سەنىمدى كۇشەيتىپ، ەكونوميكانى ورنىقتىرىپ، دامۋدى جەبەۋدى كۇش سالا ىلگەرىلەتەمىز
ـــــ ايماقتىق دامۋ جانە رەفورمالاۋ كوميتەتى پارتيا باسشىلىق گرۋپپاسىنىڭ شۋجيى
فان زىشۋەمەن ارناۋلى سۇحبات
□ تىلشىلەرىمىز ۋاڭ گاۋشىڭ، ۋاڭ ياجۇن
وتكەنگە قايىرىلا قاراپ، بولاشاققا كوز جىبەرسەك، 2022 -جىلى ايماقتىق پارتكوم مەن اكىمشىلىك مەكەمەسىنىڭ پارمەندى باسشىلىعىندا، ايماعىمىز ىندەتتەن ساقتانۋ-تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، تۇراقتى مۇلىككە قوسىلعان قارجى 21 ميلليارد 900 ميلليون يۋانعا جەتىپ، سايكەس مەزگىلدەگىدەن ％33 ارتىپ، ارتۋ قارقىنى بۇكىل شينجياڭ بويىنشا ءبىرىنشى ورىندى يەلەدى.
بيىل ــ پارتيا 20 -قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستالعان جىلى ءارى”14 - بەسجىلدىق“جوبانىڭ باس -اياعىن تۇتاستىراتىن شەشۋشى جىل. ايماعىمىز اسقاق جىگەرمەن قايراتتانا ۇمتىلىپ، سەنىمدى كۇشەيتىپ، ەكونوميكانى ورنىقتىرىپ، دامۋدى جەبەۋگە قالاي كىرىسپەكشى؟ تاياۋدا وسى جونىندە ايماقتىق دامۋ جانە رەفورمالاۋ كوميتەتى پارتيا باسشىلىق گرۋپپاسىنىڭ شۋجيى فان زىشۋەمەن سۇحباتتا بولدىق.
فان زىشۋە بىلاي دەدى: بيىل ”8 ءىرى كاسىپ سالاسى شوعىرى“جونىندەگى ورنالاستىرۋلاردى ارقاۋ ەتە وتىرىپ، ەرەكشە باسىمدىقتى بار كۇشپەن ساۋلەلەندىرىپ، كاسىپ سالاسىنىڭ دامۋىن ىلگەرىلەتىپ، ورتالىقتىڭ مەجە ەسەبى ىشىندەگى قارجىسى، جەرگىلىكتى ۇكىمەتتىڭ ارناۋلى زايومى جانە شينجياڭعا كومەكتەسۋ قارجىسى سياقتى ساياساتتىق قارجىدان 3 ميلليارد 820 ميلليون يۋاندى تياناقتاندىرىپ، ساياساتتىڭ تياناقتانۋىن اناعۇرلىم كۇشەيتىپ، ساپالىلاندىرىپ، مىندەتتى وقۋ -اعارتۋ جاعىنداعى كەدەيلىكتەن ارىلتۋ جەتىستىكتەرىن ۇزدىكسىز بەكەمدەپ، ەمدەۋ، دەنساۋلىق ساقتاۋعا قىزمەت وتەۋ قابىلەتىن جوعارىلاتىپ، جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىنىڭ ىشكەرىلەي توعىسا دامۋىن جەبەيمىز. سونىمەن بىرگە، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، اۋىل -قىستاقتى گۇلدەندىرۋدى ۇزدىكسىز ىلگەرىلەتىپ، 73 ميلليون 920 مىڭ يۋان قارجى تياناقتاندىرىپ، قۇرىلىس ارقىلى كومەكتەسۋ نىسانىنان 20 دان استامىن اتقارىپ، ەكونوميكانىورنىقتىرۋ، حالىق تۇرمىسىنا كەپىلدىك ەتۋ قىزمەتىن تىڭعىلىقتى، ويداعىداي ىستەپ، حالىق تۇرمىسىنا قاتىستى ماڭىزدى تاۋارلارمەن قامداۋدى، باعانى ورنىقتىرۋدى جەبەپ، بۇقارا تۇرمىسىنىڭ گۇلدەنۋى مەن ورنىقتىلىعىن قامتاماسىز ەتەمىز.
بيىل ايماقتىق دامۋ جانە رەفورمالاۋ كوميتەتى”ءتورت تانىمدى“ ونان ارى كۇشەيتىپ،”ءتورت سەنىمدى“بەكەمدەپ، ”ەكىنى قورعاۋدى“ورىنداپ، جاڭا بەينەمەن جاڭا جاۋاپكەرشىلىك ارقالاپ، جاڭا ىسكەرلىك كورسەتىپ، تارباعاتايدىڭ رەفورما، دامۋ، ورنىقتىلىعىن بار كۇشپەن ىلگەرىلەتىپ، ءتۇرلى قىزمەتتەردەن تىڭ ناتيجەلەر جاراتىپ، پارتيا 20 -قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ باستالعان جىلىندا”تۇتاس جىلدا تابىس بولۋدى“جۇزەگە اسىرۋعا دەم بەرىپ، ايماعىمىز ەكونوميكاسىنىڭ جوعارى ساپالى دامۋىن ىلگەرىلەتپەكشى ەكەن.
فان زىشۋە بىلاي دەدى: بيىل ايماقتىق دامۋ جانە رەفورمالاۋ كوميتەتى ايماقتىق پارتكومنىڭ كەڭەيتىلگەن ءماجىلىسىنىڭ ورنالاستىرۋلارىن مۇقيات دايەكتىلەندىرىپ، تياناقتاندىرىپ، نازاردى 2023 -جىلى ءوندىرىس جالپى ءونىم قۇنىن 100 ميلليارد يۋانعا جەتكىزۋگە شوعىرلاندىرىپ، تۇراقتى مۇلىككە قوسىلعان قارجىنىڭ ارتۋ قارقىنىن ％50 تەن اسىرۋعا كۇش سالادى. كاسىپ سالاسىن دامىتۋدى وسى وزەكتىڭ قوزعالتقىشى ەتۋگە تاباندى بولىپ،” 3 ءىرى بولىك“ەكونوميكاسىنىڭ دامۋ ورنالاستىرۋىن اناعۇرلىم ساپالىلاندىرىپ، اۆتونوميالى رايون العا قويعان” 8 ءىرى كاسىپ سالاسى شوعىرى“جونىندەگى ورنالاستىرۋلاردى ىشكەرىلەي دايەكتىلەندىرىپ، تارباعاتايدىڭ ەرەكشە باسىمدىعىن كورنەكتىلەندىرىپ، تارباعاتايدىڭ قوعام ورنىقتىلىعى مەن باياندى تىنىشتىعىنىڭ زاتتىق نەگىزىن بەكەمدەپ، 2023 -جىلعى تۇراقتى مۇلىككە قارجى قوسۋ نىساندارىنىڭ زاپاس قامباسى، جەرگىلىكتى ۇكىمەتتەردىڭ ارناۋلى سالىنىپ جاتقان نىساندارى جانە ساياساتتىق سيپاتتى، گۇلدەندىرۋ سيپاتتى فينانس قۇرالدارى سياقتى زاپاس نىسانداردى ونان ارى كەمەلدەندىرىپ، اسىرەسە حالىق تۇرمىسى نىساندارىنىڭ ساياساتتىق قارجىسىن قولعا كەلتىرۋ جانە تياناقتاندىرۋ قىزمەتىن بارىنشا كۇشەيتىپ، بۇقارانىڭ ىرىس - قۇتىن ارتتىرۋعا تالىقپاي تالپىنىپ، حالىق تۇرمىسى ىستەرىنەن ءتۇيىندى ناتيجە جاراتۋدى ۇزدىكسىز ىلگەرىلەتەمىز.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى