ءتىلشىمىز زىڭ جاۋمەي، ەرىكتى ءتىلشى ليۋ شۋە حابارلايدى. “شوفەر رەتىندە، كوكتەم مەرەكەسى كەزىندە جۇكتى ارتىق باسپاۋ، اۆتوكولىكتىڭ جىلدامدىعىن اسىرماۋ سياقتى تالاپتاردى قاتاڭ اتقارىپ، ءار كۇنى اۆتوكولىك جۇرگىزۋدەن بۇرىن، ءسوز جوق، تورموز، شىراقتاردى تەكسەرىپ، اۆتوكولىك حاۋىپسىزدىگىنە كوڭىل بولەمىز”دەدى 1 -ايدىڭ 6 -كۇنى ساۋان قالاسى ليۋماۋۋان قالاشىعىنىڭ ارناۋلى جەلىدە قاتىنايتىن اۆتوكولىك شوفەرى ۋاڭ جيانلۇڭ.
ۇعىسۋعا قاراعاندا، كوكتەم مەرەكەسى تاسىمالى كەزىندە ساۋان قالالىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى قاراستى رايونداعى نەگىزگى جول تورابى، قالانىڭ شىعار اۋىزى، مەملەكەت، ولكە جولى، اۋىل ـ قىستاق جولى سياقتى ءتۇيىندى جول بولەكتەرىندە تەكسەرۋدى كۇشەيتىپ، جولاۋشى تاسىمالى، جۇك تاسىمالى شوفەرلەرىنە جانە اۆتوكولىككە، جولاۋشى تاسىمال بەكەتتەرى مەن جۇك تاسىمال الاڭدارىنا بولعان باسقارۋدى كۇشەيتىپ، 2023 -جىلعى كوكتەم مەرەكەسى كەزىندەگى جول قاتىناس حاۋىپسىزدىگىن باسقارۋ قىزمەتىن شىنايى ويداعىداي ىستەپ، جول قاتىناسىنىڭ حاۋىپسىز، ىركىلىسسىز، ءتارتىپتى بولۋىنا كەپىلدىك ەتەدى ەكەن.
”جولاۋشى، جۇك تاسىمال كاسىپورىندارىنىڭ ۋاكىلى رەتىندە، كاسىپورىننىڭ قىزمەتكەرلەرى مەن اۆتوكولىكتەرىن باسقارۋدى اناعۇرلىم كۇشەيتىپ، جاۋاپكەرشىلىكتى شىنايى ارقالاپ، اۆتوكولىك ىستەتۋ وتكەلىن قاتاڭ يگەرىپ، قاتىناس زاڭ ـ ەرەجەلەرىنە سانالى بويسۇنىپ، ارتىق جولاۋشى وتىرعىزۋ، اۆتوكولىكتىڭ جىلدامدىعىن اسىرۋ، شارشاپ ـ شالدىعىپ اۆتوكولىك جۇرگىزۋ سياقتى ەرەجەگە، زاڭعا قايشى ارەكەتتەردى باتىل تەجەپ، كوكتەم مەرەكەسى كەزىندەگى قاتىناس حاۋىپسىزدىگىن بار كۇشپەن قامتاماسىز ەتەمىز” دەدى ساۋان قالاسى چاڭشيڭ جولاۋشى تاسىمال شەكتى جاۋاپكەرشىلىك سەرىكتەستىگىنىڭ ديرەكتورى يۋان جىگاڭ.
”كاسىپورىنداردى ءوندىرىس حاۋىپسىزدىگى تۇلعالىق جاۋاپكەرشىلىگىن ويداعىداي تياناقتاندىرۋعا دەر كەزىندە قۋزاپ، كاسىپ سالاسىن باقىلاۋ -باسقارۋ جاۋاپكەرشىلىگىن كۇشەيتىپ، جولاۋشىلاردىڭ حاۋىپسىزدىگىنە، ءجۇرىس -تۇرىستارىنىڭ جايلى بولۋىنا، باس اماندىعىنا شىنايى كەپىلدىك ەتەمىز. تاسىمال بايلىعىن ويداعىداي ۇيىمداستىرىپ، جولاۋشىلاردىڭ كوكتەم مەرەكەسىن الاڭسىز، اقاۋسىز، شات -شادىمان، مەرەيلى وتكىزۋىنە كەپىلدىك ەتەمىز“دەدى ساۋان قالالىق قاتىناس -تاسىمال مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ليۋ چاڭشيڭ.
ىقىلاستى ەسكەرتۋ: ساۋان قالالىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى قالىڭ جولاۋشىلارعا راسمياتى تولىق تاسىمال اۆتوكولىگىن تاڭداۋدى، كۋالىكسىز اۆتوكولىكتەرگە وتىرماۋدى، ارتىق جولاۋشى وتىرعىزعان اۆتوكولىككە وتىرماۋدى، حاۋىپسىزدىك بەلبەۋىن تاعىپ الۋدى؛ اۆتوكولىك جۇرگەننەن كەيىن، كولىك ىشىندە ارلى -بەرلى جۇرمەۋدى، كوكتەم مەرەكەسى كەزىندەگى قاتىناس -تاسىمالدىڭ حاۋىپسىز، ىركىلىسسىز بولۋىنا كەپىلدىك ەتۋدى ەسكەرتەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى