىندە اتوي سالىپ، بۇكىل ايماعىمىزداعى ءار ۇلت بۇقاراسىنىڭ دەنساۋلىعى ءۇشىن جاپالى قۇلشىنىستار جاسادىڭىزدار ءارى ىندەتكە قارسى تۇرۋدىڭ جەڭىسىنە قول جەتكىزدىڭىزدەر، مەن ايماقتاعى ءتورت باسشىلىق القا باسشىلارى اتىنان كوكتەم مەرەكەسى كەزىندە دە ءبىرىنشى شەپتە تاپجىلماي ىستەپ جاتقان قالىڭ ەمدەۋ قىزمەتكەرلەرىنە العىس ايتامىن، سىزدەرگە جانە وتباسىنداعىلارىڭىزعا مەرەكەلىك سالەم جولدايمىن، ىزگى تىلەك بىلدىرەمىن.
حال سۇراۋ بارىسىندا ۋي جيانگو ناۋقاستاردىڭ ەمدەلۋى جانە ەمدەۋ ماتەريالدارىنىڭ دايىندالۋى سياقتى جاعدايلاردى ەگجەي -تەگجەيلى ۇعىستى ءارى شيپاحانانىڭ ءتۇرلى قىزمەتتەرىن القادى.
ۋي جيانگو بىلاي دەپ اتاپ كورسەتتى: كوكتەم مەرەكەسى كەزىندە، سىزدەردىڭ قىزمەت جاۋاپكەرشىلىكتەرىڭىزدى ۇزدىكسىز ويداعىداي اتقارىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن بار كۇشتەرىڭىزبەن قورعاۋلارىڭىزدى ءۇمىت ەتەمىن. سونىمەن بىرگە، ول ەمدەۋ قىزمەتكەرلەرىنە وزدەرىن قورعاۋدى كۇشەيتىپ، تاماشا كۇيمەن قىزمەتكە كىرىسىپ، بۇقارانىڭ ەمدەلۋ قاجەتىن بار كۇشپەن قاناعاتتاندىرۋدى تاپسىردى.
ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ايدىن تولەۋقان قاتارلىلار ايماقتىق قوعام حاۋىپسىزدىگى مەكەمەسىنىڭ اماندىق ساقتاۋ تارماق اترەتىنە، ايماقتىق شۇعىل جاعدايعا توتەپ بەرۋدى باسقارۋ قولباسشىلىق ورتالىعىنا، ايماقتىق توعىسپالى مەديا ورتالىعىنا، مەملەكەت ەلەكتر تورى تارباعاتاي ەلەكترمەن قامداۋ سەرىكتەستىگىنە بارىپ، قىزمەت ورنىندا تاپجىلماي ىستەپ جاتقان كادرلار مەن جۇمىسشى -قىزمەتكەرلەرگە امانداسىپ، ولاردان حال سۇرادى.
ايماقتىق قوعام حاۋىپسىزدىگى مەكەمەسىنىڭ اماندىق ساقتاۋ تارماق اترەتىندە ايدىن تولەۋقان بىلاي دەدى: 2022 -جىلى قالىڭ قوعام حاۋىپسىزدىگى كادر-ساقشىلارى حاۋىپ -قاتەردەن قورىقپاي، ايماقتىڭ قوعامدىق كەلەلى جاعدايىنىڭ ءۇرتىس ورنىقتىلىعىنا ماڭىزدى ۇلەس قوستى. جاڭا جىلدا، كادر-ساقشىلاردىڭ تاسقىنداعان رۋحاني كۇيمەن جانە تىڭعىلىقتى قىزمەت ستيلىمەن ورنىقتىلىقتى قورعاۋ، حاۋىپسىزدىكتى قورعاۋ قىزمەتتەرىن بار كۇشپەن مىقتى يگەرىپ، ايماق ەكونوميكاسىنىڭ جوعارى ساپالى دامۋىنا تاماشا حاۋىپسىزدىك ورتاسىن ازىرلەۋىن ءۇمىت ەتەمىن.
ايماقتىق حالىق قۇرىلتايى قىزمەت كوميتەتىنىڭ مەڭگەرۋشىسى الميرا ۋالقان قاتارلىلار ايماقتىق پارتكومنىڭ قۇپيالىق ساقتاۋ مەكەمەسىنە، ايماقتىق قوعامدىق يگىلىك باقشا رايونىنا، شاۋەشەك قالالىق ۋشيانحى سۋ ىستەرى توبى شەكتى جاۋاپكەرشىلىك سەرىكتەستىگىنە، شاۋەشەك قالالىق قالا كەلبەتى - ورتا تازالىعى قىزمەت وتەۋ ورتالىعىنا، شاۋەشەك قالالىق الەۋمەتتىك اۆتوبۋز قىزمەت وتەۋ شەكتى سەرىكتەستىگىنە بارىپ، ءبىرىنشى شەپتەگى كادرلار مەن جۇمىسشى - قىزمەتكەرلەردەن حال سۇرادى. الميرا بىلاي دەدى: سىزدەردىڭ ايماقتىڭ رەفورما، دامۋ، ورنىقتىلىق ىستەرى ءۇشىن قوسقان ۇلەستەرىڭىزگە العىس ايتامىن. جاڭا جىلدا كوپشىلىكتىڭ كۇش ۇستىنە كۇش قوسىپ، ناقتى ءىس ىستەۋ، ناقتىونىمدىلىككە قول جەتكىزۋ ارقىلى ءار ۇلت بۇقاراسىنىڭ تىلەگىنە جاۋاپ قايتارۋلارىڭىزدى ءۇمىت ەتەمىن.
ايماقتىق ساياسي كەڭەس قىزمەت كوميتەتىنىڭ مەڭگەرۋشىسى جۇماعازى قادىربەك قاتارلىلار شاۋەشەك قالالىق تيانچىڭ جىلۋمەن قامداۋ شەكتى سەرىكتەستىگىنە، شاۋەشەك پويەز ۆوكزالىنا، تارباعاتاي تاس جول باسقارۋ مەكەمەسى ءدوربىلجىن بولىمشە مەكەمەسى مايتاس قارلى بوراننان ساقتانۋ، قاتەردەن اراشالاۋ بازاسىنا، تارباعاتاي تاس جول باسقارۋ مەكەمەسى تولى بولىمشە مەكەمەسى سارعۇسىن قارلى بوراننان ساقتانۋ، قاتەردەن اراشالاۋ بازاسىنا بارىپ، ءبىرىنشى شەپتەگى قىزمەتكەرلەردەن حال سۇراپ، كوپشىلىكتى ەرەكشە كۇرەسكەرلىك رۋحتى ۇزدىكسىز ساۋلەلەندىرىپ، حاۋىپسىزدىككە، ىركىلىسسىزدىككە شىنايى كەپىلدىك ەتىپ، ءار ۇلت بۇقاراسىنىڭ كوكتەم مەرەكەسىن شات -شادىمان وتكىزۋىنە كەپىلدىك ەتۋگە شابىتتاندىردى.
ىقىلاستى ىزگى تىلەكتەردەن ايماعىمىزداعى ءار ۇلت كادرلارى مەن بۇقارا ايرىقشا شابىت الدى. كوپشىلىك جابال مىنالاردى ءبىلدىردى: ايماقتاعى ءتورت باسشىلىق القا باسشىلارى مەن ءار ۇلت كادر- بۇقاراسىنىڭ تاپسىرماسىن ورىنداپ، قىزمەت وتەۋ، قامتاماسىزداندىرۋ قىزمەتىن كۇش سالا جاقسى ىستەپ، ءار ۇلت بۇقاراسىنىڭ مەرەكەنى الاڭسىز وتكىزۋىنە شىنايى كەپىلدىك ەتەمىز.
ايماق باسشىلارىنان كى شۇي، مۇقتار كارىمبەك، چى گوجۇن، جارقىن جاڭبىرباي، ۋاڭ شينجۇن، الي، تولقىن تولەگەن، ايدىن قابىكەن، ايماقتىق پارتكومنىڭ، اكىمشىلىك مەكەمەسىنىڭ باس حاتشىسى جانە ايماققا توتە قاراستى قاتىستى تاراۋلاردىڭ جاۋاپتى جولداستارى حال سۇراۋدا بىرگە بولدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى