شاۋەشەك قالاسىنىڭ مايلى تاۋىنداعى قىستاۋلىق
قىستاۋداعى باقىتتى تۇرمىس
1 -ايدىڭ 20 -كۇنى تۇستەن كەيىن شاۋەشەك قالالىق مال شارۋاشىلىعى، مال شيپاگەرلىگى مەكەمەسىنىڭ شاۋەشەك قالاسى ىرگۇڭ قالاشىعى نانشان الەۋمەتتىك اۋماعىندا تۇراتىن“ۇعىسۋ، تيىمدىلىك جاساۋ، توعىستىرۋ” قىزمەت اترەتىنىڭ باستىعى، ءبىرىنشى شۋجي ەرسىنبەك قىزىربەك حال سۇراۋ بۇيىمدارىن الىپ، قىزمەتتەستەرىمەن بىرگە مايلى تاۋى قىستاۋلىعىنا اۆتوكولىكپەن جول الدى.
”مايلى تاۋى قىستاۋلىعى شاۋەشەك قالاسىنان 200 نەشە كيلومەتر قاشىقتىقتا. بۇرىن قىس تۇسىسىمەن مالشىلاردىڭ تاۋدان ءتۇسۋى قيىنعا سوعاتىندىقتان، جاس جەمىس - جيدەكتەر مەن كوكونىستەردى تۇتىنا المايتىن“، - دەدى ەرسىنبەك. شاۋەشەك قالالىق مال شارۋاشىلىعى، مال شيپاگەرلىگى مەكەمەسىنىڭ قىزمەت اترەتى وسى قىستاقتا تۇرعاننان بەرى، كادرلار مەن جۇمىسشى - قىزمەتكەرلەردى 20 نەشە مالشى وتباسىمەن تۋىس بولۋعا ۇيىمداستىردى. مەرەكە - مەيرامداردا ولار تۋىستارىنا شوشىرە، جاس كوكونىس جانە جەمىس - جيدەك سياقتىلاردى اپارىپ بەرەدى.
اۆتوكولىك ءبىر ساعاتتان استام جول جۇرگەندە بەتكەيدەن ءبىر ءۇيدىڭ قاراسى كورىندى. قىستاقتا تۇراتىن قىزمەت اترەتىندەگىلەردىڭ كەلگەنىن كورگەن وتاعاسى سەرىك تىزگىن ۇشىمەن الدارىنان شىعىپ، كوپشىلىكتى ىقىلاسپەن ۇيگە كىرۋگە ۇسىنىس ەتتى. ۇيدەگى ساكىگە سىرماق سالىنىپ، كورپە - جاستىقتار توسەك باسىنداعى ساندىقتىڭ ۇستىنە تىپ - تيناقتاي ەتىپ جينالىپتى.”بۇرىن ءبىز قىستاۋدا تاس پەن اعاشتان سالىنعان ۇيدە تۇرىپ، ءۇيىمىزدى قي - تەزەك جاعىپ جىلىتاتىنبىز؛ ال قازىر كەڭ دە جارىق بەيقۇت ۇيگە كوشىپ كىردىك، ءۇيىمىزدىڭ سۋ، ەلەكتر، جىلۋ شارت - جاعدايى كەمەلدى، قانداي تاماشا! “، - دەدى سەرىك.
ادەمى شىنى - اياقتارىن الىپ شىعىپ، كوپشىلىككە اق شاي قۇيعان سەرىكتىڭ ايەلى وسى بىرنەشە جىلداعى وزگەرىستەردى تىلگە تيەك ەتتى: ”بۇرىن ءار جىلى 2 رەت كوشىپ - قوناتىنبىز، كوشكەندە كۇن بويى ىستىق ۇرتتاي الماعان كەزدەرىمىز دە بولعان ەدى، مال ءۇسىپ ءولۋ، جوعالىپ كەتۋ جايتتەرى تۋىلىپ تۇراتىن. ال قازىر پارتيا مەن ۇكىمەتتىڭ قامقورلىعى مەن كومەگىندە اۆتوكولىكپەن كوشەتىن بولدىق، مالدىڭ شىعىندالۋ مولشەرى بارىنشا ازايدى“.
كوپشىلىك اڭگىمە دۇكەنىن قۇرا وتىرىپ، بوساعالىق جاپسىرىپ، تۇمشالامالى شام ءىلىپ، قاربالاستىققا ءتۇستى، ءتۇن پەردەسى جابىلىپ، سىرتتىڭ اۋا تەمپەراتۋراسى نولدەن تومەن 20 سەلتسي گرادۋسقا تۇسكەنىمەن، ءۇي ءىشى دۋمانعا بولەنىپ، كوڭىلدى كۇلكى مەن اڭگىمە تولاستامادى. ”وتانىمىزدىڭ گۇلدەنىپ - كوركەيە بەرۋىن، ءار ۇلت اۋىلداستارىمىزدىڭ امان - ەسەن، باقىتتى، ساۋ - سالامات بولۋىن تىلەيىك!“، - دەدى سەرىك شىنىسىن قولىنا الىپ تەبىرەنە.
«شينجياڭ گازەتىنەن»
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى