بارشا حالىق ازاتتىق ارمياسىنداعى كوماندير - جاۋىنگەرلەرگە، قارۋلى ساقشى بولىمدەرىندەگى وفيتسەر - اسكەرلەرگە، ارميانىڭ اكىمشىلىك قىزمەتكەرلەرىنە، حالىق جاساقتارى مەن زاپاستاعىلارعا كوكتەم مەرەكەسى بايلانىسىمەن تىلەك جولدادى

شينحۋا اگەنتتىگىنىڭ 1 - ايدىڭ 19 - كۇنى بەيجيڭنەن بەرگەن حابارى (ءتىلشى مەي چاڭۋي). كوكتەم مەرەكەسى قۋانىشتى كۇنى كەلۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 18 - كۇنى بەيجيڭ 1 - تامىز عيماراتىندا بەينە ەكران تاسىلىمەن اسكەري بولىمدەردىڭ سوعىس دايىندىعى قىزمەتىن تەكسەرىپ، قاتىستى اسكەري بولىمدەردەن ىقىلاسپەن حال سۇرادى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسىنداعى كوماندير - جاۋىنگەرلەردەن، قارۋلى ساقشى بولىمدەرىندەگى وفيتسەر - اسكەرلەردەن، ارميانىڭ اكىمشىلىك قىزمەتكەرلەرىنەن، حالىق جاساقتارى مەن زاپاستاعىلاردان ىقىلاسپەن حال سۇرادى جانە كوكتەم مەرەكەسى بايلانىسىمەن تىلەك جولدادى.

　　كوكتەم مەرەكەسى تاياپ قالدى، شي جينپيڭ بۇكىل ارميانىڭ سوعىس دايىندىعى قىزمەتىن قالاي يگەرىپ جاتقاندىعىنا باسا نازار اۋداردى. تۇستەن كەيىن ساعات 4تەن 30 مينۋت وتكەن مولشەردە، شي جينپيڭ شەكارا، تەڭىز، اۋە قورعانىسى جانە ورنىقتىلىقتى قورعاۋ، توسىن وقيعالاردى ءبىر جايلى ەتۋ سوعىس دايىندىعى مىندەتىن ارقالاعان قاتىستى اسكەري بولىمدەرمەن جەكە - جەكە بەينە ەكراندا سويلەستى. شينجياڭ اسكەري رايونى حونچيراپ شەكارا قورعانىسى ليانى مىندەت اتقارۋ قاراۋىلحاناسى وتاننىڭ باتىس ۇلكەن قاقپاسىن كۇزەتۋدە، شي جينپيڭ ليان - دۇيدىڭ شەكارانى شارلاۋ، باسقارۋ - مەڭگەرۋ جاعدايىن تاپتەشتەي سۇرادى، ولاردى وتاندى قورعاۋداعى، شەكارانى كۇزەتۋدەگى ساقا تيپ دەپ القادى، كوپشىلىكتى كۇش ۇستىنە كۇش قوسىپ، تاعى دا تىڭ ەسە قوسۋعا شابىتتاندىردى، تەڭىز ارمياسىنىڭ 173 - قۇراماسى سوعىس دايىندىعى شارلاۋ مىندەتىن اتقارىپ جاتتى، شي جينپيڭ قۇراما اترەتىنىڭ شۇعىل جاعدايعا توتەپ بەرۋ - ءبىر جاقتى ەتۋگە دايىندالۋ جاعدايىن تاپتەشتەي سۇراپ، ولارعا تەڭىزدە كۇرەسكەرلىككە تولى كوكتەم مەرەكەسىن وتكىزىپ، وتاننىڭ تەڭىز شەكاراسىن ويداعىداي قورعاۋدى تاپسىردى. اۋە ارمياسى اۋە اسكەرلەرى ءمالىم لۇيىنىڭ كەزەكشىلىك بولىمشە اترەتى شايقاستىق كەزەكشىلىك مىندەت وتەپ جاتتى، شي جينپيڭ بولىمشە اترەتتىڭ كۇندەلىكتى اۋە قورعانىسى سوعىس دايىندىعى قىزمەتى جاعدايىن تاپتەشتەي سۇراپ، ولاردان ساقاداي ساي تۇرىپ، مەرەكە كەزىندە قىراعىلىقتى اناعۇرلىم ارتتىرىپ، ەلىمىزدىڭ اۋە قورعانىسى حاۋىپسىزدىگىن ويداعىداي قورعاۋدى تالاپ ەتتى. قارۋلى ساقشى ليەيىڭ ەكپىندىلەر اترەتى − مەملەكەت دارەجەلى لاڭكەستىككە قارسى تۇرۋداعى شىڭدالعان اتويشى اسكەري ءبولىم، وفيتسەر - اسكەرلەر جاتتىعۋ الاڭىندا جاتتىعىپ جاتتى، شي جينپيڭ اسكەري ءبولىمنىڭ ەرەكشە سوعىس شەبەرلىگىنە جاتتىعۋ جاعدايىن تاپتەشتەي ۇعىسىپ، كوپشىلىككە مىعىم ونەرگە تالىقپاي جاتتىعىپ، ويداعىداي ادال قورعاۋشى بولۋدى تاپسىردى.

　　قاتىستى اسكەري بولىمدەرمەن بەينە ەكراندا سويلەسكەننەن كەيىن، شي جينپيڭ اسكەري بولىمدەردىڭ سوعىس دايىندىعى قىزمەتىن تولىق تۇراقتاندىردى. ول بىلاي دەپ باسا دارىپتەدى: كوكتەم مەرەكەسى تاياپ كەلەدى، بۇكىل ارمياداعى اسكەري بولىمدەر سوعىس دايىندىعى كەزەكشىلىگىن كۇشەيتىپ، مەملەكەتتىڭ حاۋىپسىزدىگى مەن قوعام ورنىقتىلىعىن باتىل قورعاپ، ارقالاۋى ىقتيمال قاتەردەن اراشالاۋ، اپاتتان قۇتقارۋ سياقتى شۇعىل، قيىن، قاتەرلى، اۋىر مىندەتتەردى ويداعىداي ورىنداپ، بۇكىل ەل حالقىنىڭ كوكتەم مەرەكەسىن شات - شادىمان، بەرەكەلى، حاۋىپسىز وتكىزۋىنە شىنايى كەپىلدىك ەتۋ كەرەك. سونىمەن بىرگە، ءبىر تۇتاس جوسپارلاۋدى ويداعىداي جۇرگىزۋگە ءمان بەرىپ، وفيتسەر - اسكەرلەردىڭ مەرەكە كەزىندەگى تۇرمىسىن ويداعىداي ورنالاستىرۋ كەرەك.

　　جاڭ يوۋشيا، حى ۋيدۇڭ، لي شاڭفۋ، ليۋ جىنلي، مياۋ حۋا، جاڭ شىڭمين قاتارلىلار قيمىلعا قاتىناستى.

 

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.