ايماق 2023 -جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى

جولدانعان ۋاقىتى : 2023/1/28 12:12:00

□ 1 -ايدىڭ 19 -كۇنى ايماق 2023 -جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزىپ، ايماقتاعى ءتورت باسشىلىق القانىڭ باسشىلارى مەن ءار ۇلت، ءار سالا ۋاكىلدەرى ءبىر اراعا قۋانىشپەن باس قوستى.

تىلشىلەرىمىز ۋاڭ چۇنلين، ۋاڭ تيڭ، ماقپال مىرزاقان حابارلايدى. بارىس جىلى اتتانىپ، قويان جىلى كەلدى. 1 -ايدىڭ 19 -كۇنى ايماق 2023 -جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزىپ، ايماقتاعى ءتورت باسشىلىق القانىڭ باسشىلارى مەن ءار ۇلت، ءار سالا ۋاكىلدەرى ءبىر اراعا قۋانىشپەن باس قوسىپ، ءوزارا اماندىق سۇراسىپ، كوكتەم مەرەكەسىن قۇتتىقتادى. 

نيڭچىڭ قوناق ءۇيىنىڭ امبەباپ زالىندا شىراقتار سامالاداي جايناپ، جاراسىمدى تۇسكە ەنىپ، شاتتىققا تولى ويناقى مۋزيكا اۋەنى ىشىندە ايماقتىق پارتكومنىڭ شۋجيى ۋي جيانگو قاتارلى ايماق باسشىلارى زالعا ەنىپ، كوپشىلىكپەن ءبىر-بىرلەپ قول الىسىپ امانداسىپ، ءوزارا مەرەكەلىك تىلەكتەرىن ءبىلدىرىستى.

ۋي جيانگو كوكتەم مەرەكەسىن قۇتتىقتاۋ ءسوزىن سويلەپ، ايماقتاعى ءتورت باسشىلىق القا اتىنان بۇكىل ايماعىمىزداعى قالىڭ جۇمىسشىلارعا، ەگىنشى -مالشىلارعا، زيالىلارعا، كادرلارعا جانە دەمالىسقا، زەينەتكە شىققان ساقا جولداستارعا، تارباعاتايدا تۇراتىن ازاتتىق ارميانىڭ كوماندير-جاۋىنگەرلەرىنە، قارۋلى ساقشى ءبولىمىنىڭ وفيتسەر-اسكەرلەرىنە، قوعام حاۋىپسىزدىگى كادر-ساقشىلارىنا، ءورت ءسوندىرۋ-ورتتەن ساقتانۋ، قۇتقارۋ-كومەكتەسۋ قىزمەتكەرلەرىنە، ءوندىرىس -قۇرىلىس بيڭتۋانىنداعى جۇمىسشى -قىزمەتكەرلەرگە، ورتالىقتىڭ، اۆتونوميالى رايوننىڭ شينجياڭدا تۇراتىن ورىندارىنداعى جولداستارعا، لياۋنيڭ ولكەسىنەن شينجياڭعا كومەككە كەلگەن كادر، دارىندىلارعا، ايماقتىڭ دامۋىنا كوڭىل ءبولىپ، قولداۋ كورسەتكەن قوعامنىڭ ءار سالاسىنداعى بارلىق قايراتكەرلەرگە مەرەكەلىك سالەم جولدادى جانە اق تىلەگىن ءبىلدىردى! مەرەكە كەزىندە شارشاپ -شالدىققاندارىنا قاراماي، قىزمەت ورنىندا تاپجىلماي ىستەپ جاتقان جولداستاردان شىنايى حال سۇرادى!

ۋي جيانگو قۇتتىقتاۋ سوزىندە بىلاي دەدى: 2022 -جىلعا قايىرىلا قاراساق، ماڭىزى توتەنشە زور، بۇل جىل تارباعاتايدىڭ رەفورما، دامۋ، ورنىقتىلىق تاريحىنداعى ەرەكشە ءبىر جىل بولدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكومنىڭ كوڭىل ءبولۋى مەن قولداۋىندا ايماقتاعى ءار دارەجەلى تاراۋلار مەن ءار ۇلت كادر -بۇقاراسى باس شۋجي شي جينپيڭنىڭ ىقىلاستى تاپسىرماسىن قايراتتانا العا ۇمتىلۋدىڭ تەلەگەي كۇشىنە اينالدىرىپ، ىندەتتەن ساقتانۋ -تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ۇزاق بولاشاققا ساياتىن كوپتەگەن كەلەلى، ماڭىزدى ىستەردى تىندىرىپ، قيىندىقتان تايسالماي، قارسى اتتانىپ، قيىندىقتا ىسكەرلىك كورسەتىپ، قيىىندىق بارىىسىندا جاعدايدى جاقسارتۋدى جۇزەگە اسىردى. 2022 -جىلى ايماقتىڭ ءوندىرىس جالپى ءونىم قۇنى 89 ميلليارد يۋانعا جەتىپ، ارتۋ قارقىنى تۇتاس شينجياڭنىڭ ورتاشا دەڭگەيى بولعان 2 پايىزدان جوعارى بولدى؛ ادەتتەگى الەۋمەتتىك مەجە ەسەپ كىرىسى 4 ميلليارد 840 ميلليون يۋان بولىپ، ارتۋ قارقىنى جاعىنان شينجياڭ بويىنشا 3 -ورىندى يەلەدى؛ ادەتتەگى الەۋمەتتىك مەجە ەسەپ شىعىسى 21 ميلليارد 322 ميلليون يۋان بولىپ، ارتۋ قارقىنى جاعىنان شينجياڭ بويىنشا 1 -ورىنعا ءوتتى؛ تۇراقتى مۇلىككە قوسىلعان قارجى 21 ميلليارد 900 ميلليون يۋانعا جەتىپ، ارتۋ قارقىنى جاعىنان شينجياڭ بويىنشا 1 -ورىندى يەلەدى.

ۋي جيانگو مىنالاردى باسا دارىپتەدى: جاڭا جىلعا كوز جىبەرسەك، تارباعاتاي تاماشا ورايعا دا، كوپتەگەن قيىنشىلىقتار مەن سايىستارعا دا ءدوپ كەلمەك. تۇتاس ايماعىمىز جوعارىدان تومەنگە دەيىن باستان -اياق تۇرعىنى بەكەمدەپ، بەتالىستى ورنىقتىرىپ، پارتيا 20 - قۇرىلتايىنىڭ رۋحى مەن باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجاڭدى باسقارۋ جالپى جوباسىن تولىق، دالمە -ءدال دايەكتىلەندىرىپ، ءىس جۇزىندىك ارەكەت ارقىلى”ەكىنى تۇراقتاندىرۋدى“ قورعاپ، ”ەكىنى قورعاۋدى“ورىنداپ، ساقتىق دابىلىن تىنباي قاعۋعا، ۇنەمى قىراعىلىقتى ساقتاۋعا تاباندى بولىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، تاۋقىمەت تانىمىن، تومەنگى شەكتە ويلاۋدى كۇشەيتىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، بۇقاراعا ”10 ناقتى، يگى ءىستى“ويداعىداي ىستەپ، حالىق تۇرمىسى ىستەرىندە ءتۇيىندى قامال الۋدى ۇزدىكسىز ىلگەرىلەتىپ، ساياسي جەتەكشىلىكتى كۇشەيتىپ، زەيىن -زەردەنى ۇيىستىرىپ، رۋحتى سومداپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ شينجياڭ تاراۋىن ويداعىداي جازۋعا تارباعاتاي ۇلەسىن قوسۋ كەرەك.

كوكتەم مەرەكەسىن توپتىق قۇتتىقتاۋ جينالىسىندا ءار ۇلت ادەبيەت -كوركەمونەر قىزمەتكەرلەرى ”وتان سەنى سۇيەمىن“، ”جەتەلى ۇرپاق، ىرىستى مەكەن” ءانىن شىرقاپ، وركەستردە ”اككوردەون مەكەنى شاۋەشەكتى“ شەرتىپ، ءبي ”ءار ۇلت پەرزەنتتەرى تىلەكتەس“سياقتى تارتىمدى نومىرلەردى ورىندادى.

ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ايدىن تولەۋقان كوكتەم مەرەكەسىن توپتىق قۇتتىقتاۋ جينالىسىن باسقاردى. جاڭ ياۋحۋا، جۇماقازى قادىربەك، جاۋ شيفىڭ، فۋ جىڭحۇي، كى شۇي، مۇقتار كارىمبەك، چى گوجۇن، جارقىن جاڭبىرباي، ۋاڭ دۇڭشىڭ قاتارلى ايماقتاعى ءتورت باسشىلىق القانىڭ باسشىلارى، ايماق، مەڭگەرمە دارەجەلى زەينەتكە شىققان ساقا كادرلاردىڭ ۋاكىلدەرى جانە ءار ۇلت، ءار سالا ۋاكىلدەرى ماجىلىسكە قاتىناستى.




رەداكتورى : اراي ەركىن قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى