جەل وتىندەگى جول قورعاۋشىلار

جولدانعان ۋاقىتى : 2023/1/19 11:38:40

□ 1 -ايدىڭ 12 -كۇنى مايتاس قارلى بوراننان ساقتانۋ، قاتەردەن اراشالاۋ بازاسىنىڭ قىزمەتكەرلەرى قار تازالاپ، قاتىناسقا كەپىلدىك ەتۋدە.

□ قاتەردەن اراشالاۋ جۇمىسىنا اتتانار الدىندا، بانجاڭ كوپشىلىككە حاۋىپسىزدىككە كوڭىل ءبولۋدى ەسكەرتۋدە.

□ مايتاس قارلى بوراننان ساقتانۋ، قاتەردەن اراشالاۋ بازاسىنىڭ قىزمەتكەرى قار كۇرەپ جاتقان ماشينانى جوندەۋدە.

□ كەزەكشىلىگىن وتەپ بولعان قىزمەتكەر ۇيىندەگىلەرمەن بەينە ەكراندا سويلەسىپ، اماندىعىن بىلدىرۋدە.

ءدوربىلجىن اۋدانىنىڭ مايتاس جەل ءوتى ــ قۇلىستايعا كىرىپ - شىعاتىن”نەگىزگى قاتىناس كۇرە تامىرىنا “، سارعۇسىنمەن ءبىر بوران بەلدەۋىنە جاتادى. 

ول جەردە 7 دە 8 بال بوران سوعۋ قالىپتى جاعداي، جەل وتىندەگى جەل كۇشى 10 بالدان اسۋ دا تاڭعالارلىق ءجايت ەمەس، اسىرەسە قىستاعى قارلى بوران ازىناعان سۇركەيلى اۋا رايىندا اۋا تەمپەراتۋراسى°30C- تان ءتۇسىپ، جول بەتىن كورۋ ارالىعى تومەندەپ، ۇرلەسىن قار بىتەپ، قاتىناس توسىلىپ قالادى.

وسىنداي ساتتەردە تارباعاتاي تاس جول باسقارۋ مەكەمەسى ءدوربىلجىن بولىمشە مەكەمەسىنىڭ مايتاس قارلى بوراننان ساقتانۋ، قاتەردەن اراشالاۋ بازاسىنىڭ قىزمەتكەرلەرى تولىق قىزمەتكە شىعىپ، تاۋلىك بويى قار كۇرەپ، ولكە جولى 201 -لەنياسىنىڭ 76 كيلومەترلىك بولەگىنىڭ ىركىلىسسىزدىگىنە كەپىلدىك ەتەدى.

ءار جىلى 11 -ايدان كەلەر جىلعى 4 -ايعا دەيىنگى مەزگىلدە ولاردىڭ قاشاندا كۇن -ءتۇن دەمەي قاربالاس جۇرگەن بەينەسىن كورەسىز. سۇراپىل قارلى بورانمەن ايقاسىپ، قار كۇرەۋ ماشينالارىن سەرىك ەتىپ،  تاپجىلماس تاباندىلىق تانىتۋ ولاردىڭ كۇندەلىك حارەكەتىنە اينالعان. قاتەرلى ساتتەردە ولار اتويلاپ العا شىعىپ، ءوز ومىرلەرىمەن، وسكەلەڭ جاۋاپكەرشىلىكتەرىمەن ارى - بەرى وتكەن اۆتوكولىكتەر مەن جولاۋشىلاردىڭ حاۋىپسىزدىگىن قورعاپ كەلەدى.


سۋرەتىن تارتىپ، حابارلاعان تىلشىلەرىمىز ۋاڭ گاۋشىڭ، ۋاڭ تيڭ، ۋاڭ چۋانميڭ




رەداكتورى : اراي ەركىن قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى