ايماقتىق پارتكومنىڭ كەڭەيتىلگەن ءماجىلىسىنىڭ رۋحىن جاپپاي دايەكتىلەندىرۋدە ايماعىمىزدىڭ اۋىل -قالاشىق، الەۋمەتتىك اۋماقتارىنداعى پارتيا مۇشەلەرى مەن كادر -بۇقارا ـــ
نازاردى ءماجىلىس نىساناسىنا شوعىرلاندىرىپ، جاۋاپكەرشىلىك پەن بورىشتى ارقالادى
تىلشىلەرىمىز داي جياۋمەي، جاڭ ياڭ، الاشىن سۋدىبەلىك حابارلايدى. جاقىنعى كۇندەردەن بەرى ايماعىمىزدىڭ اۋىل -قالاشىق، الاڭ، قىستاق -اترەت، الەۋمەتتىك اۋماقتارى ايماقتىق پارتكومنىڭ كەڭەيتىلگەن ءماجىلىسىنىڭ رۋحىن ۇيرەنۋدىڭ، دايەكتىلەندىرۋدىڭ قىزۋ ورلەۋىن جەدەل كوتەردى. كوپشىلىك جابال مىنالاردى ءبىلدىردى: مۇنان بىلايعى قىزمەتتە كەڭەيتىلگەن ءماجىلىس رۋحىن جەتەكشى ەتىپ، جاۋاپكەرشىلىك پەن بورىشتى ەستە بەرىك ساقتاپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەمىز.
قوبىقسارى موڭعۇل اۆتونوميالى اۋدانى تەكپىسۋ اۋىلدىق پارتكومنىڭ شۋجيى شان چاڭچيڭ بىلاي دەدى:”ايماقتىق پارتكومنىڭ كەڭەيتىلگەن ءماجىلىسىنىڭ بايانداماسىن تىڭداعاننان كەيىن تەرەڭ تولعاندىم. جاڭا ءبىر جىلدا، جاڭا باستامادا، پارتيا 20-قۇرىلتايىنىڭ رۋحىن، اۆتونوميالى رايوندىق 10 -كەزەكتى پارتكومنىڭ جەتىنشى جالپى ءماجىلىسىنىڭ رۋحىن، ايماقتىق پارتكومنىڭ كەڭەيتىلگەن ءماجىلىسىنىڭ رۋحىن مۇقيات ۇيرەنىپ، ۇعىنىپ، قىستاق دارەجەلى شەپتىڭ جۇمىس اقىلداسۋ -كەڭەسۋ، مادەنيەتپەن نارلەندىرۋ، حالىققا قولايلى قىزمەت وتەۋ، پارتيا مۇشەلەرى مەن بۇقارا قيمىلى سياقتى يقۋاتتارىن ۇزدىكسىز كۇشەيتىپ، قىستاق دارەجەلى كاسىپ سالالارىن اناعۇرلىم دامىتىپ، ەگىنشى -مالشى قاۋىمىن كىرىستى ارتتىرىپ، اۋقاتتانۋعا باستاپ، قىستاق دارەجەلى شەپتى نەگىزگى ساتىداعى ەڭ كۇشتى ماگنيت ورىسىنە اينالدىرامىز“.
كەڭەيتىلگەن ءماجىلىس اۋىل - قىستاقتى جاپپاي گۇلدەندىرۋدى ۇزدىكسىز ىلگەرىلەتىپ، استىق حاۋىپسىزدىگىنىڭ تومەنگى شەگىن ويداعىداي ساقتاپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى اۋىل -قىستاقتى گۇلدەندىرۋمەن ءونىمدى ۇشتاستىرۋدى تىڭعىلىقتى ىلگەرىلەتۋدى العا قويدى.
تولى اۋدانى تولى قالاشىعى پارتكومىنىڭ شۋجيى لي يۇنشيا:”الداعى جەردە مال شارۋاشىلىعىن جەبەۋگە، ەرەكشە شارۋاشىلىقتى دامىتۋعا، اۋىل -قىستاقتى گۇلدەندىرۋگە كۇش سالىپ، قالاشىقتىڭ 1 -كاسىبى مەن 2-كاسىبىن،سونداي -اق ساياحاتتى دامىتۋ قىزمەتىن جالعاستى ويداعىداي يگەرىپ، جۇمىستاندىرۋدى بۇقارانىڭ كىرىسىن ارتتىرىپ، اۋقاتتاندىرۋدىڭ ءونىمدى تۇتقاسى مەن جولى ەتىپ، حالىققا ءتيىمدى ءتۇرلى ساياساتتاردى ناقتاپ تياناقتاندىرامىز. جاڭا جىلدا بارلىق پارتيا مۇشەلەرى مەن كادر -بۇقارا بورىشتى، جاۋاپكەرشىلىكتى ۇزدىكسىز كۇشەيتىپ، شوگەلدىكپەن ىستەپ، العان بەتىنەن قايتپايتىن رۋحپەن اۋىل - قىستاقتى گۇلدەندىرۋدى ويداعىداي يگەرەدى“دەدى.
شاۋەشەك قالاسى بەيبىت ءمالى باسقارماسىنىڭ قۇرىلىس الەۋمەتتىك اۋماعىندا 35 شاعىن رايون، 62 تۇرعىندار عيماراتى بار، باسىم كوپ ءبولىمى كونە شاعىن رايون، تازالىق ورتاسى، سايكەستى قۇرىلعىلارى، الەۋمەتتىك قىزمەت وتەۋى سياقتى جاقتاردا ولقىلىقتار ساقتالىپ كەلگەن. كونە شاعىن اۋماق تۇرعىندارىنىڭ قونىستانۋ ساپاسىن جوعارىلاتىپ، قونىس ورتاسىن جاقسارتۋ ءۇشىن، شاۋەشەك قالاسى ابدىرا اۋىلىنىڭ سەنترلى مەكتەبى وسى الەۋمەتتىك اۋماقتا تۇرعاننان بەرى الەۋمەتتىك اۋماقتا تۇراتىن قىزمەت اترەتىنىڭ جاڭا كەزەڭدەگى جاۋاپكەرشىلىگى مەن مىندەتىن ىرىقتىلىقپەن اتقارىپ، پارتيا قۇرىلىسىن جەتەكشى، بۇقارانىڭ قاجەتىن بەتالىس ەتە وتىرىپ، قاراستى اۋماقتاعى كونە شاعىن رايوننىڭ مەنشىك يەلەرى كوميتەتىن قۇرۋىنا بەلسەنە جەتەكشىلىك ەتىپ، بۇقارانىڭ ءوزىن -ءوزى باسقارۋ تۇعىرىن قۇرىپ، شاعىن رايون ىستەرىن باسقاراتىن ادام بولماۋ ماسەلەسىن تۇبىرىنەن شەشتى.
قىزمەت اترەتىنىڭ ورىنباسار باستىعى شين يانلين بىلاي دەدى:”الداعى جەردە ايماقتىق پارتكومنىڭ كەڭەيتىلگەن ءماجىلىسىنىڭ رۋحىن جەتەكشى ەتىپ، الەۋمەتتىك اۋماقتاعى ءتۇرلى ءتۇيىندى قىزمەتتەردى تىڭعىلىقتى ورىستەتىپ، حالىق رايىن انىقتاپ، ناقتى جاعدايدى يگەرىپ، قايشىلىقتاردى، داۋ -شارلاردى ءبىر-بىرلەپ تەكسەرىپ شەشىپ، الەۋمەتتىك اۋماقتىڭ كومەكتەسۋ -سۇيەمەلدەۋ قىزمەتىن ويداعىداي ىستەۋىنە سايكەسىپ، بۇقارانىڭ ’شۇعىل، قيىن، ۋايىمداعان، ءزارۋ‘ماسەلەلەرىن دەن قويا، شىن پەيىلمەن شەشىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن قۇلشىنا جوعارىلاتامىز .“
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى