ءتىلشىمىز ۋاڭ چۇنلين حابارلايدى. كوكتەم مەرەكەسى كەلۋ قارساڭىندا، 1 ـ ايدىڭ 17 ـ كۇنى ايماق باسشىلارى بيڭتۋان 9 -شىنىڭ باسشىلارىمەن امانداسىپ، حال سۇراۋ قيمىلىن ورىستەتىپ، دوستىقتى تىلگە تيەك ەتىپ، دامۋدى بىرگە جوسپارلاپ، ورنىقتىلىقتى بىرگە ويلاپ، كوكتەم مەرەكەسىن بىرگە قارسى الدى.
امانداسىپ حال سۇراۋ بارىسىندا ايماقتىق پارتكومنىڭ ورىنباسار شۋجيى جاۋ شيفىڭ ايماقتىق پارتكوم، اكىمشىلىك مەكەمەسى جانە تارباعاتايداعى ءار ۇلت كادر-بۇقارا اتىنان بيڭتۋان 9 -شىداعى ءار ۇلت كادرلارى مەن جۇمىسشى -قىزمەتشىلەرگە مەرەكەلىك سالەم جولدادى.
جاۋ شيفىڭ بىلاي دەدى: 2022 - جىلى اۆتونوميالى رايوندىق پارتكومنىڭ پارمەندى باسشىلىعىندا، ايماقتىق پارتكوم ىندەتتەن ساقتانۋ -تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە -ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ايماقتاعى ءار دارەجەلى پارتكوم مەن ۇكىمەتتى جانە قالىڭ كادر -بۇقارانى ىنتىماقتاستىرىپ، باستاپ، ەل بىرلىگىنەن بەرىك قامال تۇرعىزا وتىرىپ ىندەتكە قارسى اتتانىپ، ءبىر جاعادان باس، ءبىر جەڭنەن قول شىعارا وتىرىپ ورنىقتىلىقتى قورعاپ، قيىندىقتاردى جەڭە وتىرىپ دامۋدى جەبەپ، رەفورمانى تاباندىلىقپەن يگەرىپ، زەيىن -زەردەنى، كۇش -قۋاتتى شوعىرلاندىرا وتىرىپ حالىق تۇرمىسىنا تيىمدىلىك جاساپ، پارتيا قۇرىلىسىن قاتاڭ، شىنايى كۇشەيتىپ، كورىكتى تارباعاتاي قۇرىلىسىندا تىڭ ناتيجەلەرگە قول جەتكىزىپ، تىڭ قادام تاستادى. تۇتاس جىلدا ايماقتىڭ ءوندىرىس جالپى قۇنى 89 ميلليارد يۋانعا جەتىپ، ％5 ارتاتىندىعى مەجەلەنسە، ساۋداگەر شاقىرىپ، قارجى ەنگىزۋدە تياناقتانعان قارجى 44 ميلليارد 631 ميلليون يۋانعا جەتىپ، ％180 ارتتى؛ شەكارا اتتاعان ەلەكتروندىق ساۋدا ەكسپورتى جۇزەگە اسىپ، تۇتاس جىلدا يمپورت -ەكسپورت ەتىلگەن زات مولشەرى 300 مىڭ توننادان اسىپ، 1990 -جىلى شەكارا وتكەلى اشىلعاننان بەرگى ەڭ جوعارى رەكورد جاراتتى؛ ايماقتىڭ حالىق تۇرمىسىنا جۇمساعان شىعىسى 14 ميلليارد 950 ميلليون يۋان بولىپ، ادەتتەگى الەۋمەتتىك مەجە ەسەپ شىعىسىنىڭ ％73 ىن ۇستادى. وسى ناتيجەلەردىڭ قولعا كەلۋى بيڭتۋان 9 -شىنىڭ زور كۇشپەن قولداۋى مەن كومەگىنەن بولە قارالمايدى، الداعى جەردە ەكى جاقتىڭ بيڭتۋان مەن جەرگىلىكتى ورىننىڭ توعىسپالى دامۋىنىڭ ءتۇرلى مىندەتتەرىن ناقتاپ تياناقتاندىرىپ، تارباعاتاي ايماعى مەن بيڭتۋان 9 -شىنىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتۋىن ءۇمىت ەتەمىز.
بيڭتۋان 9 -شى پارتكومىنىڭ ورىنباسار شۋجيى، ورىنباسار جىڭۋيى چىن چۇنلەي بيڭتۋان 9 -شىداعى ءار ۇلت كادرلارى مەن جۇمىسشى -قىزمەتكەرلەر اتىنان تارباعاتاي ايماعىنىڭ ءبىر جىلدان بەرى بيڭتۋان 9 -شىعا زور كۇشپەن قولداۋ كورسەتكەنىنە العىس ايتتى ءارى بيڭتۋان 9 -شىنىڭ وتكەن ءبىر جىلداعى ءار سالا ىستەرىنىڭ دامۋ جاعدايىن تانىستىردى. ول بىلاي دەدى: 2022 -جىلى بيڭتۋان 9 -شىسى اۆتونوميالى رايوندىق پارتكومنىڭ جانە بيڭتۋان پارتكومىنىڭ ورنالاستىرۋىنا ساي، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، قوعام ورنىقتىلىعى، ىندەتتەن ساقتانۋ-تىزگىندەۋ، ەكونوميكانى جوعارى ساپالى دامىتۋ، بيڭتۋان مەن جەرگىلىكتى ورىننىڭ توعىسا دامۋى سياقتى قىزمەتتەردى شىن مانىندە ويداعىداي يگەرىپ، بيڭتۋان 9 -شىسى دامۋىنىڭ جاڭا جاعدايىن اشتى.
امانداسىپ حال سۇراۋ اياقتاعان سوڭ، ەكى جاق ساياسي دەڭگەيدى اناعۇرلىم جوعارىلاتىپ، ” بيڭتۋان مەن جەرگىلىكتى ورىن ءبىر تۇتاس جۇيە“يدەياسىن بەرىك ورناتىپ، ۇيىمدىق باسشىلىقتى كۇشەيتىپ، قازىرگى بار مەحانيزمدى ۇزدىكسىز كەمەلدەندىرىپ، بيڭتۋان مەن جەرگىلىكتى ورىن توعىسۋىنا ساياتىن قىزمەتتىڭ ءتۇيىندى مىندەتتەرى مەن نىساندارىن ۇزدىكسىز ويداعىداي جوسپارلاپ، بيڭتۋان مەن جەرگىلىكتى ورىننىڭ باسىمدىقتاردى ءوزارا تولىقتايتىن، اشىق، تەڭ يگىلىككە كەنەلەتىن كاسىپ جۇيەسىن تۇلعالاپ، بيڭتۋان مەن جەرگىلىكتى ورىننىڭ توعىسا دامۋىنان تىڭ ىلگەرىلەۋشىلىكتەرگە، تىڭ ناتيجەلەرگە قول جەتكىزۋدى ۇزدىكسىز ىلگەرىلەتەتىندىكتەرىن ءبىلدىردى.
ايماق باسشىلارىنان كى شۇي، بيڭتۋان 9 -شىنىڭ باسشىلارىنان سو ۋي، ايماقتىق پارتكومنىڭ باس حاتشىسى، ورىنباسار باس حاتشىلارى جانە قاتىستى تاراۋلاردىڭ جاۋاپتىلارى، سونداي -اق بيڭتۋان 9 -شىنىڭ قاتىستى تاراۋلارىنداعى جاۋاپتى جولداستار كوكتەم مەرەكەسى بايلانىسىمەن امانداسىپ حال سۇراۋ قيمىلىنا قاتىناستى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى